سمعت صوت ,, كأني أتخيل !! أو لااا لااااااااا هذا صدق موب حلم ,, قمت قاعد و شفت الرجل القصير المليان قدامي , مسحت على عيوني و ناظرته لثواني ...
: تبا شي يالغريب ..
بلعت ريقي و أنا اشوف اللي قدامي ,, موب صاحي أجل مصحين عشان يقول تبي شي ,,,
تذكرت اني بهالصحراء و قلت بنفسي ايه اشوى بعد لو تركن نايم كان نسيت نفسي و ضعت بهالبران ..
تكلمت و أنا ما زلت أتفحص شكله الأقل من عادي : ضيعت الطريق ..
رجع يسأل و كأنه يهاوش : وين تبا وين موجه ؟؟
عضيت شفتي و بلعت العافيه و انا أشوفه يهاوش بر ابوه ذا عشان يجي يزمر علي !!
طاحت عيني عليه و هو يمسح وجهه بطريقه غريبه ما اشوفه الا مع البزران ,, الصراحه اني شكيت بامره ..
غاصت رجلي بالرمل و تعدلت واقف ,, كانت عيونه تلتهمن من فوق لتحت بنظرات غير طبيعيه ,,
بادرته بالكلام حتى أتأكد من شكي : وشلون جيت بهالصحراء ما تخاف الحالك ..
تحرك بسرعه و رد بعصبيه : انا رجال من ارجل الرياااجيل و حتى عندي ولد !!
ابتسمت لما تأكدت و سألته و أنا أجاري لهجته : وش اسمك و من ايّآآآة عرب ؟
نفخ صدره و رد : أنا ملفي من صبره ..
.
و كأن الخير انصب علي لما قال صبره أخيرااااااا !!
حسيت اني لقيت كنزمستحيل أتركه ,, سألته بسرعه : ملفي وين صبره ؟
رد بسرعه : عن غرب بعد نفودين ..
و اشر بيده لجهة الغرب و كمل : منّآآآك .
ركبت سيارتي و شغلته ,, و اشرت له بيدي و تكلمت : اركب ..
ابتسم و رد : لا أنا بروح مشي ..
تنهدت و انا مالي خلق تلزيم يكفي الشمس اللي طبختن : ملفي يرحم والديك اركب اخاف اضيع ثانيه ..
و كأنه ثارت بنفسه عزيمة البدوي و راح بسرعه للباب الثاني و ركب .
من سكر الباب حركت متجه لصبره و أنا أدعي " الله يصبرناااا "
ــــــــــــــــــــــــــــــــــــــــــــــــــ ـــــ
رونق
الظهر ..
كنت قاعده بغرفتي اليوم تميت تسع طعش يوم و البيت مليان رجال و استحي اطلع و انا نفساء ...
الصراحه اني مليت و حتى ساري تعب من كثر ما ألعبه !!
يــــــــــا عمري هو من كثر ما أمل أشغل نفسي بتلعيبه ..
سمعت طرقات خفيفه على الباب ما يوازيه الا نعومة نوره مرة نايف ,, انفتح الباب و ما خاب ظني ,, شفته داخله و شالت البرقع و الابتسامه شاقه وجهه ,,
بادلته الابتسامه و ردت بسرعه : ما ودي اني ازعجتس بس ودي اظف غرفتس قبل يجي الرجال ..
عقدت حواجبي و رديت : أي رجّال ؟؟
ابتسمت و ردت : رجّال من صوب هلتس قاعد يتقهوى مع مطلق و عمي و ابوي و .........
قاطعته بشهقتي ورديت بسرعه : أهلي ؟!!
ردت بسرعه : ايه من هلتس بس عاد تراي مدري منهو لا تنشدينن ..
حطيت ساري على الفراش و قمت بسرعه ,, وصلت الباب و رجعت للفراش ,, حسيت بإيدين نوره تمسكن : يا رونق اهجدي أنا ابنظف الغرفه و انتي نفساء ما يصلح تطلعين له بالمجلس غير انه يبي يجيتس الحين بس خليه يشرب فنجاله ..
ما أدري وشلون تكلمت : بس أخاف يروح و ينسى يمرن ..
ابتسمت نوره و هي تعدل مهاد ساري و ردت : يا بنت الحلال حتى فنجاله قده ما برد ..
قمت بسرعه و عدلت الفراش ثم تلفت اناظر الغرفه ,, الحمد لله اني مرتبته ,,
شفت نوره تطلع بسرعه بعد صوت نداءات من عمتي ..
جلست بسرعه على طرف الفراش و عيوني على الباب ,, أنتظر اللي يدخل ,, محمد و الا عبدالرحمن و الا خالد ..... أو حتى يمكن فيصل !
كانت ضربات قلبي ترقع و جسمي انتشرت فيه النفـّـاضه ..
عضيت على شفتي و عصرت الشرشف بين ايديني و أنا أشوف الباب ينفتح ,, من شفت زوله جمدت حسيت اني ودي اضربه !! أكفخه أسوي له أي شي قاهرن قاهرن ,, لكن كل هذا ما منعن اني اقوم له و ما ان وصلت له حتى ضربت بقوه على كتفه ثم ارتميت على صدره أصيييييييييح ,, كانت ايدينه تحاوطن و دموعه تشاركن .
سمعت صوته يتعذر و هو يصيح : اعذرين يالغاليه و الله موب بإيدي ..
ماكان ينسمع الا شهاقي و صياحي المتواصل لكن من قال اعذرين حسيت صدق انه جابه على الجرح .. أبعدت راسي و رديت و أنا اشاهق : كلــ...ــهم أأصـ..ـدق انهم ينسونن إلا أنــ..ـت ياآآآ فيــ.....صـــ...ــل ..
حسيت به يسحبن مره ثانيه و يضمن بقوه و رد و هو ينوح على كتفي : قسم ما نسيناتس بس موب بإيدينا قسم ..
.
.
.
.
مرت لحظات و حنا نتبادل العتب و اللوم ,, أعتب عليه و يعتذر و من يعتذر أتذكر الجرح اللي تركوه !!
سنه كآآآآآآآآآآآآآآآمله لا حس و لا خبر عنهم و لا فكر احد منهم يسأل عن ّ !!
و الله لو انا بسه ما نسيتون وشلون عاد بنتكم !!
.
كل هذا و أكثر قلته له ,, تصدقون اني ضربته و لعنته !!
قسم بالله ما هنا شي الا وقلته له ,, كان الوقت يمر و هو حليم و انا مجروووحه !!
سمعنا الباب ينفتح و شفت مطلق يدخل ,, من دخل بدا يهلي و يرحب بفيصل ,, حاول يدخلن بالسالفه بس لما شاف ان صمتي طال و زعلي كبر قال اللي عنده ..
مطلق : شوفي يا رونق ترا فيصل ما يدري وين أنتي ,, كل اللي يعرفه انتس بالحفر ..
رفعت نظري له و شفت عيونه تأكد كلام مطلق ,, ما صبرت و رديت : يقدر يسأل خالد و الا عبدالرحمن أو حتى ابوك وراك ما سألته ؟؟
رد فيصل : خالد سافر بعد زواجتس بيوم و كل ما سألناوه عن عنوانكم أو حتى رقم يوصلنا لكم رفض يعطينا اياوه ..
رفعت نظري له و رديت بسرعه : ورااااه ؟
اكتفى خالد بالصمت بينما رد فيصل : تدرين وشو السبب ؟!!
و تابع لما شافن منصته : يقول يوم انه عندكم شافت الويل بعد عين امي و ابوي ..
و تابع بألم : يقول ذوقوا من الكأس اللي ذوقتوها اياوه ..
عضيت على شفتي و أنا أفكر بخالد هالعوج ,, يبي يعاقبهم عشاني ما درى انه عاقبن معهم !!
و رديت بسرعه : طيب ما تسألون عنّ .
رد فيصل بصدق : و الله اننا نسأل عنتس دايم ..
ضحكت و رديت : و خالد مثلا يدري وش اخباري .
رد مطلق بسرعه : أنا أكلم خالد كل ما رحت للحفر و أعطيه أخبارتس ..
.
.
بلحظات تنكشف الحقائق ,, و تطيح الأقنعه !!
رديت بقهر و دموعي على وجهي : و تقولي انك ما تدري عن أهلي !
رد بسرعه يبرر : قلت اذا صار لأحد شي بقولتس و الحمد لله كلهم بخير .
غمضت عيوني بقهر ,, يا ربي لااااا شي يلهد قسم بالله !!
حسيت بضغطة فيصل على ايدي و سمعت همسه : كلنا نحبتس و نبيلتس الخير و الله ..
فتحت عيوني و درت نظري عليهم ,, فيصل احس اني عذرته شوي بس ما زالت فيه شوي شرهه بقلبي ,, أما مطلق لااااااا قسم اللي أحسه شي كبييييييير قهر لما يخدعك شخص عشان مصلحتك على حد قوله !!
انا أدرى من كل العالم بمصلحتي ..
حسيت بإيد مطلق تضغط على ايدي و سمعت همسه : أنا أبطلع أصلي العصر و لي كلام ثاني بعدين ..
سحبت ايدي بعصبيه و رديت : الله معك ..
كان الجو متوتر من حركتي مع مطلق لكن من طلع مطلق رطب فيصل الجو كعادته !!
: رجال ما يمشون الا بالعين الحمراء ..
فلتت ابتسامه من اثمي غصبا عنّ ,, أخفيته بسرعه بعد ما انتبه له فيصل و رجعت للجديه : فيصل ... امممم طيب وشلون عطاك خالد العنوان هالمره ؟!
ابتسم و رد : أول ما ولدتي دق علي و قالي ابقول لك مكان رونق بشرط انه ما أحد يدري ..
كمل كلامه و هو مركز أكثر : قالي ابيك تروح له لأنه ولدت و ابيك تتطمن عليه قسم فرحت اني ابزورتس و فرحت بولدتس ..
و تلفت ثم سأل : الااااا وينه هالمفعوص !!
مسكت ايده و سألت : و ابوك يعني ما درى ؟
عقد حواجبه و رد : ابوي متأثر قوه و منقهر من خالد بس ما بيده شي ,, تدرين حتى يوم بغيت اجي قلت له اني ابروح للصيد ,,
شهقت و رديت : وراه ما قلت له ..
رد فيصل : عمي خالد محلفن ما أعلمه يقول انه هو بيجي بعد شهر و نص و يعلمهم ثمن تتوالى الزيارات بيننا و بينكم و تسذا .
مغصن بطني يوم قال زيارات و تذكرت عادات صبره البغيضه لكن نافذة أمل انفتحت لما تذكرت وعد مطلق لي اني بشوفهم و ابتسمت .
و رد فيصل و هو مبتسم : عاد لو انا داري انتس بتصفقينن كان ما جيت .
رديت بسرعه و أنا اناظره بغرور : تستاهل يالشين قسم انك قاهرنننننن ..
و سألت بسرعه : الا أسماء وش اخباره عقب طلعته من المستشفى يا عمري يا بناته تلقاهن فرحن به ..
نزل راسه و عقد حواجبه ثم رد : رجعت للعنايه !!!!!!!!!!!!
.
.
ركزت على عيونه لوقت و أنا أحتريه يقول امزح بس ما قال غير ان المرض مابه مزح ,, رديت بسرعه و أنا أحرك لساني ببطء و أنا موب مصدقه : وراااه ؟
رد و هو يناظرن بحزن : نكس ( رجع ) عليه المرض الشين و دخلت العنايه قبل أربعة أيام .
.
.
.
ما أدري كم مر من الوقت و حنا نتشاكى لكن لو قلنا كل دمعه بثانيه معناه اننا استهلكنا مالا نهاية من الثواني الغرقانه بدموعناآآآ !!
|
|
|
ٳل̨هي جملني بحلتين قلب رحيم وعقل حكيم ...
|
|