جيت له ثم قلت وش فيك اختفيت
يوم انا من جد محتاجك وابيك

وقلت له وش فيك صديت وجفيت
وليه بعت اللي بعمره مشتريك

وليه غبت وين رحت وين جيت
وكيف تنسى من بحبه يرتجيك

هي غصيبه او ظروفك او نسيت
ماعتقد تنسى وعد الايام ذيك

تدري اني للاوادم ماشتكيت
وان صدري صار للعبره شريك

وتدري اني مت والا مآدريت
لعنبووك ارحم محب مات فييك

وتدري اني كل مانمت وصحيت
شفتك بجفني وعيني تحتـريك

في غيابك صار كيت وصار كيت

وجعل ماجا في خفوقي مايجيك

هلت دموعي وكلمني ورضيت
يوم سالت دمعتي منك عليك

قلت بدري قال صدري ماقويت
قلت وش بك قال جعله يلتقيك

قلت منهو قآل خلك .. وآستحيت
وصد وآخر قولته الله يهديك

مآحكيت وقمت اردد شطر بيت
يآشبيه صويحبي حسبي عليك

منقول

الموضوع الأصلي : شفتك بجفني وعيني تحتـريك || الكاتب : مخملية || المصدر : منتديات قصايد ليل

التوقيع: