تدري علامي دايم اسمــك أناديـــه
عشانك اللي يثلج الصـــدر طرياه

وتدري علامي ضايعٍ ضيـعة التيه
لأنك بعـــيد الدار والهــــــم شفناه


والبعد نارٍ وســـط قلبي وتكـــويه
وأدواء غلاك وصـــــــدتك ما لقيناه


ماعندي إلا ادهده القلب وأعطــيه
جرعــات صبرٍ بس صبري فقدناه


وتدري بدا فكري يضيع خطــاويه
لادق ناقـــوس الخــــطر ما قويناه


تثور في صـــدري براكين تشويه
كأن الصــدر قــلاية القلب تقـــــلاه


وتصير ناره تشتـــعل منه أو فيه
ولالي جــــدا ياكــــود ربــاه ربـــاه


تكفى تعال وخل عنك المشـــــاريه
تعـــال لي فزعـــه وفك المعـــــاناه


عجل علي فديت روحك وغــاليه
عجـــل بقـــربك ياغنـــاتي فدينــاه


ليتك تحس بلوعة القــلب ياهــيه
وأنت الوحــيد اللي نتوق لعطــاياه


ومن قدرك اللي مابه احدٍ يساويه
رســمت لك بالعــين صوره مخـباه


وهذي نتايـــج همي اللي اعــانيه
دايم لحــالي واكــتب الشـعر واقراه


وليا كتبت الشعــــر اعود واغنيه
وليا قضــيت اقـول ويلاه ويلاه


ولاعاد باقي شئ من شان اسويه
إلا إني اكــتب لك قصــايد مغـناه


ورغم إن عقلي يفتخـر في مباديه
ضاعـت حــلوله لين ضيعت مبداه

رد: تدري علامي دايم اسمــك أناديـــه .......
عشانك اللي يثلج الصـــدر طرياه

• جنون قصايدليل في التصاميـم
• لآ تسألونيے مـכּ أڪَوכּ •● هُنآ أنفَآسْ وξـشقـہآ כـتى الجنوכּ •●