ودي احطه بيني وبين مركاي
يــاللــه يـاللـي تـعـلـم السـر والغيب = يـاللـــي تــعـــرف انــــواع الاســرار جواي
ابــ سـئـلك يـالله عـن مــنـــوة الذيب = هـــي عـــايـشـــــه والا تـــطـــوت بدنياي
جـتـنـا زيـــاره بـالسـنـيـن المعاطيب = بـشـرى ثــلاث سنـيـن فـي ظــل ممشاي
في عامنا العشرين ماكان بي شيب = ولاكنت احسب الشيب يلحق على اقصاي
قـلـت اسـئـلك بـالله قــالـت تراحيب = لاكــن تــرى مــايـــاكـــل الــذيــب بحشاي
صــغــيــرة تـــوه بــ ســن المواهيب = وانـا شـبـــاب وطـــــايــش مـاعــرف دواي
تشفق عليـها مـن سمـوم اللواهيب = ودي احـــطـــــــه بــيــنــي وبــيــن مركاي
سئلتـهـا قــالـت انــا الشــك والريب = وجـنـسـيـتـي مــاهـي بحـكمـي ولا رضاي
مـولــودة بــ غـربـي مـديـنــة تلابيب = وابــوي عـــضــــواً تـحـت ظـــل ابــو عداي
اصلـي وفصلي فيـه ملـيـون تركيب = وابــوي مــادري مـن أي دولــه شـرب ماي
رجـعـت متـأسـف ومـحـتــار ومهيب = ومــضــيـــــع بــاقــي عــفـــوشــي بدنياي
ياناس دلـونـي علـى الـدرب لاغيب = ومـن قـبــل مــاتــكـبــر مـــع الـبـنـت بلواي