قصيدة عبس

ياوقت لاتلبس مواعيدنا لبس
كم لي وانا خايل واخايل واخايل

الكسر حديته على الجبر والجبس
والدمع حديته على الخد سايل

فل القيود وبطل اقفولة الحبس
خل الكويت تعايد اليوم حايل

اللي تشاور راعي اللبس باللبس
تبا تماريبه بنات الحمايل

ام الترف والمبسم السكر الدبس
عالت على قلبن لها الحب شايل

من يوم ماجتني تحبس الهوى حبس
تامر علي ولسانها حيل طايل

وشلون تامرني وانا من بني عبس
لو يحكي التاريخ فيها قبايل

رح قلها لو ريقي من الضما يبس
ماني بدور بالرفيق البدايل

كان الزمن مايل معي وخاطره عبس
ترى الزمن ماهو على طول مايل

بكره تغادر ضيقة الصدر والكبس
باب الاصايل ينفتح للأصايل

تلقا اليدين مكسره قفولة الحبس
وتلقا الكويت مصافحه يد حايل