همس الشتا دايم معي .... بين الأماني والصُدَف
وسط الزحام المنتشر .... / بين الضلوع الداميه

يكتب على صدر الندى ..../ يطرز آهاته خَزَف
وآنا معه فالمعمعه ............/ أحزاننا متراميه

بنيت له سقف الحلم ..../ عبره على هيئة غُرَف
شُرفَة أمل للي يبي .... / يسقي القلوب الضاميه

وربّطَها / باسلاكها, / متكهربه, / بين, الخَرَف
بعد الغرام اللي رحل .... / عن كل نظره راميه

تكتب حرف واكتب حرف والمستمع يكتب حرف
كل ٍ يحب ويشتكي ...؟../ وين القلوب الساميه؟؟

اللي هواها .... / بالنظر / مثل اللأليء بالصَدَف
واللي ما كَلّت بالعطا .../ تحسها ........ متناميه

تعطيك من نَفْس النَفَس ..../ تتحمل انواع الكَلَف
تروّضك / ماهمها / الامواج لوهي ...../ طاميه

ولو أدري ممكن نجتمع .. / ممكن أدوّر واستلف
قلب ٍ جديد ٍ ما انجرح مع َ العَجَم .. ب / اللاميه

لكني أدري بالتَلَف .. / لو تطلب العاشق, / حَلَف
يكذب على قلبه وهو ..../ تصلاه ... نار ٍ حاميه


أعجبتني فنقلتها