منتديات قصايد ليل - عرض مشاركة واحدة

#1 12-29-2015

تمنيتك اول يوم كنت اتمناني
وكنت الحبيب اللي مكانه محل الروح

نصيبي على غيرك من الناس وداني
وانا بأمر ربن كاتبن رزقنا باللــــــوح

نصيبك كتب لك ترتحل مع غلا ثاني
وانا رحت ماودي يجي من وفاي جروح

تهنيت وياليتك مع الوقت تنساني
ولاتتصل بي يزعجك صوتي المبحوح

رح الله يحرمني غلات اقرب اخواني
اذا قلت لك ماني من اللي حصل مجروح

يكفيني من جرح المشاوير ماجاني
ويكفي عيونك سرها للبشر مفضوح

حظوظن تعاندني ووقت يتحداني
وانا صابرن قلبي على الساكت المذبوح

ترجيت لك قلبي ابي حيل يعصاني
اذا جاب لك سيره يصد وبعيد ويروح

ظروف الزمن تقسى ويامر وينهاني
وروحي لها عزه تبين لها بوضوح

يصيب النصيب اللي على البعد ينعاني
ولاني عليك اقرب من العاشق المسموح

تهنى وعيش بدنيتك لاتحراني
ولاعاد لك قلبن من العاطفه مفتوح

/*