خويّة الدرب روحي لارحم جدك
مانيب الأول هذاك الضايع التايه
خلاص قلبي نوى يجفاك ويصدك
العام هذا بداية قصة إنهايه
إن عاش راسي على الهجران لأحدك
وأعلن تحديك صامل وأرفع الرايه
توي تنبهت صرت اليوم ماعدك
عشيرةٍ لي ولا ممشاك ممشايه
كنت احسبني قدرت احرقك واهدك
وكنت أحسبنك وسيله واطمح لغايه
وأثرك خبيثة نوايا وإنكشف سدك
تمشين بالشر ضدي رايحه جايه
دايم بيمناي يوم ارفعك واردك
ومرات اهوجس واردك يم يسرايه
سبابتي داعبت من غيّها خدك
وقبّلت ثغرك كثير وصارت إحكايه
بدايتي مزح لين اسرفت في جدك
جاهل ولا أعرف دوايه وين من دايه
بالعكس أجابه وأحارب من وقف ضدك
وأقول كل النصايح دونك أوشايه
واليوم يكفي قهر بس إمسكي حدك
مابي غلا من بدت للحال برايه
سجارة الموت فعلاً لارحم جدك
افنيت عمري وانا اشيلك بمخبايه
كلمات تركي الميزاني
بعد إقلاعه عن التدخين