قالت تضيق ان غبت بالحيل قلت ايه

اكره حياتي كلها في غيابك

وشلون وانتي قلبي اللي ملكتييه

اكيد نبضه يختلف في ذهابك

قالت صحيح؟وقلت ياغايتي ليه؟

ماتعرفين اني اموت بجنابك

اعشق وصالك واكره الهجر طاريه

واعيش لحضات الغلا في رحابك

والليل في ذكراك تطرب مساريه

ويشوقني بالحب لحضة عتابك

والقلب لوبيدك جرحتيه منيه

ما اقول غير الا هلا مرحبا بك

القلب وعيوني وروحي وراعيه

كلهن رصيد مسجل في حسابك

يفداك من تمشي على الارض رجليه

ويفداك من ذاق الغلا واعتزى بك

قالت حبيبي وقلت :- لبيه.. لبيه

لبى الخدود اللي زهت في شبابك

قالت احبك والغلا شف مواريه

وسط العيون السود يشكي عذابك