ايـوه ثقيلـه ليـه مانـي ثقيلـه
........يوم الثقل صنعه وغيري شراهـا
ياهيه جنّب معضـلات الجليلـه
........اثمارها مبطي ولا احـدن دناهـا
يوم الذيابـه تعـوي بكـل ليلـه
........ذيبه ولايعصف هبوبـي عواهـا
ياهيه جمّع مابقـى مـن فشيلـه
........تبطي تلامس اللي عظيم(ن) مداها
واللي ينفّض عالخطايـا شليلـة
........كل الخطايا تسبقـه فـي رداهـا
طرد العذارى يالغبي وش حصيله
.........غير الذنوب اللي يغرك حلاهـا
بلاش هالشارب عشانـي تشيلـه
........نقص المراجل من علومك بلاها
طبعا(ن) لأني شامخه مستحيلـه
........تبطي تلامس اللي بعيد(ن) مداها