منتديات قصايد ليل - عرض مشاركة واحدة

#1 01-19-2016

مدخل

انا .. و ليلي .. و أثمن كنوز الأعماق
نشريك .. و انت تقول طالبك بعني؟

الله كتب بأنٌا نحبك .. و ننساق
أتركني أرضى بأمر ربي .. و دعني

انا و قلبي .. نأخذ لقلبك .. سباق
وأنشد: وصلنا .. قال : يعني و يعني

عمق

الجرح ,, للقلب والايام . ودروبي
والليل من جابني يمه ؟ ووداني !

كم لي سنه والجفا صوتي وعذروبي
أخاف لا ينتهي حزني , ويلقاني

مشـكور يا خاطري و آسف يا مكتوبي
أزريت اقول الكلام اللي على لساني

وش كانت الذكريات وكانت ذنوبي
ثنتين والعذر كان اكبر من أحزاني

ثنتين بين العذول , وجرح محبوبي
الاول يهون ,, والشرهه على الثاني

أحس دار الزمان ,, وغير اسلوبي !
حتى اقرب الناس خليته وخلاني

أن جيت برضاي والا رحت مغصوبي
الحين ما كل شـي يهز ّ وجداني

يمكن كبرت أو نسيت العام مطلوبي
يمكن تغافلني الحلم ,, وتعداني

والدمعه اللي تروح وتلتفت صوبي
تركتها فالضلوع ,, وصرت وحداني

يـا جروح الآيام , ما مليتي دروبي
خليني ارتاح لو مره على شاني

مخرج

صوت المواجع حي ، واقرب من الطيف
واقرب كثير مـن الصغيـر ل ثيابـه !

كنا "رفات" وركب الاحيـاء مناكيـف !
ودرب المواجع قدمنـا ، هـج بابـه !

هـذي ملامحنـا مواجـع وتسـويـف
وضيـقٍ مـلا كـل الاماكـن رتابـه !

لاأرواحكم النقيه