كنت حر
جيت وجذبني عبيرك
صرتي انفاسي وروحي
وجيتك اشرب من غديرك
وكنت ضايع
في اغترابي
عاشق يبغى يستشيرك
كان معيه
مابين اضلاعي خفوقي
وكان دمي
شوق ٍ يجري في عروقي
كنت املك
قلبي وبصدري احسه
في الحنايا كنت اضمه
كنت ادسه
حتى شلع مع اثيرك
مدري ليه كنت خايف
ولا حسيت ا ني ملكتك
ودريتي بي

ولا عرفتك
مع غموضك صرت احبك
كم سئلت الليل هذا

وكم سئلت النجم هذا
وعن منامي انتباذه
والسهر لجلك عشقته
وقصيدي لاجلك كتبته
خبريني
ليه ترميني بسعيرك
كان ذنبي

اني اهوى ولا اتوبك
والجوارح غادروني واسكنوبك
علميني و ذكريني

متى جا دربي لدربك

قلت صدفه

ماهي صدفه

كان حظي به سعاده

كنت اطلب له زياده

ويوم جيتي اكتفيت

كنت اظن اني اميرك

وانا تايه

واحتويتيني اسيرك

وقيدتيني في وريدي

وكنت احس العيد انتي

اقبلتي يمي

ولا استبنتي

شهقتيني مع انفاسك

واليوم بصدرك زفيرك

الفظيني يابراكين الجزيره

سيول نارك

مذهله فعلاً مثيره

انظريها

مثل دمي

وان قدرتي لملميها

كيف تلتم المساكب

وبحري تغرق به مراكب

وانتي نجمه

لكن من تحت الكواكب

كنت واهم

اني ابني بيت من نور وظلال

وكنت واهم

انك انتي

لكل خريده عاشقه صرتي مثال

واستويتي في سما قطب الشمال

كنت واهم

كان بيتي اللي بنيته

تنسجه خيوط العناكب

انا اسف في يميني عن يمينك

حلفتي لي انك تبيني

محبه ما ني عشيرك

ولا صداقه في المحبه

الحب اسمى

متعلي فوق المراتب

وهذه مني

اعتبريها آخر رساله

من كريم وينفض توالي ذفاله

ان قلت كلمه

ماودي يفسر مقاله

افهميها واعتبريها

وان بغيتي هي رزاله

ابغى ارحل في طعوني

واخيط جروحي بسنوني

ونابي يذبح سم نابي

وابغى اشيلك من ترابي

مثل عشبه مالها اية فوايد

غير شوك ٍ في مداسي

ولا سوسٍ في ضراسي

ولي من ملاماتي نصيبي

وحرمت كلمة حبيبي

والرساله

وقعناها

وارسلناها مع سفيرك

بقلم عقل العياش