كل عام وأنتم بخير .. وكتكوته الله لايحرمنا جديدك
العيد باكر .. قلت أنا العيد مابيه
............................................ العيد مو للي مفارق زمانه
تكفون حالي لاتقولون وشفيه
........................................... حالي عليلٍ وسبته من زمانه
راح الذي بالحيل ياناس مغليه
......................................... اللي قصيدي وكل ماملك عشانه
الِّي ليامن ضاق صدري الاقيه
........................................ الله ماكبر طيبته ... مع حنانه
الله ليامن قال (حبيبي) وشفيه ؟
......................................... حبيت اسمي يوم قاله لسانه
كنا نتزاعل ونتخاصم واخليه
....................................... واليا افترقنا مايطول جفانا
يومين والثالث يجيني واراضيه
...................................... الله ماحلا خصامنا مع رضانا
راح بنصيبه ياعسى الله يهنيه
......................................... عسى السعاده ماتفارق كيانه
اضحك على نفسي ليا قلت ناسيه
....................................... وشلون بنسى ووسط قلبي مكانه
وشلون واشعاري تغنت تناديه
......................................... قصيدي وهمس القوافي عشانه
|