عند فهد....
اليوم الثاني: عالغدا
فهد قاعد بجنب شروق:شروقه حبيبتي عطيني لبن
شروق معصبه:انشالله
فهد ماخلصت طلباته وشروق تلبيله طلباته لانه عمانه وحريمهم كلهم مووجودين رهف وشهد هم عارفين ان فهد يجنن شروق
خلصوا:.ما بقى الا أشخاص شويه
فهد وقف وقرب من شروق لزق ظهرها على صدره وحط ايده على خصرهاا
شروق تهمس باذنه:فهد بعد احسن لك
فهد بصوت عالي:تبين بوسه حياتي ؟
شروق انصدمت رهف وشهد ضحكوا
شهد:يااا عيني من قدك؟
رهف:الله الله مو قدامنا فهود
فهد ما بعد عن شروق:اشش انتي و ياها احرجتوا شروقتي
شهد:اييي شروقتي بعد
شروق بعدت عنه بسرعه وراحت داخل
فهد:ههههههههاي
مرت الايام سريعه بالشاليه فهد جنن شروق رهف كبر حبها لفهد على الجو اللي شهد مسويته
فهد طلق شروق وعمه عصب عليه حس ان عذبها بما فيه الكفايه
مرت احداث واجد عالابطال
فهد كان هادي لانه حس بالإجازه انه مال لرهف وحبها
كانوا شباب الصبح بالجامعه لا ارجعوا ناموا وبليل يطلعون
عطلة صيف ثانيه لفهد
ملك على بنت عمه"رهف"
( بالملكه:: )
فهد وياها بروحهم بالمجلس
فهد:مبروك
رهف بهمس:الله يبارك فيك
فهد:احلفي عاد هالصوت تسمعينه النمله؟
رهف رفعت عينها له بسرعه
فهد ابتسم:ايوا خلك كذا
رهف:فهـــــد
فهد:عيـــــونه
صمــــــــــت
فهد ابتسم بخبث:طالعه حلوه اليوم شمعني؟
رهف:لا والله؟؟؟؟
فهد:هههههههههه
رهف وقفت وطاح شال اللي مغطي ظهرها نزلت بتاخذه
مسكها فهد:رهف
رهف :لبيه
فهد جاب شال: لا تقطين شال تسمعين؟؟
رهف:فهد انا بس لابسته عندك عند ناس اللي برا بقطه اكيد
فهد:نــــــــــعم غرريبه مفروض تقطينه عندي
رهف:فـــــهد
فهد:ههههه لاتحاولين ياويلك ان سمعت انك قاطته مالقيتي نفنوف عاري اكثر من كذا ظهرك كله طالع معليش انا اشوفه بـــــس اللي برا ليش
رهف زعلانه وساكته
فهد:رهوفتي
رهف:نعم
فهد:لا لا شنو نعم قولي عيونها
رهف معصبه وزعلانه:عيــــــــــونها ارتحت؟
فهد:هههههههههههه ايوا ارتحت دخلت عليهم شهد: ما صارت كل هذا كلام؟
فهد:يالله شتبين انتي؟
شهد:لاااا والله الله يرحم ايام قبل شهد وشهد
فهد:وفي احد قال غير كذا؟ شهوده أنتي قلبي
رهف:لاوالله
شهد:يووووه يا فهود زوجتك تغار
فهد:يا بعد قلبي هي والله
رهف انحرجت
شهد:ياعـــــيني ما اتحمل انا فهد:ووجع كنا عطيناك وجه
شهد:لاااا بعد ناوين تطردوني فهد:بكيـــــف رهوفتي؟
رهف: فــــــــــهد
فهد:عـــــيونه
شهد:يلله باي
طلعت بسررعه شهد طالعه تجنن اليوم بنفنوفها الاحمر مخصر جسمها طلعت رهف للحوش بتنادي واحد من الجهال امه تبيه وطبعا عجزانه تتغطى حتى عبايه ما عليها لانه الرياجيل لهم باب ثاني ويطلعون
شهد:حمودي ناد هذاك الولد امه تبيه
طلع واحد من الديوانيه مزيوون شهد انصدمت ما عرفت شتسوي الولد شاف شهد انصدم بقلبه"يااازيـــــنها"
شهد عطته ظهرها
الولد:آســـــف اختي وربي ما انتبهت
شهد:لا عادي
جاها حمود مع ولد صغير
الولد الكبير:خالد تعال شموديك عند البنت؟
شهد "ايييي هذا اخوه يعني هو ولد جارتنا ام سعود اكيد هذا سعود كان يدرس برا طيران"
سعود:خااااااالد تعال
خالد راح لأخوه يركض لانه سعود عصب
خالد:آســـــف سعود
شهد "اي والله هو سعود ياربي يازينه"
شهد:الحمدلله على السلامه سعود ومبروك التخرج
سعود ابتسم:الله يسلمك يا ؟
شهد:انا شهد بنت جيرانكم
سعود:والنعم والله عرفتك اخت فهد الله يسلمك ياشهد وعقبالك يارب
شهد:انشالله ودخلت داخل بسرعه
عند رهـــــف مجننها فهد
فهد:زعلانه؟
رهف:فـــــهد خلاص
فهد:اها شكلك زهقتي مني؟ رهف:لاوالله فهودي حبيبي
فهد:عيديها
رهف انحرجت: فهد مو زهقانه منك
فهد:لا لا الي قبلها ولا ترى ماني بطالع
رهف:فهودي حبيـــــبي
فهد:اه انتي حياتي اي والله رهوفتي متى تبين الزواج
رهف:بعدين لما تتخرج
فهد: الله اكبر شنطرني الصيف الجاي
رهف:بس تكون باقيتلك سنه
فهد:عادي اصلا ماراح اخذك معي
رهف:ليييش فهد
فهد:لاني اداوم الصبح تبين اخليك بالشقه بروحك
رهف:عادي اقفل علي الباب
فهد:لا يعني لا
رهف:اعرفك عنييد الله يعيني
فهد طالعها بنص عين:الله يعينك؟
رهف:فهودي
فهد:يلله انا طالع قربت منه وباسته على خده وطلعت بسررعه
فهد:ههههههه اموت بهالبزر
طلع فهد شاف اخته سرحانه فهد:اللي ماخذ عقلك يتهنى به؟
شهد:بسم الله خرعتني شفيك؟
فهد:احـــــــــــــــبهاا
شهد:الحمدلله أنت مو صاحي اروح احسن لي
فهد:والله انتي اللي مو صاحيه مدري وشفيك اليوم؟
شهد خافت ان فهد يحس وراحت بسرعه بعيييد عنه رجع فهد وهو طاير من الفرحه
........
عند راكان
(خلصت طلعة المخيم وهند وراكان ما ودهم تخلص)
وبعد مرور أربع شهور من طلعة المخيم جا عرس بنت عم راكان على ولد خال راكان يعني المعرس والعروس يقربون لراكان والمعرس يصير ولد عمة هند يعني بالمختصر هند وراكان يقربون لبعض بس من بعيد ودخل راكان قاعة الفندق للحريم وعيونه تلاقط يمين وشمال من دخل قاعتهم وكانت الإضاءات عليه اللي يشوفه يقول أمير وشاف ذاك الوردي اللي متعمد يوقف على يمين الكوشه وشاف خالته قاعده قريب من أم وردي اللي هي هند وسلم على خالته وشاف هند وغمز لها وابتسم وهي انحرجت حيل لأن العيون كلها على ذاك الشاب وتقول بقلبها :
(مرحبا بقدوم خلي يوم جاني في محلي
ياهلا والفين سهلا والمهلي مايولي
يالله حيه وحي زوله وحي في دربن مشا به
عيني وقلبي وقفوا له ينثر الورد لترابه
مرحبا باللي نصاني ومن غلاتي لي تعنى
أشهد انه من لفاني أستهل القلب وغنى
سعدي يوم بشروني انه بيجيني هنيه
الله لا يحرم عيوني شوفته في كل جيه)
وهو يقول بخاطره هالأبيات:
(صدى الشوق يصدح في نغم صوتك النجدي
مداه الفضا المسحور ونهايته وجــدي
يرش المطر عطرك مع الليل في نجواك
يجيبك حديث الروح من غربتك عنــدي
تصير المسافه طيفك المنكسب في النور
ملامح جمالگ، بسمــتگ، ثوبــگ الوردي
لك الحب كله..كم تشوقت لمحياك
لو اني صبور..الصبر عنك أنت ما يجدي
أراك بجمال الكون عذب الدلال انسان
وأحس بوجودك هاجس الحب لي وحدي
معك خاطري يرتاح والشوق لك صداح
عسل حبك المياح ينساح في كبــــدي
من اليوم الأول زيــنت صورتك دنــياي
ملت صفحه آمالي، غدت ذوقي الفردي
سحايب غلاك امطارها اللطف والتفريح
وألذ الزمان اللي معك يكسبه ســعدي
عرفت الزهر والنور في روضك الفتان
وشربت الهنا الهتان من صوتك النجــدي)
راكان طلع من قاعه الفندق جاه مسج :
فديت من خطف قلبي بنظره
شفته وطاح قلبي وحضنه قبل لا تحضني ايديه
عظيم وكبير شان وعالي قدره
هز قلبي وكنه يناديني لحظة دخوله
ماهمني حديث الناس ولا أثر فيه
يوم شفته كني شايفه الجنه
(رد راكان) :
فديت من تفداني وأنا بعد أفتديه
أفديه بالروح والقلب وكل الذي فيه
أحبه بجنون وخبال وغلا وأشتاق اليه
حبه عذاب وترك حبه عذاب أحترت ومدري وش أسوي فيه
يعذبني على كيفه ترى يبهذلني بعد كيفه
شفته وأرتعش شعر جسمي كله
كني غاطس بماي الغلا وأناجيه
وهي شفقانه لي وتقول لبيه
وأنا يذبحني لبيها وأقولها قولي لبيه
وصل له مسج "أحبك يا الغالي"
أستانس حيل والدنيا ماكانت شايلته من الفرحه
ودق عليها وقالها تعالي الدور الثاني بالفندق بشوفك ترى ما في أحد والليله بالفندق كله بس عرس ولد عمي وفوق فاضي مافيه ولا قطو
وجت وشافت الزول العريض اللي كان لابس دشداشه بيضه وأشماغ أحمر ورافع النسفه فوق وحاط عوارض وشكله يجنن شكله هيبه وهند قلبها كنه فيه عرس يعني مرتبكه حيل جته وسلمت عليه وفتحت غشوتها وشافت عيونه
هند: راكان
راكان: عيون راكان
هند: وحشتني
راكان: أنا أفدى ذا العيون
هند: وش رايك << قامت تدور بمكانها
(راكان<< أستانس حيل وشالها وقعد يدور فيها وهي تضحك ) :راكان نزلني << نزلها وصارت أنفاسها ع أنفاس راكان وصدرها ع صدره حيل قراب من بعض
هند تضربه على صدره: يا الدب
راكان: الشرهه مو عليك على اللي شايلك
هند: إي لأنك دب
راكان: وأنتي محد عاجبك؟
هند: إي محد عاجبني.. وسكتت .. إلا .. إلا أنت
راكان: طيب شوفي سبعة غترتي مضبوطه؟ ترى خربتي شكلي
هند: فديتك لحظه بعدلها لك (وعدلت غترته وعيونه بعيونها وطاير من الفرحه وكان متعمد انه يخرب اشماغه عشان يبيها تقرب منه)
راكان: وش هالعطر ؟ ريحته تجنن
هند: هذا عطر بربريز
راكان: ريحته تجنن
هند (أبتسمت): راكان غن لي
راكان: طيب ما في أغنيه بخاطرك؟
هند: لأ أبي من ذوقك
راكان: أممم طيب
(حايره والشوق بين عيونك
خايفه تحبيني ويلومونك
ظاله بنص الدرب محتاره
ماتعرفين هذا العشق وأسراره
والسهر ذبل سواد عيونك
خلينا ندل الطريق ونمشيه
أولها واضح خلنا نعرف تاليه
محتاره أنتي وحيرتيني وياك
لا عشت عمري ولا فرحت بملقاك
واقفه بنص الدرب محتاره
ماتعرفين هذا العشق وأسراره
والسهر ذبل سواد عيونك
خايفه تحبيني ويلومونك)
ولمن كانوا واقفين مع بعض كان صوت الدي جي عالي وحطوا أغنية وش جاه حقة راشد الماجد وأرقصت هند حق راكان وراكان مسك إيدها ويدور فيها وهي تضحك ومستانسه
وخلص العرس وأكثر شخصين كانوا مستانسين هند وراكان
وعقب العرس محمد ولد عم هند تقدم لها ورفضت بسبب انها بتكمل الجامعه وعشان راكان بس محد كان يدري ان سبب رفضها راكان وأمها وأبوها أحترموا رايها بكل هدوء
هند: هلا حبيبي.. شلونك أخبارك
راكان: والله أنا بخير أنتي كيف حالك
هند: بخير ربي يسلمك
وفجأه بدون مقدمات طوط طوط طوط
راكان: ألوه.. هند .. الو
ودق كذا مره أما محد يرد أو يقفل الخط بوجهه
هند: حرام عليك هدني وخر عني
بو فيصل اللي هو أبو هند: أهدك..؟ أنتي رفضتي محمد عشان الجامعه ولا عشان حبيبك ياللي ماتستحين ولا تقدرين شعور الناس
هند: يبه أنا أحب راكان
بو فيصل: ولك عين تقولين أسمه قدامي..؟ (رفع إيده وضربها ولأول مره كان يضربها)
بو فيصل: أم فيصل .. أم فيصل
أم فيصل: خير
بو فيصل: هالبنت أن شفتها ماسكه التليفون ماراح يحصل لها خير
هند: حرام عليك يا يبه حرام
أم فيصل (حنت ع شكل بنتها اللي يقطع القلب) : هند قوليلي وش السالفه؟
هند (تشاهم ومو قادره تتنفس من البكي وتصيح بقوه) : ي ي ي يمههه يييم مه أ أ أ أن أنا أح أحب آآآآآ وتبكي
أم فيصل (قربت من بنتها حيل وهند أرتمت بحضن أمها تدور الأمان): وغصت من البكي
وتم راكان محروم من صوتها وأمل زارت هند لأن كان ممنوع عليها التليفون
..................
عند تركي
____كان المسج____
من اللي اخذت عقله وسرقت قلبه وروحه وتفكيره من اشواق اي اشواق اللي يتحلم فيها كان هدف اشواق الشكر ما تدري انها بتحلم اهي بعد من ورى هالمسج وكان المسج ؟
<< مشكور وربي من غيرك ما أقدر اسوي شي >>
تركي : العفو كل هذا لخاطر عيونك وشخبار اختك انشاء الله بخير؟
كان هدف تركي يطول معاها
اشواق : بخير أنت أخبارك؟
تركي : عساه دوم أنا بخير واللي اخذت عقلي بخير انشاء الله ؟
اشواق استغربت من المسج وحبت تفهم
اشواق : تسلم بس وش قصدك باللي ماخذه عقلك؟
تركي : اللي ماخذ عقلي اللي يراسلني الحين وربي ماني قادر مو صدق
اشواق : وش اللي منت مصدقه
تركي : انتي؟
اشواق زاد فيها الاستغراب : شنو؟
تركي : انتي اي نعم انتي اللي اخذتي عقلي وسرقتي قلبي
اشواق انصدمت وما ردت عليه
تركي : وش فيك انا اقول الصدق وربي
ونطر شوي ما في رد وخاف حيل ونطر وماكو رد ودز لها
تركي:
فزيت يوم أعلن جهازي بمرسال.
من عند من ودي بشوفه وملقاه..
يامرحبا به عد ماوادي سال.
ترحيبت الصادق بغاليه لا جاه..
وصلك يشرفني ولو هو بجوال.
يا من شعا قلبي بطيبه وبحكاه.
رد البيت طاير من الفرح لانه حصل على رقمها وصل لطرف منها ونام وهو مرتاح حيييل وفجأه واهو بالاحلام احد يصحيه تركي تركي تركي
تركي : منو
بدر : قوم اشواق
تركي انصدم وقام من مكانه وتلفت وما شاف شي
بدر : خخخخخخخخخخخخخ هههههههههههههههههههههههههه
تركي : عصب تعااااااااااال بدير وجع انشاء الله
بدر ورا ظهر امه
تركي : وين الحمار هذا ؟
ام تركي : وش بلاك انت واخوك وش مسوي بعد؟
تركي : يالجبان منخش ورا امك هين اعلمك انا بروح اللحين تامرون شي ؟
بدور : اي اي اي اي انا ابي
تركي : ادري ناطرك بسياره اخلصي علي
بدور : فديييييييييييييييتك يابو اشواق
الكل :ههههههههههههههههههههههههههههههه
تركي :شنو انتم وش تقولون اقول خلي ابو البنات يوديك اقصد الجبان يحب يوصلك عشان يتمقل
بدور: لا انشاء الله اروح مع الباص احسن ناقصه مشاكل
تركي : احسن لك بعد
تركي بالدوام سرح طرت في باله فكره انه يرسل مسج لاشواق
تركي:
طمني عليك ياللي لك الاحساس ينساب!
كيف هي آخر علومك ووين وداك الغياب؟!
اشواق قرت المسج وطارت من الفرح وما تدري شلون ردت بس المهم انها ردت عليه بالمسج
اشواق:
نظمت بأبيات القوافي تحيات
وارسلت من قلبي معاني سلامه
سلام يمشي رافع راس الابيات
سلام يحمل مع وفاه احترامه
تحيه تجتاح صدر المسافات
تواصل مقام العزيز
تركي أستانس حيييييييل وطار من الفرحه وما عرف وش يسوي
تركي : شخبارك اشواق؟
اشواق انصدمة : شلون عرفت اسمي ؟
تركي : من اختك
اشواق : اختي؟!
تركي: وهي تعبانه كانت تقول اشواق اذا انا ماني غلطان صح
اشواق : اها اي صح انا اشواق يا تركي
تركي عشان يطول : وانتي شدراك انه اسمي تركي ؟
اشواق : لما سألك ابوي سمعت اسمك؟
تركي : فدييييت من كانت تسمع وعرفت من اكون وربي فديتها
اشواق : بس ترا استحي
تركي : فديييييييييييييييييت اللي يستحي انا
اشواق : بس عاد ترا ابطل اراسلك؟
تركي : لا خلاص خلاص كل شي الا هذا واللي يرحم ولديك وربي راح اموت
اشواق : اسمالله عليك لاتقول كذا مو انت اللي تقول لي كل واحد له يومه وهذا الطريق احنا ماشين فيه؟
تركي : انتي ما تدرين بالاسبوع اللي طاف وش صار فيني؟ وربي اخذتي عقلي وسرقتي قلبي
اشواق : شنو سرقت مو لهدرجه عاد كلها دقايق اللي شفتني فيها
تركي : لو انها ثواني
اشواق : شنو من صدق تتكلم؟
تركي : وربي هبلتي فيني
اشواق : شقالوا لك ساحره وانا مدري؟
تركي ماحس بنفسه رسل بدون احساس مايدري وش يرسل غير
&& أحــــــــــبــــــــــــــــك&&
اشواق : شنو قلت
تركي : آسف اذا غلطت بس وربي مادري شنو ارسلت
اشواق : الظاهر انت تلعب عالبنات وراعي سوالف والشرهه مو عليك علي معطيتك وجه ولا شلون تقول احبك وانت لحد اللحين ماعرفتني ولا تعرف عني شي فمان الله ورجاءا لا ترسل مره ثانيه
تركي خاف يخسرها : وربي ما كان بقصدي اشواق وربي آسف وانا ماني براعي سوالف والايام راح تثبت لك
ومافيه رد من اشواق.....
((....~ الجزء الثالث ~....))
عند طلال...
ومن بعد الكلام الطويل الي دار بين مها وطلال، ومها حست ان طلال من صدقه يتكلم وان يحبها بجنون ولدرجه عرفت ان مستحيل يسوي شي من دون علمها "وفعلا كان طلال يحبها بجنون وما يسوي شي إلا بعلمها" ويدزلها مسجات حب وغزل وعشق،،، وهذي جزء من المسجات اللي دارت بين طلال ومها من اول ماعرفوا بعض وعرفت مها الحقيقه (المسجات هذي مو كلهم بنفس اليوم على حسب وقت فراغ طلال ومها "يعني يوم ورا يوم أو يومين
طلال: :
يهمني أمرك...
"أحبك" وأداريك..
واسعد "بوصلك" ياسعادة جروحي...
لك بالحنايا موقع مايخليك..
لو قلت ابسكت خافقي لك ينوحي..
"حبك ملكني"
مابها اي تشكيك..
قليل في حقك ليا قلت "روووووووووووحي"
مها:
بيني وبينك شي أكبر من الحب؟!
"عشرة غلآ" ان خنتها
% خنت نفسي %
((يوم ثاني أو وقت آخر))
مها:
؛تموت المعاني عند غيرك وتحيا فيك؛
؛
؛وتبقى المعاني ميزتك وأنت راعيها؛
؛
؛ياعساك تكون بخير والضيق ناسيك؛
؛
؛يحفظك ربي خالق الخلق وباريها؛
طلال:
تمنيت أكون دمعه... حتى اولد في عينك... وأعيش على خديك... وأموووت عند شفتيك.
طلال:
كلمه وفسرها على كيفك..
لو خلى هالكون "منك"
".. مأبيه.."
((وقت آخر أو يوم ثاني))
طلال:
...وين أنت...
يا"غايب" عن القلب وين انت!؟
غيبتك طالت والجفا له مواري..
خايف خذاك الوقت عني وهونت...
ولاطرالك في غيابي طواري...
شفني انا من فعل الايام ما شنت...
"أغيب"
لكنك على بال طاري...
.مساء الورد.
مها:
لو هو بكيفي يالغلآ مآ أتعدآك..
وأقضي معآك الوقت عرضه وطوله..
"أغليك"
((بعد مده أو يوم ثاني))
طلال:
ماتخاف ربك.. خمسه ولهانين عليك.. قلبي.. وعقلي.. وعيوني.. وروحي.. وانا.
مها:
.. لا غبت عني تطمن مسكنك عيني!!
وإن غبت عنك.. لاهنت.. حطني بعينك،،..
طلال:
أوعدك..
ما (أتخلى) عنك يوم..
ان غبت لا تقول
نساني قول
( مااااات وخلاني )
(( بعد فتره او وقت آخر ))
طلال:
أنا ~خويك~ كان خانوك خلان..
وأنا ~سراجك~
إليا أقبل الليل ضاوي..
وأنا ~وطنك~ أن كان مليت الأوطان..
"تعال"
وتلقى لك صاحب وهاوي..
أحط لك رموشي غطا لاصرت بردان..
وان ماكفاك الرمش
<بالجوف تااااااوي>
طلال:
خذني سجين بوسط قلبك على طول§
وأحذر تقول اليوم بطلق سرااااحك§
~اشتقتلك~
مها:
لا غبت عنك ظروف وقتي تجبرني
لا يصير بخاطرك ترا ماني بقاصدها.
ومها عرفت ان طلال يعشقها، وطلال يموووت عليها بدرجه ما تتصورون وصارت مسجات بينهم ونادرا ما تكلمه لان خايف عليها،، وتخرجت مها من الثانويه وكانت نسبتها مو شي بس طلال ماأهتم بنسبتها،، وبالعطله الكبيره عرف طلال ان مها ملك عليها وكان هو بكل صدماته تقولون كأن أحد قدامه يشرشحه!! ودز طلال مسج لمها وقال طلال:
{{ .. سمعت انك تبي تعرس وصار الحمل داخلي حملين .. عسى ربي يهنيك و يبعد عنك الآلام .. واتركني أنا أعيش على العسر وإلا اللين .. وذي حالة الدنيا بها حظ وأقسام .. وإن مت بيبقى داخلي حبن دفين .. حب عاش فيني سنين وسامر وحشة الأنغام .. }}
وبعدها دز لها:
بكيتك أكثر من الي بكى في ليلة الزفه
يشوف الي تمناها تحل لواحدن غيره
مها ماردت عليه عشان ماتعذبه،وطلال متعذب ويفكر طول الليل فيها وكان يكلم نفسه ويقول طلال: ليش رحتي مني ليش انا شسويت بدنيتي عشان تروحين انا أعشقك ومو قادر أصدق يجي واحد وياخذك مني بسهوله (كان يسمع أغنيت حاتم العراقي... تخيل بعد العشره الطويله يجي غيري و ياخذك بسهوله،،، مادامك بعت الأيام الجميله وشلي بس من حقي أقوله...) وظل يعاتب نفسه كل يوم وبعد فتره قصيره دز طلال لها مسج يبي يعرف أخبارها ويتطمن عليها
طلال:
~طمني
وخبرني وش هي آخر علومك
اوصف لي اوضاعك
وعلمني
اشلون تقضي باقي يومك
ولا برسالة شوق راسلني
وأكتبلي افراحك مع همومك
واذا نويت ترد خبرني
أبحتفل ياخلي بقدومك...
مها ماتدري وش تقوله، ومها ماتبيه يتضايق ودقت عليه
مها: أنا بخير الحمدلله ولا تحاتي
طلال مايدري وش يقول مو عارف يتكلم ومها صارحت طلال
مها: انا أحب زوجي وأتمنى انه يكون نفسك ويحبني كثر حبك
طلال ماكان يضايقها بكلامه وسكر منها ودز مسج لها
طلال:
مدري علامي صرت ضايق ومليت..
قعدت افكر في زمان مضى لي..
وسال دمعي فوق خدي وصديت..
صدت حزين غربلته الليالي..
لاشك ماراح أنساك مهما تناسيت..
ورقمك بدقه كل "ماضاق بالي"..
وصارت العلاقه بينهم مسجات وسوالف وكلام خفيف وما يطول عليها وهي تتكلم على قد الي يقوله طلال وماتزيد نفس أول مره كلمته لان ماتبيه يتعذب
ومن بعد الصدمه الكبيره اللي قالتها مها لطلال عن خطيبها ومن كثر التفكير فيها طلال مرض بسبتها كان بداية شهر8 تعب طلال حيل وحس انه بيمووت من كثر عوار بطنه وكلياته
(وقتها كان طلال في بيت جدته ساكنين فيه لان بيتهم يبنى "طلال كان عنده حصوات بالكليتين صارله سنتين ومازال لحد يومكم هذا فيه فأدعوا له ان الله يشافيه")
وكان طلال في الصاله عند التلفزيون وكانت الساعه 5:30 الفجر وفي باب فاصل للغرفه والباب الفاصل معزول للصوت وأمه وأبوه نايمين بالغرفه اللي عند الصاله وبابهم مسكر وباب الفاصل همن مسكر وطلال يصرخ من كثر الألم والألم شديد حيل من درجه بكى طلال وكل ماقال كلمه الآلام تزيد عليه وكان يقول
طلال: يمه.. اممم.. يمه.. آآآآخ.. يمه.. ردي علي.. يمه.. آآآآخ.. بموت..يمه.. اممم.. يبه.. امم.. يبه.. آآآخ.. يبه.. اممم.. آآآخ..
وظل ينادي أمه وأبوه ومحد كان يسمعه وزاد العوار عليه وطلال كان بحاله خطيره وضاغط على بطنه وكلياته وملتوي مثل شكل الربيان وجواله عنده دق على أبوه وأبوه ما رد عليه وهو يقول
طلال: يبه رد.. تكفى رد.. آآخ.. بموت مو قادر.. يبه.. اممم..
وظل يدق وينادي أمه وأبوه و وصلت الساعه6:30 الصبح وفجأه صحى أبوه وشاف رقم ولده طلال يدق وراح بسرعه الصاله (لان ولده كان ينام فيها) وشاف ولده وانصدم أبوه وجاه أبوه بسرعه
أبو طلال: طلااال طلااال شفيك ياولدي
طلال: يبه ألحق علي بموت كلياتي وبطني ذابحيني وبكى
راح أبوه يقعد بنته ساره (لان أكبر بناته) وساره كانت نايمه وعندها خواتها وأخوانها الصغار وصحت ساره بسرعه وراحت عند طلال ولحقها نواف أخوهم الصغير بالمتوسط وكان منصدم وعيونه حمر ولا قدر يتكلم حتى حرف واحد وساره ما علمت أمها
أم طلال: شفيكم؟؟
أبو طلال: لا بس بودي طلال الطبيب وبرجع تعبان شوي
أم طلال بخرعه: ليه؟! اشفيه؟!
أبو طلال: رد عوار كلياته وبروح أوديه
(طلال من فتره لفتره يجيه عوار في كلياته ولازم ياخذ ابره ومسكنات ومتعودين عليه بس أول مره يشوفونه بهذي الحال وأبو طلال كذب على زوجته)
أم طلال: لاحول ولاقوة إلا بالله قلتلك خلنا نوديه طبيب خاص بس ما طعتني
أبو طلال: انا بروح يلله
وراح سكر الباب عليها عشان ما تحس بصوته لان باب الطلعه قدام الصاله وغرفة الأم جنبها وراحت ساره بسرعه تلبس عبايتها وملفعها وراحت أمسكت طلال وودته السياره وراحوا المستشفى ودخلوا طلال على طول للدكتور وقال
الدكتور: ودوه الملاحظه يعطونه ابره ودرب
وظل طلال يصرخ من شدة الآلم
طلال: آآآآآخ.. كلياتي.. آآآآآخ.. بطني.. نادوا الدكتور بسرعه.. آآآآخ..
ومر الدكتور عليهم وكشف عليه وماعرف بالضبط شنو سر عوار بطنه وعطاه ابرة مسكن قويه حيل وابرتين داخل الدرب،، وبعدها طلال حس بالآلآم تخف عنه بس ماراح الآلآم وظل يقول طلال بصوت واطي
طلال: آآآخ... اممممم.. آآآخ.. مو قادر نادوا الدكتور
الدكتور قال للممرض: نادوا رئيس المسالك البوليه ودكتور الجراحه هم بيعرفون شنو فيه
وجا دكتور الجراحه كشف على بطنه
دكتور الجراحه: فيه دوده زايده ونبي موافقة ولي أمره عشان نسويله العمليه
وأبوه بدون تردد وقع على الورقه مالت عملية الجراحه عشان يسوون العمليه له، لان أبوه شاف ولده بحاله لايعلى عليها
ودخلوا طلال جناح الجراحه الصبح ودخلوه العمليات الساعه 8 بليل وسووا له العمليه وطلع واحد من الدكاتره وراح أبوه وأخوه وأخته ساره له يسألونه عن حالة طلال
الدكتور: سوينا العمليه طلع ما فيه دوده زايده كان فيه دهن متجمد وشفطناه وبعد شوي راح يصعدونه الجناح
أبو طلال: يعطيكم العافيه ماقصرتوا
الدكتور: الله يعافيك هذا واجبنا
الساعه12:15 بليل تقريبا
طلع طلال من العمليات ولقى قدامه أبوه
أبو طلال: الحمدلله على سلامتك وما تشوف شر وأجر وعافيه وباس راس ولده طلال
وراحوا البيت وهم مطمنين عليه،، وصارت أحداث ببيت جدته مع أمه وأبوه وجدته وخالته باختصار عن طلال (يعني ليه؟! وشفيه؟! وشنو قالوا؟! وغيرها من أمور)
وطلال ما صحى من بعد العمليه من مضاد لمضاد ثاني ولما يرجع يمسك بطنه بقوه ويضغط على الجرح (فاتحين بطنه ثلاث مرات فوق السر ويمين السر وتحت السر وكلهم خياط) والجرح يعوره وكل ما صحى يتألم ويقول
طلال: آآآآخ.. بطني.. امممم.. آآآخ.. نادوا الدكتور.. آآآخ.. خلهم يعطوني ابره اي شي.. اممم
(اخوه نايم عنده وكل شوي ينادي الدكتور والدكاتره يكونون مو موجودين وينادي الممرضين عشان يعطونه شي)
وظل طلال على هذي الحاله لمدة 5أيام تقريبا من بعد عمليته،،
عند فهد:
فهد قاعد بالصاله
شهد نازله تركض: فهود
فهد وهو توه قايم ماله خلق :خير وش عندك؟
شهد :رهوفه بتجينا فديتهآآ
فهد :حيآها الله
شهد :اي حيآهآ الله بس انت توكل على الله البنت تستحي تقابلك
فهد :يؤيؤ تراها تدري اني عآيش في هالبيت يعني بأي لحظه ممكن انها تشوفني
شهد :يابرودك ياأخي... اففف دق الجرس
راحت تفتح الخدامه الباب فهد قعد عالكنبه وقعد ياكل المعكرونيه
دخلت رهف ومع امها
شهد :هلا وغلا خالتي شخبارك ؟
ام رهف :بخير ربي يسلمك وانتي وشخبارك وشخبار الوالده؟
شهد :بخير الوالده تنتظرك بالمجلس فهد طلع من الصاله يبي يسلم :وشخبارك يا خالتي ؟
رهف انحرجت لما شافت فهد شكله يجنن شعره مخربط وجسمه صاير يجنن ببجامه من محل نكست
ام رهف :تمام ياولدي وانت اخبارك ؟
فهد:بخير الله يسلمك يا خاله وشخبارك رهف ؟
رهف منحرجه :تماآآم وانت ؟
فهد :بخير دامك بخير
دخلت الخاله المجلس ودخل فهد يكمل اكله
شهد ورهف دخلوا عند فهد وقعدوا عالكنبه الي بجنبه
فهد رفع عينه :خير شعندكم؟
شهد :سلامتك دقايق رهوف بروح اجيب المجله اللي فيها النفانيف
رهف :طيب لا تطولين
فهد :همممم تبين رهوفه؟
رهف :لا شكرا عليك بالعافيه
فهد قام وقط نفسه جنبها :آآه
رهف: شفيك ؟!
فهد :تعبآآن
رهف :سلآمتك حبيبي شنو يعورك ؟
فهد :مدري احس كل جسمي يعورني
رهف :يوه فهودي تبي نروح الطبيب
فهد :لا ما يحتاج بس خليني انام ارتاح
(انسدح وحط راسه على فخذهآ)
نزلت شهد انصدمت :هييي فهد بدري عالزواج
فهد : شهود مو فاضيلك تعبآآن
شهد :خير شجاك؟
فهد :مدري تعبآن حدي جيبي لي حبوب
رهف :انا معي اسبرين
شهد :لا لا لا مو زين الاسبرين هو معاه ربو اللحين اروح اجيب له بندول
جابت له الأحبوب وأكله ونام
شهد :فهد قوم نام بغرفتك
رهف :حرآم عليك خليه
بعد نص ساعه فهد صحى
رهف :صبآح الخير
فهد :صباح النور حياتي
شهد دخلت كانت رايحه تجيب حلو هي مسويته :فهد واخيرا قمت كسرت رجول البنت
فهد :ليه ماقعدتيني ؟
شهد :بعض الناس ما يقدرون يقطعون عليكم نومتكم
فهد لف عليها وابتسم وحط راسه على كتفها وايده على ظهرها :فديييييييييييييييتهم هالناس
رهف انحرجت:احمـ
شهد: اكلووا من هالحلووو انا مسويته
فهد:لالالالالا انا مابي زوجتي تتسمم
شهد:نعـــــم
فهد:اسفـــــين شهوده مانبي
شهد:اســــــكت رهوفه بتاكل صح رهوفه.......؟
رهف:أي صح
فهد:هههههههههههههههههههاي يلله جيبي نتذوق
قصصت وحطتهم بصحون :رهوفه اخذي؟
فهد بسرعه سحب الصحن:لالا انا بوكل رهوفه
رهف انصدمت وانحرجت و دعت على شهد بقلبها.........
فهد وهو يقصص الحلو:يلله رهوفه افتحي حلقك
رهف فتحته <<مطيعه لأوامر فهد وكلها وبعدها عطاها الصحن :يلله رهف دورك وكليني
رهف:طيب
فهد:ها يلله
وكلته وهو فاطس من الضحك على شكلها
شهد:فهههههههههد خلاص البنت ماتت من الحياااا والله لنادي امي عليييك
فهد:لالالالا خـــــفت تكفييييييييييييييييييين كيفي زوجتي بعد بتمنعوني منهاااااااا ؟
رهف:فهد خلااااااص تكفى
فهد:طيــــب يلله مع السلامه
رهف:وييييين بدري
فهد:من عمرك حبيبتي
شهد:ياااااااي شوفي هالنفنوف يجنن
فهد سحب المجله يشووف النفنوف :لااااااا رهوفتي ماتلبسه
شهد:ليييش انشالله
فهد:ماتشووفين يفضح اكثر مما يستر
رهف:فهد عاد انا بلبسه عند الحريم بس
فهد:تصدقييين لوو انك قايله بتلبسينه عن رياجيييل وافقت.....(عصب)...ادري بتلبسينه عند حريــــم وانا قايلك من قبل نفانيف كذا مابي
رهف ساكته
شهد:فهد حرااااام عليييييك
فهد:شهد لا تتدخلييين
شهد:مااابي ابتدخل كيـــــفي
فهد قام وهو معصب:شـــــهد؟
رهف:فهد ماتقدر تمنعني من شي انا احبه انا احب الموضه والنفانيف الكــشخه
فهد عطاها نظره :وانا مامنعتك من الموضه والنفانيف البسي بس مو العريان
رهف:ماااابي
فهد:الا تبيــــن بكيــــفك هو؟؟
رهف:أي انا حره بلبسي
فهد:رهـــــــــــف
رهف:نـــــــــعم
فهد:لاتعاندين مافي فايده من عنادك صدقيني بتسمعييين اللي اقولك اياه وانتي ساكته تفهميييين..............؟؟
رهف:لا حماره ما أفهم
فهد:مشكلتك اذا انتي ماتفهمييين براحتك
رهف:فــــــــــــــهد
فهد:اششششش يلله فمان الله بــــس اسمعي قــبل لا اطلع ان سمعت انك لابسه هالمصخره ماتلووومين الا نفسك((وطلع))
رهف:ياررررررررررررربي تعبت من اخووووك افففففففففف
فهد رد:سمعتك
رهف وشهد انقزوا:بسم الله الرحمن الرحيييم خرعتناا
فهد: اسمالله على قلوووبكم
شهد:ههههههههههههههه فهود خل هالحركات عنك
فهد:هههههه طيب يلله مع السلامه وطلع))
|