الذاكره فلم ؟ قمت اطويه و افله
و الأدمي ذكرياته تلعب بـ جوّه
تجيني ايام ، بسم الله ما شاءالله
و تجيني أيام ، لا حول و لا قوّه



:::::::::::::::::::::::

نبض الحنين بداخل القلب باقي
لامن طرت هالذكريات تغلبنا
كل مانحّن بصمتنا احساس راقي
وكل مانبوح يفوح عطر : وكتبن
ا
:::::::::::::::::::::::


بـ اغيّر كل ما فيني
وبدفن اخر احزاني
قبل تذبل ' ثلاثيني '
ابـ اهديها عمر ثاني

:::::::::::::::::::::::
ويش اسوي بقلب ٍفالمحبه تعنّى
كلما لاحت الذكرى يزيد اشتياقه
عادته لا سرى ليل . . المجاريح غنى
سلمولي على اللي سمّ حالي فراقه ..

:::::::::::::::::::::::


ملح الورق لامن كتبنا عن الشوق
الشوق قصة لاحكت ماحكينا
ياحلوها الذكرى اذا جات برفوق
هزت مشاعرنا وبانت علينا


:::::::::::::::::::::::



لو لي على صدتك شرهة عتب او ملام
خانت نجوم السما بشت السهاد الطويل
يا معتبرني مدينه والسفر بـ الزحام
شلّت يدين الوداع وساد صمتً ثقيل
:::::::::::::::::::::::

كانت تحبه ، وتنسى الناس لا جاته
وتقول ذا شاعري جعلي فدا حرفه !
واليوم تزعل اذا احدن ردد ابياته !
واذا سألوها لمين !! تقول 'ماعرفه
:::::::::::::::::::::::

تجمعين الضد في كل الامور
غامضة مرة ومرة مثل نور
تشبهين ايام اوقات الخريف
وتمطرين احيان احساسك زهور ..
:::::::::::::::::::::::

صوته علاج الجروح.... الخافيه
فيه نبره تبري القلب الجريح
كل يوم اسمع صداها كافيه
ويصير قلبي من همومه مستريح

:::::::::::::::::::::::
أجمل من الجو واحشني شذا طيبك
حتى دفا همسك المبحوح يغريني
ياتي بك البرد والنسناس ياتي بك
متى يجيبك ​غلاك وتحضنك عيني .!

:::::::::::::::::::::::



يغيب عني ويدري صعب نسيانه
واشتاق له بس هو يشتاق لي أكثر
وإن قلت عيني طوال الليل سهرانه
يقول طيب مو أنا قلت لا تـسـهــر