اللـه أكبر !! كل هذا تسوّيه ..؟! }..!



لا مات حبك! قول لي ويش يحييه..؟
وان طاح قدرك، وش تجيني عشانه!؟

حبك لك الله.. من عرفتك اداريه..!
ولا جاك مني، من عرفتك اهانه..

كل يوم أقول لخافقي وين أوديـه..؟
وش الكلام اللـي، يليـق بكيانـه..

ودّي بكلمة، تشْعـره إن مافيـه...
غيره .. وعن غيره محصّن حصانه!

عقلي! خفوقي، في محبتـه مغديـه!
يعني لك الله كان.. سيّـد زمانـه..

ان نام عيني، في جفوني تغطيـه..
وان قام يبقى في عيونـي مكانـه..

وان قال بمشي، في خفوقي امشيـه
وان قال بلعب، قلت له : في رزانـه..

هذا خفوقي! لكن إيـاك... ترميـه..
هـذي امانـه.. وانتبـه للأمانـه..

"فجأة صدمي" كنت انا واثق(ن) فيه!
والله.. قويّه.. تنصدم فـي خيانـه!

اللهُ أكبـر، كـل هـذا تسـويـه..؟
اللهُ أكبـر.. يالنفـوس.. الجبانـه..

ما عاد لي والله، يمّـك.. مشاريـه
واللي يحب لشي، يقفـي عشانـه..

من مبدئي: من تفضح الناس، خافيه!
قبـل يعاتبهـم! يعاتـب لسـانـه..

اكذب عليك ان قلت قلبـي أسليـه!
بعّدك عذاب، وفي رجوعك اهانـه..!!


منقول

ســــــــــــــــامحوني اذا غلطت عليكـــــــــــــــم