أشتاق ثم أشتاق واشتاق واشتاق
ياملهب شوقي بروعة شعورك
قلبي لهمسك يااعذب احساس تواق
الله لا يحرم خفوقي حضورك

أكتب لك آآحبك على بيض الأوراق
من عقب يضويها فؤادي بنورك
ياللي حروفك تنسكب وسط الأعماق

أقرا المحبه في طلاسم سطورك
المح بوجهك كل نظرات عشاق
يفداك قلب راحته من سرورك
روحي معك ياخافقي دوم باعناق
أتقبلك وأشم ريحة بخورك

قلبي من البارح بعالمك مافاق
هيم فيك وكل مابي يزورك
ليتك تشوف الحال واللي بالأعماق
ماصار فيها غير نسمة عطورك