تشكي وأنا أشكي يازمان العجايب
ياكيف أصحى يوم ماني معاكم
كنا سوى نمشي بطريق المحبه
واليوم وحدي ياعساني فداكم
أقسم بربي لو علي لاجيكم
لاأبيع قلبي واشتري أنا به رضاكم
******************************
طعم الحياه بغيبتك صعب ينطاق
والنوم بعدك ماتذوقه عيوني
أشتاق في بعدك وفي قربك أشتاق
حبك جنوني وأنت كلك جنوني
يامعرض روحي على جمر الأشواق
لارحت عني كيف حالة عيوني
****************************
لو شفت حالي
كيف عايش بلياك؟؟؟
تبكي على حالي وتكره غيابك!!
سولف لي عن غيبتك وشلون دنياك؟؟
عساك تضحك والحزن مادرى بك
لامر طيفك قلت:
أدخل وحياك
وسط الفؤاد اللي هواك وشقابك
*******************************
الطيب بين الناس
كاسب ومكسوب
وأنا الذي من طيب حظي كسبتك
أهل الخليج
واحد وعشرين
مليون
وأنت تساويهم
لوكنت (وحدك)
***********************
قالوا: أصبر
قلت: أنا والصبر وذكراه صرنا عشاير
قالوا: رح له وشوفه ودور أخباره
قلت: آآآآآه
ونزلت دمعه
تعبر عن جوابي
دمعة حزن ماتت وهي تقول:
(أشتقتلك)
وروحي ذبحها غيابك
****************************
أجمل زمن في ظل حبك قضيته
وأحلى قصيده قلتها فيك ولهان
والعين تهوى كل درب مشيته
والرجل تاطى لك شعوب ووديان
حبك هو اللي في الحياة أرتجيته
وعرفت في قربك غلا كلمة انسان
*********************************
مهما حصل من بعد وقصور وغياب
ترى عمري مانسيت الموده أنت سكنت داخل رموش الأهداب
عيني فراش ورمش عيني مخده
وترى الغلا ماينتهي بين الأصحاب
بالذات لاصار الغلا فوق حده
****************************
مايموت الشوق لو قل الوصل
ومايهز الغلا زلزال الظروف
وأنت داري في معزتنا أصل
ولو يطول الصمت لايلحقك
خوف
والغلا بالقلب والله متصل
ثابت مثل الأصابع بالكفوف
****************************
ياشرق خبرني عن اللي أنا أغليه
عن واحد روحي بحبه شغوفه
أغليه من بد المخاليق وأفديه
أحس للفرحه طعم يوم أشوفه
يطلب عيوني يطلب القلب وأعطيه
وأرهن حياتي بين ضمة كفوفه
*********************************
تعبت أكتم قهر حبي وأعاند كل حسادي ولا ودي أحد يدري حياتي وش جرى فيها أنا يوم حبيتك أحسه يوم ميلادي قصايد قلتها لجلك كتبتك في قوافيها وإذا مات الأول فيني يظل الشوق بفؤادي وتبقى لي حروف أسمك قصيده دوم أغنيها
*********************************
تطيح الدمعه من عيني
ويجري غصب مدمعها
كرهت الأرض من أولها لسابعها
بعد هالعمر والعشره حبيبي لوتسألني أنا أحبك؟
إيه أحبك أحبك أحبك وتكفى خل الناس تسمعها..!!
*********************************

مهم جدآ
قرار بخصوص احتساب المشاركات وتوضيح مفصل
بالاضافة لشروط استخدام الخاص وصندوق المحادثات

تفضلوا بالدخول

طريقة احتساب المشاركات وكيف تحصل على مشاركات اضافيه بنجاح - منتديات قصايد ليل

قوانين استخدام الشات والرسائل الخاصة - منتديات قصايد ليل