عند طلال..
ودخلت سويره الثانويه العامه هي والطاف وكانت اول سنه لهم بالمدرسه وتعرفوا على بنات جدد وحبوا الثانويه ومرت أيامهم بالثانويه مواقف ونكت وسوالف
في عيد الوطني كان بمدرستها حفله بمناسبة العيد الوطني فلبست ساره أشماغ أخوها طلال وجت عندها وحده من رفايقها اسمها "مها" وكانت العلاقه بينهم علاقه سطحيه ومها كانت آخر سنه لها فجت عند ساره وقالت
مها: الله اشحلاته عفيه سويره ابي ألبسه
ساره: أخذيه أفا عليك ما يغلى عليك
مها: مال منو؟؟
ساره: مال أخوي طلال.. بس عادي أخذيه اذا تبينه
مها: ساره قولي حق طلال اني أبيه
ساره: أصلا ما يغلى عليك وراح أقوله
وردت ساره البيت وشافت أخوها طلال وقالت
ساره: طلااال
طلال يدري ان عند أخته ساره حفله لعيد الوطني وقال
طلال: هلا سويره تعالي شلون حفلتكم؟؟ وناسه؟؟
ساره: ونااااسه فصلنا ورقصنا وغنينا ولعبنا
طلال: صدق بنات رقصنا!! عقلكم صغير
ساره: اي صدق طلول أشماغك أخذته مها رفيقتي
طلال: ما يغلى عليها دام انها رفيقتك يا سوسو
ساره: يا حلو طيبتك بس هي قالتلي اني أقولك
طلال: قوليها ما يغلى عليها مثل ما قتلك
ساره: خلاص بقولها
وراحت ساره وقالتلها ودارت سوالف مع بعضهم،، وبعد فتره طلال قال حق أخته ساره
طلال: سويره
ساره: هلا
طلال: شخبار الي أخذت أشماغي؟ (طلال ما كان يعرفها بس هو يسأل طبعه كذا)
ساره: زينه يا حلوها تدري آخر سنه لها
طلال: صدق يلله ما بقى شي وتخرج وأنتي بعد كم سنه و تتخرجين
وكان طلال يسولف مع أخته ساره سالفه ورا سالفه وكل يوم عندهم أخبار جديده وضحك وغشمره
عند فهد..
الاحداث::
فهد واهله بشاليه مع عمانهم الاثنين قاعد قدام البحر لابس برمودا سوده وبدي ابيض صاير جسمه يجنن فيه مع الكاب والنظاره الشمسيه
شهد جته: مشاء لله انا قلت اخووي مزيوون بس مو لهاذي الدرجه
فهد بابتسامه:من عمري اصلا ما قلتي شي جديد
شهد تقعد بجنبه:اموووت بالمغرورين انا
فهد:وانا بعد امووت فيك يا شهد
مدري شلوون بصبر بمصر
شهد:اييي قولي من هالكلام العب علي
جت "رهف"بنت عمهم الثاني هذي وحيدته وعمهم ما عنده غيرها
رهف بنت حبووبه قمر ناعمه انيقه اصغر من فهد بشهرين يعني تدرس معاه تحبه بس ما تبين له ولما درت ان ملك حاولت على قد ما تقدر تنساه بس ما قدرت
رهف بابتسامتها المعتاده:مرحبا
فهد:هلا وغلا برهوفه
رهف:هلا فيك
شهد:اخبارك رهف؟؟؟
رهف:بخيير
فهد:دووم يا ربي (يحسبها نفس اخته شهد يحبها كأخوها )
رهف:فهود
فهد:عيونه
رهف:شكرا
شهد:وين شروق تسمع هههههه
فهد انقلب وجهه "ما ترتاح شهد الا لما تجيب طاريها وتنكد علي"
رهف:هههههههه يووووه لا تنادينها تعصب علينا هههههه
فهد:خلااااص رهف وش كنتي تبين
رهف:امممم ابي نتسابق عالبحر
فهد بابتسامه مد يده لها عشان تساعده يقووم:طيب حاضر رهف
رهف سحبت فهد بقووه من غير قصد قام وطق صدرها بصدره
من قوة السحبه
حست بالاحراج فهد بعد منصدم بس فرح لما شاف شروق تطالعهم هي منصدمه ومحتره
رهف"كله مني انا سحبته بقوه صارت انفاسه قريبه من انفاسي و فهد مستانس رهف بين احضانه مع انها مثل اخته بس اللي مونسه ان شروق محترره ومنقهره
جت شروق:لا فهد شرايك بعد نشغل موسيقى رومانسيه وتستانس اكثثثر
فهد ما بعد عن رهف:هههههه لا ما يحتاج صوت الموج احلى
شهد ماتت من الضحك متعمده تقهر شروق:لا فهد وانا ارقص وراكم ههههههههه
فهد بعد عن رهف لان حس انها ماتت من الاحراج بس مسك يدها
رهف طايره من الفرحه فهد كان لازق فيها قبل شوي والحين ماسك يدها
فهد :يلله شهد ورهف امشوا نتسابق
رهف بنعومه:لحظه شروقه تعالي معانا
شروق:مااااااااااااابي
فهد:بطقاق بطيتي اذونا يلله رهوفه وشهوده مشينااا
شروق:احلللف عاد
فهد بعصبيه:خير نعم
رهف:خلاص فهود شروقه تعالي العبي معانا
شروق بتفكير "والله لخسرك يا فهد وتشووف منو شروق":طيب ابلعب
فهد بقرف :الحقوني
وراحوا البنات وراه
فهد يصارخ:واحد اثنين "كلهم تجهزوا"ثلاثه
فهد مسك يد رهف وشهد وقفهم خلى شروق تركض بقووه وهي مو منتبهه انهم ماركضوا
فهد ميت من الضحك على شكلها :ههههههههههههههههههاي
طبعا هي ما سمعت لانها طايره
رهف وشهد انصدموا من الحركه الي سواها فهد
شهد بعد فتره :ههههههههههههههههههههههههههاي
رهف :فهد ليه سويت كذا
فهد:لاني اكرها يا رهف تعرفين ايش يعني اكرها في وحده يوم الملكه تقول لزوجها لا تصدق اني زوجتك
رهف فتحت عيونها بقوه
فهد:اي يا رهف اي هي تكرهني وانا ما اطيقها اكرررهاااا
رهف:ليش يا فهد خذيتها
فهد:هه حكم القوي
شروق انصدمت لما شافتهم راحت ركضت لهم :حقاااااااره
فهد:هههههههههههههه يا حليلك عجيب ركضك والله
شروق والدمعه بعينها من الفشيله:حقييييييييييييير ودخلت تركض
فهد:انننقلعي
رهف :مع السلامه
جت بتروح فهد :على وين
رهف:مو حرام الي سويته؟؟
فهد انصدم:رهف انتي من جدك
رهف:طبعا من كذا حرام عليك فشلتها قدامنا
فهد:يعني اللحين انا الغلطان صح يا رهف ؟.؟
رهف ساكته
فهد:طيب وراح بعييد عنهم
رهف قاعده مقاابله البحر
قعدت بجنبها شهد:رهف لا تزعلين عشان شروق
رهف ودمعه بعينها: انا مو زعلانه ارتحتوووا
فهد دخل لقا شروق ضامه عمه مشاري وتبكي بحضنه كنها جاهل
مشاري:فهد
فهد:هلا والله بعمي مشاري
مشاري:فهد ليه تسوي هالسوالف السخيفه هااا
فهد:مشاري انت تدري بكل شي فماله داعي الحكي الكثير
شروق:فهد اكرررررهك
فهد:وانا اكثر يا زوجتي العزيزه هههههه
شروق :شفت يا عمي بنفسك
فهد:هههههههه ايوا يا عمي شفت لما قالتلي اكررهك
شروق :اناااا اعلمك يافهيدان
فهد يغني :علم البي الغرام سمعني احلى الكلام ......هههه
دخلوا رهف وشهد سلموا على عمهم طلع فهد يتكلم بالجوال مع ربعه
راكان:هلا وغلا اخبارك
فهد:ماشي حالي انتظر بشبك طلول وتروك معانا
طلال:سلاااااااام
تركي نعسان:صباح الخير
فهد:مساء النور ههههه
تركي:تطنز انت وهالخشه
طلال:ههههه اه تركي مرره نعسان
راكان:اه من قده يجيه النوم
تركي:اعوذ بالله من عييونكم تفوو النومه طارت
الكل:ههههههههههههه
جت رهف وقفت قدام فهد
راكان:شباب فهد هادي شكله خامر مع شروق على بلا
طلال:ههههه يسويها فهد
فهد:انقلعوووا يلا فمان الله
تركي:امم سكر المكالمه فجأه صدقتوا يا ربع خامرله على بلا....
عند راكان..
بالمخيم .. <<
راكان (ينزل أغراض أهله من الجيب والخدامه تساعده وكان في كامل كشخته ومروا قروب بنات سلموا على أم راكان والطاف وبشاير أما راكان قاعد يطالعهم ويدور هنودته)
راكان: يمه هذول كل الأغراض أنا بروح عند الشباب وإذا بغيتوا شي اتصلوا علي
أم راكان: لا ركون فديت قلبك ما نبي الا سلامتك
راكان: يلله أجل سلام
(البنات قعدوا يتهاوشون على راكان وراح راكان بالسياره وفجأه وقف شاف ذاك الزول اللي كنه غزال وقعد يراقبها)
راكان: أوف أوف أوف شهالزول؟ يالعنبو جدك
راكان: هذا زول هند بلى هند بمر من جنبها وبشوف
(راح لمكانها بس ما وقف بالسياره كان مار مرور الكرام وحب يدزلها مسج عشان يتأكد إذا كانت هي ولا مو هي)
راكان: هنوي حياتي أنتي اللي قاعده تمشين بالمخيم بروحك؟
هند: إيه وش يدريك؟
راكان: شفت زولك اللي خطف قلبي
(وبعد مرور كم يوم وهم بالمخيم راكان حب يشوف هند)
راكان: طلبتك هند طلبتك صدقيني محد راح يشوفنا
هند: آسفه ما راح أقدر
راكان احتر ويبي يكسر خاطرها: وش بسوي لك؟ بس بشوفك ما راح أنطق ولا حرف
هند بعد تردد وعقب حنه من راكان لانه ما تقدر عليه: الساعه كم تبي؟
راكان: لأ أنتي اللي حددي؟
هند: ثلاث الفجر زين؟
راكان: طيب ثلاث ثلاث حاضرين
(جا راكان المكان وشافها تنتظره)
راكان (عيونه كلها شوق ويشوفها بنظرات عجيبه)
هند: شفيك تناظرني بهالطريقه؟
راكان: ليه حرموا النظر بالشي اللي يبهر ويجذب؟
هند: لا عاد لا تكذب علي
راكان: عسى الساني القص كان كذبت
هند: راكان شكثر تحبني؟!
راكان: شفتي هالنجوم شلون منثورين بالسما؟
هند: إي
راكان: هذا حبك منتثر بقلبي بهالطريقه وما في ثغره في قلبي ما تحبك
(هند أستانست وراكان أكثر وودعوا بعض وماودهم يروحون بس طلعت الشمس وخذتهم السوالف وصار هذا مكان لقاءاتهم )
عند تركي...
وطبعا هذي مواصفات اشواق
مواصفات اشواق طولها حلو عليها رزه تهبل بيضه وشفايفها تهبل صغار وجسمها يجنن يحطم عيونها حلوه مغروره بس غرورها يهبل رافعه خشمهااا بمشيتهاا مزيوونه بمعنى الكلمه واكثر شي فيها حلو روحها المرحه والطيبه..
اول مارد تركي البيت لقى اهله يتعشون
ام تركي : تعال يا وليدي تعشي
تركي : عقله طاير وما رد علي امه لانه مو معاها كلش
ام تركي : يمه وليدي شنو فيه تركي ( وتعلي صوتها اكثر ) يمه تركي
تركي : لبيه سمي يمه
ام تركي : سم الله عدوك وش فيك يمه
تركي : ابد يمه تامرين شي
ام تركي : تعال تعشي
تركي : تسلمين يالغاليه مو مشتهي ابي انام
ام تركي : فيك شي يمه
تركي : لا يمه بس تعبان ابي ارتاح
ام تركي : روح ارتاح يمه
تركي : اقول لا تزعجوني ابي انام فهمتوا وانت يا بدر مع بدور لا تتناجرون فهمتوا
غرفة تركي
تركي ضايع وما يدري شنو يسوي غير يقلب يمين يسار وكل تفكيره كان باشواق وجمال اشواق وبعد ساعه تعب تركي حيل وما قدر ينام ونزل تحت واكيد كالعاده بدر وبدور يتناجرون وفاطمة وشوق وام تركي يضحكون عليهم وعاد تركي يحب يزيد النار حطب وبعدها كلن راح لغرفته ينام ماعدا تركي ماعرف ينام وقعد لحد الصبح واهو يفكر وما حس بنفسه ولا اهو نايم وغاط بنومه وفجأه اصراخ وفز من النوم ونزل ولا هذا ( بو طبيع ما يجوز من طبعه ) بدر وبدور يتكافخون ولما شاف الساعه انصدم .
تركي : ليش ما قعدتوني اروح اصلي مع الربع
بدور : انت ان قعدنا فيك تزفنا وتطردنا من الغرفة
تركي : جب انزين انا بروح لربع
بدور : والله مادري وش فيك اليوم بس تزف فيني لي الله انا
بدر : هههههههههههههههههههههههههههه
بدور : جب انت
بدر : ههههههههههههههههههه
بدور : تصيح وتروح غرفتها
تركي : تعالي انا ما كان قصدي بس وربي مادري وش فيني حقك علي
بدور : تبيني ارضى اكفخ ابو البنات الخربان اللي ما بقي بنت بالمدرسه ما يعرفها
تركي : وش دراك انتي
بدور : البنات بالمدرسه ما يمشون معاي اللي مصلحه عشانه او عشانك انت وانت ما تعطيهم وجه بس هالخبل يعطيهم وجه
تركي : بدر الكلام اللي تقوله بدور صدق ؟
_بدر انحاش_
تركي : تعال يابو البنات قلنا خربط بس مو عند خواتك تعال
طلع بدر وراه تركي
تركي : انزين يا بدر ما في مصرف اليوم انزين
بدر : اقول تركي منو اشواق
تركي انصدم لانه محد عرف شنو صار مع تركي لحد الحين لانه كل اللي صار ما صار له يومين لحد اللحين
تركي : انت يابو البنات شنو تقول تعال اهني احسن لك لا اتوحد فيك
بدر : وانا شدراني عنك وانا جاي لك اقعدك تقول اشواق ومن تكون اشواق
تركي : احلف اني قلت اشواق
بدر : ليه اكذب اجل وشدراني انا بالاسم وانه اسمها اشواق قولي وشلون عرفت
تركي انصدم : اقول روح عن وجهي احسن لك
بدر :ههههههههههههههههههههههههههههههه
تركي : اقول روووووووووووح
بدر : الحب بدا وانا مدري عنك اقول روح تهنى
تركي حذف قوطي العصير الي بيده بوجه بدر : طس عني ابرك لك
عند طلال...
طلال في يوم من الايام رحت الثانويه أجيب أختي ساره من المدرسه نزلت أنطرها عند باب المدرسه وفجأه لفتت نظري وحده ("وجها مدور وبيضه وبشرتها ناعمه وعيونها خطيره سود ولامعه وبارزه شوي وخطتها بالكحله رهيييييييييبه وخشمها صغير وشفايفها ورديه فاتح وجسمها يجنن وطولها متوسط وحلو") تقولون ملااااااااااك يآهي جمال يآهي زول يآهي جسم ما شاء الله عليها شقولكم عنها مع اني كنت اشوف بنات كلهم في حلوين وفي جياكر الا ان قلبي فز ونبضاته سريعه وانا واقف وأناظرها نسيت نفسي والبنت تنطر أهلها داخل غرفة الانتظار اللي عند باب المدرسه مالت الطالبات اللي ينطرون أهاليهم وهي جالسه وانا عيوني كلها عليها وتناظرها أخذت كل تفكيري وشلعت قلبي ورحت دنيا ثانيه وفجأه أختي ساره تناديني
ساره: طلال... (ساره تلوح بدينها قدام وجه طلال)
طلال ولا على باله أحد وكان يناظرها
ساره: طلااال شفيك واقف يلله
طلال ما انتبه لها وهو سرحان فيها وفي جمالها
ساره شافته حده سرحان و عيونه ما ترمش فلفت بتشوف منو يطالع وفجأه شافت مها اللي هي رفيقتها (بس مو حيل معاها وان مها اكبر وكانت مها اخر سنه لها وتتخرج من دراسة الثانويه العامه واما ساره أول سنه لها بالثانويه) وسكتت وردت تنادي أخوها ثالث مره وهي ماده ايدينها لطلال وتناديه
ساره: طلال طلال شفيك يلله أمش قاعده أناديك ما تسمع ولا كلش مو معاي
طلال: ها!! منو!! ساره!! شفيك؟!
ساره: أنت اللي شفيك مو معاي كلش ولا تدري عني اصلا
طلال: ها!! لا ولاشي
ساره: شفيك تطالع البنت؟!
طلال: اي بنت؟! شتقولين أنتي؟!
ساره: هذي البنت اللي داخل غرفة الانتظار (أشرت على مها رفيقتها اللي يطالعها طلال و طبعا طلال متنح حده لان البنت بسرعه دخلت قلبه بدون لا تستأذن من قلبه)
طلال: أقول أمشي لا تخربطين بالكلام
وراحوا اركبوا السياره وطلال باله مو مع أحد ويسوق بدون يشوف اللي قدامه وفجأه
طوووووووووووووط
((....~ الجزء الثاني~....))
واستوعب طلال لصوت هرن السياره وتشتتت أفكاره وأخترع وعصب حيل على المرأه وعاندها وقاعد يضغط على الهرن وما حرك سيارته وسبها،، كل هذا بسبب البنت اللي أخذت قلبه وساره انصدمت من أخوها طلال وما تكلمت ولا كلمه خافت منه لان طلال عصبي حيل،،
ومر كم يوم على طلال وهو يفكر فيها وبجمالها وروعتها وصار كل يوم يجيب أخته ساره من المدرسه بحجة يشوفها ويتأمل فيها فتعب طلال وهو يفكر ويحتار بأن يقول حق ساره عنها ولا يسكت!!
فتجرأ طلال وقام يسأل ساره عنها شاف ساره سهرانه على التلفزيون فجأه قعد عندها
طلال: شنو تشوفين؟!
ساره: ماكو شي أنتظر مسلسلي بعد نص ساعه يطلع
طلال سكت (يقول في باله اقولها ولا أنطر..)
ساره: شفيك سكت؟! ليش تبي شي مني؟!
طلال بتردد: ها اي ولا أقولك لا خلاص مابي إلا سلامتك..
ساره: شفيك متردد اذا تبي شي قول وانا أختك؟! (للعلم ان ساره أكبر خواته والباقي صغار وانها اقرب وحده لطلال)
طلال: بصراحه انا ودي أقولك شي بس خايف من ردت فعلك!
ساره: طلال أنت متورط بشي؟! قولي تراني أختك و يمكن أساعدك
طلال: لا مو متورط يا ساره بس... بس... انا... انا...!
ساره: طلال بس شنو؟؟ وأنت شفيك؟؟
طلال: يا ساره انا بسألك عن بنت؟!
ساره: هههههااي عن بنت!!
طلال: وشفيك تضحكين؟!
ساره: والله عبالي عندك سالفه خرعتني حسبالي فيك شي وأخرتها تقولي بنت!!
طلال: هذي ما تعتبر سالفه؟؟ ولا شنو تعتبر؟؟
ساره: هههههااي يا حليك يا طلول شعندك؟ وشفيها البنت؟ وش تبغى فيها؟
طلال قالها السالفه كلها اللي تخص البنت اللي شافها
ساره تذكرت وقالت: قصدك عن مها اللي عيونك ما شاء الله عليها تطالعها و انا أناديك ولا تسمعني ولا حاس فيني اصلا
طلال: ها اسمها مها صدق عاد؟! ولا تمزحي معي
ساره تطالعه ومستغربه منه أول مره تطالع أخوها بالشكل هذا وقالت
ساره: وشفيك؟! اسمالله عليك!! لهدرجه ماخذه عقلك!!
طلال: ها... لا ما فيني شي بس البنت اللي قلتي عنها صدق اسمها مها؟؟
ساره: اي صدق اسمها مها ولا اعرفها وهي اللي أخذت اشماغك
طلال: ها خليها تاخذ روحي
وقالها كل شي وقال انه حبها وانه متعذب بعيونها وطلب من اخته ان يشوفها ووده يكلمها بأي طريقه من الطرق
ساره: بس انا ما أعرفها حيل ومو ميانه معاها وصعب أقولها أنك تحبها وتبي تكلمها وبعدين هي مو مال سوالف وما ظنتي تكلم شباب
طلال بكل ألم قالها: تكفييييين طلبتك يا ساره أسألي عنها! و أعرفي أخبارها كلها (وظل يترجا أخته ساره)
ساره: خلاااص شكلك أنت من قلب حبيتها وتعلقت فيها ومو تستعبط علي
طلال: والله عذبتني خلتني مجنون شسوي؟!
ساره: عاد تصدق والله انها مزيووونه وأسلوبها حلو وضحكتها تجنن،، واجد من البنات يحبونها بس في شي مو عاجبني فيها
طلال: آآآه شنو اللي مو عاجبك فيها؟؟
ساره: انها مغروره
طلال: آآآآه بس مالومها لو انها مغروره ملاااك ماشاءالله عليها يارب أحفضها
ساره: ماشاءالله عليها
طلال: تكفيييين ياساره طلبتك ولاترديني انا أخوك اللي ما عمره يفكر يضايقك أبي شغله منك لاتردين.. (طلال ماوقف من الترجي وساره قاطعته)
ساره: بس خلاااص لا تترجاني ماأحب أحد يترجاني آمر عيوني لك قول
طلال: أبي رقمها ياساره تكفين
ساره: بس يا طلال... (قاطعه طلال)
طلال: ساره تكفييين لاترديني وربي ماراح أقولها ان أنتي جايبته
ساره: مو عن كذا أخاف تصير سالفه وأنت تعرف البنات عدل
طلال: لا ماراح يصير شي وان صار شي أنا أتحمله
ساره: طلال شتبي فيه؟؟ خلاص انساها مو لازم تكلمها أو تشوفها
طلال: ساره ياليتني أقدر أنساها ساره مها أخذت كل تفكيري وشالت قلبي وأخذته شلون أنساها بس شلون انا لازم أكلمها أو أراسلها
ساره: مستحييييل أصلا تكلمها ماراح ترد عليك! أو بتعلم أهلها وعاد بعدين تصير سالفه كبيره
طلال: أنتي جيبي رقمها وانا أوعدك ماراح يصير شي
ساره: طيب انا باخذ رقم جوالها لان رقم البيت عندي وأعطيك اياه بس ياويلك اذا صار شي قوي او مشاكل معاها لان مها بنت أصول و متربيه على الأخلاق الحلو وما أتوقع في مثلها واجد، نادر تلقى أخلاقهم حلوه
طلال: ياويل حالي ياسويره من وين ألاقيها من جمالها ولا من أخلاقها ولا من أسلوبها كاااافي انها معذبتني.
وبعد مده ساره جابت الرقم لأخوها طلال
ساره: طلااااااااال
طلال: هلا
ساره وهي معاها ورقه صغيره فيها رقم مها، وتلوح بيدها وفيها الورقه وتقول: طلوووول تبي رقمها
طلال: ها رقم مها (وهو متفاجأ وفرحان لأخر درجه)
ساره: هههههااااي لهدرجه تحبها ياحلوك ياطلول تبيه
طلال من كل قلبه: اي أكييييد أبيها أقصد ابي رقمها يلله عطيني اياه
ساره ردت تضحك مره ثانيه: هههههااااي ماابي اعطيك اياه أول شي خلني أشرط شروط بعدين أفكر أعطيك ولا لأ
طلال: أشرطي مليووون شرط وأخذي راحتك بس عطيني الرقم ألحين
ساره: هههههه لحظه خلني أفكر أول امممممم
طلال: أنتي عطيني الرقم ألحين وبعدها فكري لما تقولين بس
ساره: هههاااي عشان تاخذه وبعدها تقول بعدين بعدين أعرفك انا تاخذ وماتعطي اسفه ماراح أعطيك
طلال: سويره أخلصي علي عطيني قبل أموت عندك
ساره: اسمالله عليك بعد وصلت لحد الموت!! مجنون أنت
طلال: مجنون فيها والله!! عاد يلله لاتمصخينها علي عطيني
ساره: أول انا جوعانه أبي من المطعم يعني أطلبلي
طلال: أخذي بوكي وأخذي اللي تبين منه وأطلبي أنواع الوجبات لما ينتفخ بطنك بس عطيني الرقم
ساره على وجها ابتسامه: يلله عطني البوك وأعطيك الرقم
طلال: هاااك
ساره: تفضل بس لاتموت علي
طلال شاف رقم مها وتخيلو باس رقمها من كثر هو فرحان وقال
طلال: فديتك سوسو وربي أحبك أحبك أحبك
ساره: الحمدلله والشكر انهبلت روح عني بس
طلال: بروح عنك ياسوسو ياقمر (وراح بعدها وهو فرحان ويغني ويرقص)
ساره: اللهم عطنا العقل الظاهر أخوي استجن
عند فهد..
فهد:تركي ووجع يلله مع السلامه
الكل:هههههههههههههاي فمان الله سكروا
فهد:نعم
رهف:فهودي
فهد:..........
رهف:فهودي
فهد:اعتقد اسمي فهد مو فهودي
رهف:اافااااا
فهد:لادوخين راسي
رهف :انا اسفه
فهد:طيب قبلت اعتذارك يلله مع السلامه وراح انسدح على سريره جاه مسج ؟
"كاني سبب ضيقك وهمك وبلواك!
الله يبرد حرتك في ( وفاتي) ؟
المرسل:شروق"
فهد:ههههه مسكينه عبالها بتكسر خاطري موقبل ماادبك فهد دزلها مسج
"
صرت كلك شبه ميت في نظرعيني وذاتي..
أعتبرتك شخص عايش في وجودي ثم مات..
لاغدى ميت شعورك كيف تبقى في خيالي؟؟
لاولايبقى لطيفك في خيالي ذكريات..
دايم أسعى لك في فرحك وأنت تسعى في شتاتي..
والنهايه كانت أقسى من جروحي والشتات..
شروق :.حقييير
فهد حقرها ونزل قاعد عالبحر
شافته شروق من دريشه ونزلت له بسررعه
شروق:فهد
فهد:نعم
شروق:فهد انا ادري اني غلطت بحقك
فهد :ليش ياشروق وش سويتلك انا ليه من يوم حنا اطفال وانتي تكرهيني طيب ليه تقطين مصايب علي كل هذا كره مع اني ماضريتك قلتي لي اكرهك انت ولد غبي مغفل سخيف لييه ياليت قلتي هالكلام لما كنا لوحدنا قلتيه قدااام الناس كلها بعدها ماتصورين شقد كرهتك اه
شروق:اسفه يافهد اسفه
فهد:انقلعي عن وجهي شروق:فهد انا انا احب ولد خالتي
فهد انصدم لف عليها:نعم لا تماديتي انتي شكلك
شروق:فهد الله يخليك افهم فهد:هه شتبيني افهم ياشروق شروق:افهم اني احب محمد فهد باستهزاء:عمري ماكرهه انسان كثر ماكرهتك
شروق:طيب اكرهني بس طلقني اي طلقني يافهد
فهد:هه اطلقك؟؟ قبل ماخذ حقي
شروق بصدمه:ايـــــش حقــــك
فهد:حقي ظلمك ياشروق لي شروق:فهـــــد هذي سالفه قديمه خلااااااص انساااها
فهد:الظالم ينسا بـــــس المظلووم لأ ياشروقتي
شروق فتحت عينها:شروقتك
فهد وقف:اي مو انتي زوجتي ولي حق ادلعك ولا حرام علينا وحلال على غيرنا
شروق:شقصدك
فهد:هه لاتسوين روحك غبيه
شروق:فــــــــــهد
فهد :اششششش فمان الله
طلع فهد ...
طبعا اللحين الربع مجتمعين بمخيم راكان كان عازمهم
تركي كان يحب يعزف عالعود وفهد كان صوته حلو مع راكان وطلال يطبل
تركي: اه ياربع اشهد انه الحب بلوى بس يهبل
طلال: أي والله صدقت يهبل عسل
فهد: هههه الله لا يبلينا
راكان: انطر شوي والله بيجيك وانت قاعد بوسط بيتكم
الشباب كلهم :هههههههههههههه صدقت
تركي مسك العود وقعد يعزف
طلال قعد يطبل وكانوا حدهم فاصلين
راكان وفهد : قعدوا يغنون غايب حبيبي ما وصلني سلامه
مدري غيابه عذر او شي مقصود
مو عادته يبخل على بأهتمامه
دايم يطمني ولو كان موجود
ما ابغى اشوفه بس بسمع كلامه
لا صار طيب راحتي مالها حدود
يرجعه ربي علي بالسلامة
اللي وحشني كم بقى يوم ويعود
محتاج له في درب ما اقوى ظلامه
هو شمعتي لا كثرت ايامي السود
ما اقوى على بعده ولا اقوى خصامه
لا غاب احس بدنيتي شي مفقود
متى يعود وترجع الابتسامة
الصبر مهما طال له وقت وحدود
عندي عتاب ودمعتين وملامة
وعندي أمل انه اذا غاب بيعود
وبعدها فصلوووا ضحك..
عند راكان...
و رد راكان شاف هند بليل الساعه 12
راكان: كيف حال مغرورة شاعرها؟]
هند: بخير بس شاعرها غاط عنها؟
راكان: أفا يا ذا العلم
هند: شفت شلون؟
راكان: طيب وربي مو غاط والدليل أنه داق عليها عشان يواعدها بنفس المكان
(هند مستانسه بس اتصنع الأعذار وما تبي تحسسه انها خفيفه وطبعا ما تقدر ترد له طلب) : حبيبي ماراح أقدر؟
راكان: هند عاد أنا بخاطري أشوفك؟
(هند بتردد) : آ آ أنا مشغوله
(راكان فهمها وفهم حركتها) : أممم خلاص اذا مشغوله خلاص
(هند تضايقت) : لا .. أقصد ليه؟
(راكان يستهبل ) : عشان أنتي مشغوله؟
(هند بعفويه) : من قال؟
راكان: وحده أسمها هند هي اللي قالت
هند: راكان أنت تدري اني ما أرد لك طلب؟
راكان: أصلا كنت فاهمك بس حبيت أستهبل
هند: طيب تعال
راكان: صدق ؟
أجيك يسلم راسك وشلون ما أجيك
وياك أنا بالذات صعب أتغلى
والله مدري من الغلا وين أوديك
تسوى عيوني ولا بعد يمكن أغلى
هند: صح لسانك وفديت صوتك
راكان: بس فديتي صوتي؟
هند: لا أنا أفتديك كلك
راكان: أقول تعالي المكان وأنتي ساكته ولا تلبسين عدسات
هند: حاضر بس دقايق بقول حق أمل تغطي علي
(هند راحت خيمة البنات وغمزت حق أمل انها تطلع لها) : أمل
أمل: خير ؟
هند بخجل : أمل راكان يبي يشوفني تكفين ضبطي الأوضاع
أمل: طيب؟
هند: أبي كحل؟
أمل: انزين دقيقه بجيبه لك .. أخذي عدسات؟
هند: لا راكان ما يبيني البس
(هند ضبطت شكلها وراكان لبس دشداشه سوده وجاكيت أسود طويل وملتحي وشماغ أحمر متلثم فيه عن البرد وشكله جنان وطوله شامخ)
(بالمكان)
راكان: أرحبوووو ؟
هند: مرحبا فيك
راكان: إي والله يا مرحبا فيني
هند: أحد قالك انك مغرور؟
راكان: إحم إحم أنا طالع على حبيبتي
(هند بصوت عالي وبعصبيه) : أنت هي ؟
راكان: وشفيك؟
هند: أنت تجنن
(راكان حط إيده اليسار ورا رقبته): إحم
هند: أنت تحطم الواحد وتجننه
راكان: أنزين هنوي غني لي
هند: صوتي مو حلو بس أسمي بلسانك يجنن
راكان: طيب غني بس مقطع
هند: ولا كلمه مو مقطع
(راكان رفع ايد هند وحط راسه على فخذها وغمض عيونه ورفع راسه فوق): أنزين
(هند تجننها حركات راكان وغصب اتحطم وأستانست من حركته وحطت ايدها على جبهته)
(راكان شاف عيونها اللي تطير له عقله ويتوه اذا لمحهم) : هنادي
هند: لبيه يا عيون هنادي
راكان: تعرفين اني أحبك؟
هند: هذا اللي ذابحني
(راكان فصخ لثمته): ليه ؟ ما تبيني أحبك؟
(هند شافت باقي وجهه اللي يطيحها من طولها): شوف بقولك بيتين شعر وأفهمهم <<
مامن جفا وفراق لا قاله الله
عساه يبعدنا عن دروب المفاريق
ما غير اببخص خافقك وبتغلى
بشوف أنا وش لي بين المخاليق
محبوبتك عوبه تبي الحب كله
تبيه يوصل هالغلا للشواهيق
وسلامتك
راكان: إحم .. أصلا المخاليق ما يمرون على قلبي عشان يهزونه لأنك انتي الوحيده اللي هزيتي قلبي وزلزلتيه
هند: طيب (محبوبتك عوبه تبي الحب كله )؟
راكان: أصلا بقاموسي الحب يعني هند وهند يعني الحب
هند: طيب بتغلى ؟
راكان: من تغلى تخلى
هند: لا لا خلاص مابي أتغلى
راكان: إيه هيك بدياك
هند: فديتك تدري اني أحبك؟
(راكان بثقه) : قديمه أدري من زمان شدعوه قايله شي جديد؟
هند: يا المغرور؟
راكان: ومنكم نستفيد
(هند بصوت عالي وبعصبيه) : يعني أنا مغروره؟
راكان: يس
هند: يحقلي
راكان: بكيفك ؟
هند: إيه يحقلي أصير مغروره لأن راكان يحبني
راكان: وش يدريك ان راكان يحبك؟
هند: هو يقول
راكان: تراه كذاب
هند: طيب هو كذاب بس عيونه وقلبه ما يكذبون
راكان: طيب أنا أحب كل كلك وأعشق كل كلك أنتي أصلا قمه بالذوق أنتي رهيبه
هند: طيب أنت زولك يزلزلني ويهز كياني واذا شفتك أبلع الساني ما أعرف وش أقول بس عيوني تقول أحبك
(راكان مو مصدق وقام من فخذها لأن هي ما تحب تقول هالكلام واجد لأنها ما تبي تحسسه انها خفيفه وكتومه) : هآ ... أنتي هند؟
هند: إيه يا راكان أنا أحبك
راكان: وأنا أعشقك يابنت الناس
<< لي صاحب(ن) خذني بزينه
عن كل مزيون(ن) ورعبوب
روحي غدت بنظره رهينه
والقلب من نظراته يذوب
غضن يعيش أول سنينه
ومن الدلع له طبع له طبع وأسلوب
خطر(ن) علي ان شفت عينه
ومن نور حسنه أنزع الثوب
(راكان جلس بجنبها): هند؟
(هند تستهبل) : هآ
(راكان ما عجبه الرد) : هند؟
(هند زادت استهبال) : نعم
(راكان ما عجبه الرد) : هند؟
(هند كسر خاطرها راكان بس ترد تستهبل ) : هلا
(راكان ما عجبه الرد) : هند؟
(هند لفت عليه شافته بنظره تطيح القلب) : لبيه
(راكان أستسلم لنظراتها): ياويل حالي
هند: فديت حالك
(راكان قعد يصارخ) : آ آ آ آ آ
(هند حطت إيدها على حلقه) : أسكت فضحتنا
راكان: أنتي قهوه
هند: يع ما أحب القهوه
راكان: أنتي تحملين صفة القهوه انك تقعدين الراس وتصحينه
هند: هههه طيب أنت جوالي لأني أراسلك وأكلمك منه
(راكان شاف ساعته بس ما حب يقولها انها تأخرت لأنه مستانس)
هند: راكان
راكان: سمي
هند: سم الله عدوك كم الساعه ؟
راكان: ساعتي خربانه
هند: أعتقد اني تأخرت
راكان: حياتي ولله بدري
هند: من عمرك حبيبي بس أنت عارف
راكان حط حاله زعلان ولف وجهه عنها: أف أف طيب خلاص روحي
هند: عاد لا تزعل
راكان شافها: مجنون أنا أزعل منك؟
هند: ويلوموني فيك بعد ؟
راكان: أنتي لو تآمريني بأي شي صدقيني أجيبه
هند: طيب أبي اشماغك؟
راكان: بعطيك واحد جديد هذا مو حلو
هند: أنا أبي اللي على راسك
(راكان فصخ الشماغ ولبسها ولثمها وغطى وجها وطلعت بس عيونها وضبط الثمانيه وقرب من عيونها وشاف رموشها اللي كنهم صفة حراس وكحلها الداث حط بوسه على أصبعه وحط أصبعه على عينها اليمين)
(هند انهبلت من حركته اللي جننتها وكل يوم تحبه أكثر وتشتاق له حتى وهو بجنبها)
وطبعا راكان بالمخيم
وراحو الشباب السينما اشكالهم كانت تجنن كان فهد مفصل دشداشه سعوديه وحط سكسوكه وطلال كان حده كاشخ وحاط بزمات لدشداشته وكان روووعه وتركي كان مسوي ديرتي وقاط غترته عاديه كانووو يمشووون بهيبه ومايهمهم الي يمشي جنبهم يــــعني كانوو يمشووون بغرووور.........مروو شلة بنات لابسين عبايات مخصره
طلال: شبأأأب لا تعطووونهم وجه هم راح يجووون وربي
تركي: هههههههأأي صدقت طالع عيووونهم متحـــطمين
فهد: صدقتووووو
البنات مروو عندهم وكانت معاهم بنت صغيييره:البنت جت: وأأأأأأأأي شباب اشكلكم تجنن.......
طلال ابتسم ونزل لهاا: انتي الي تجننين وشسمك؟؟
البنت: نواره نونو
فهد: مـــــــــاتحمل انا نونو بعد مدلعييينهأأ
نواره تطالع فهد بقرف وردت تطالع طلال: وش يقووووول هذاا؟؟
فهد: ألعـــــن ابو شكلك لييييه تطالعين كذاا؟؟
تركي: ههههههههههههههأأأي شوي شوي عالبنت فهووود
نواره : عنوووووووووووووووووووود
فهد: يؤيؤيؤ جابت لنا العايله
طلال بصوت خفيف يكلم ربعه: اقــــص ايدي اذا هم مو قايلين لهاااا روحي لهالشباب
تركي: ههههههههههأأأي واضـــح من حركات البنت
البنت اختهاا(عنود): خيييير شفيك نونو
فهد: يعني متنقبه هي ووجهاا
طلال ماقدر يمسك نفسه: ههههههههههههههههههأأي
عنود: خييير اخوووي شيضحك؟؟
تركي: سلامتك اختي
عنود استانست على اسلووب تركي وقالت بدلع: الله يسلمك
فهد: تسلمييين يلا شباب مع السلامه ياختيj
عنود انقهرت: فرقأأأأأأك
طلال: ههههههههههههههههههههههههههأأأأي
عنود: مافي شي يضحك؟؟
فهد: كبـــــرت السالفه وهي صغيره يلا اخذي هذي العوووبه سوسو مدري نونو
طلال: خلاص فهد حرأأأأم هلاااا اختي.....؟؟
عنود: شنوووو.........؟؟
فهد: هههههههههههأأأي يلا يالربع مشينااا
جت اختها الثانيه: خييير عنوووده اشفيك؟؟
طلال يكلم ربعه: كملت الشله
تركي وفهد: ههههههههههههههههههههههههههاأأي
طلال: شباب فضحتوووني خلاااص والله شكلهم مزيوونات نضبطهم؟؟؟
فهد: لاااا يع اسلوووبهم خأأأأأأيس
طلال: اسكت انت جننتهم مساكين
تركي: انا مابي الصرأأأحه
طلال: الله يقطعكمــ
فهد: امش بـــس يولوون
تركي: أي والله
وراحووو الشباب وانجنوو البنات علــــيهم
عنوود: حسبي الله عليه نحشهم
البنت الكبيره: منوووو......؟؟؟
عنوود: الكلب الي لابس دشداشه سعوديه
البنت: حرأأأم عليييك يجـــنن
عنوود: أي بس مدري على شنوووو رافع خشمه انا مابيه اخذيه ابي هذاك<<تركي
جت اختهم الثالثه (حلا)): هأأأأأأي بنات ياربيييييييييييييييه يازين الي نزل عشان نونو
عنوود: انقلعي انا مابي غييير هذاك<<تركي
عنود تبي تركي
حلا تبي طلال
ابرار تبي فهد
عنوود: انــــطرووو اجــــيب راسهم اليوووم
حلا: يأأأأأأأأأأأأأأأأأأأأأأأأرب
ابرار: يمكن انتووو بس انا معاه مستحــــــــــــــــيل
راحوووو قعدوو بطاوله
عنووود: قوووومي بسرررررعه حلا شوفيه راح يطلب سوي الخطه
حلا: الله يستر بس
راحت حلا تطلب: طلال لف بسرعه وطاح البيبسي من ايده لانهااا دعمته وانكت شووي على عبايتهااا
حلا: ياااااااااربي انت ماتشوووف
طلال: السمووووحه اختي ماكنت اقصد بس انتي الغلطانه ليه وقفتي ورأأأي
حلااا: انطر الدور يعني شسوي؟؟
طلال: تعالي اكفخيني بعد
حلا: لا مابي اوسخ ايدي
طلال: نــــــعم توسخين ايدك ليه شايفتني كلب عندك ياحــــشره
جووو تركي وفهد وعنووود وابرار
فهد يطالعهم وهو فأأأطس من الضحك لانه كان فاهم الحركه:هههههههههههههههههههههههههههههههأأي
عنود: مافي شي يضحك؟؟
تركي: ههههه اعقل فهد
ابرار: خلاص فهوود لا تضحك وااجد مو زين<<بتطيح الميانه
فهد طالعهاا من فووق لتحت ولف وجهه
حلا: انا اسفه طلال
طلال: انقلعي انتي وياااهاا
وطلعووو الشباب وهم يسولفووون ماهتمووو بالموضوع والبنات منقهريييييييين
عند تركي..
تركي حاير وما يدري وش يسوي وصل الديوانيه دخل اليوانيه واهو ساكت
طلال : ها ياولد
تركي : شنو ولد ماني تارس عينك ؟
طلال : اقول لا اتفلسف علينا وشفيك داخل حتي ما سلمت احنا اللي نقول محد تارس عينك منا؟
تركي : السموحه يا الربع شخباركم؟
طلال : تعال قول وش فيك انت ؟
تركي : ابد سلامتك مافيني شي بس شوي تعبان تروح معي
طلال : وين على الله؟
تركي : بعد وين الممشي
طلال : يلله قوم
تركي : وين؟
طلال : شنو؟
تركي : وين نمشي؟
طلال : اسمالله عليك وش فيك انت؟
تركي : انا اللي وش فيني او انت اللي تبي تاخذني على وين انشاء الله
طلال : لا سلامتك ابد ما قلت شي
تركي : اقول قوم يالله نتمشي بالممشا
طلال : اقول انت ها وش فيك كل شوي لك كلام وش فيك؟
تركي : بتروح ولا بروح بروحي؟
طلال : لا بروح معك
تركي : يلله قوم
وطول الطريق كان الصمت سيد الموقف وفجأه تكلم طلال كسر حاجز الصمت اللي كان مسيطر على الوضع
طلال : تركي وش فيك مهموم وش اللي صاير ياخوي؟
تركي : ابد بس احس اني تايه ولاني بداري عن شي ؟
طلال : قول وش فيك؟
تركي : اشواق
طلال مصدوم : شنو تقول
تركي : اشواق
طلال ما تكلم ولا كلمه وتكلم تركي وقال كل شي له وقاله الموقف واللي صار معاه
طلال لما فهم الموضوع قال : اسمع ياتركي الظاهر اشواق ماراح تدق عليك لانه على كلامك صار لها اسبوع من الموقف صح
تركي: صح اسبوع وانا لاني بالارض ولاني بالسماء
طلال : لاتقول كذا اشواق ماراح تدق لانه لو صدق تبي كان دقت من يومها خلاص في غيرها بنات واجد
تركي : بس اشواق غير يا طلال
طلال : شلون حكمت عليها وانت ماكلمتها لحد اللحين؟
تركي : مادري بس انا تعلقت وربي من ينزلني
طلال : اقول قوم نروح الديوانيه لان الربع اهناك ويحاتونك
تركي :لا انت روح انا ابي اتمشي شوي
طلال: اقول قوم وخلك من هالكلام الفاضي انت مجنون ؟
تركي : يا رجال روووح ابي اتمشي شوي واجي
طلال: طيب لا تتاخر
(بالديوانيه )
طلال : السلام عليكم
الربع : وعليكم السلام
راكان : وين تركي يا طلال؟
طلال: حاب يكون بروحه ويجي بعد شوي
راكان : تعال طلال ابيك شوي
طلال : سم
راكان : سم الله عدوك بس ابسألك عن تركي وش فيه من اول ما دخل وطلع وهو مهموم
طلال قال القصه لراكان لانه راكان وطلال وتركي ربع حيييل واخوان ومع بعض دايم
راكان : انخبل هذا ولا جنت جنونه على هالوقت؟
طلال : مادري عنه اسئله اذا شفته
( بالممشا )
تركي سرحان ولايدري وش يسوي ولا وين قاطه ربي وربعه كل شوي يدقون يزعجونه ولا يرد عليهم وآخر شي سكر جواله من كثر مازعجوه ورد البيت ونام ولما طلع الصبح واليوم كان يوم إجازه قام وراح لديوانيه
(بالديوانيه)
تركي : السلام شخباركم
راكان : تمام وانت وينك من امس كسرنا التلفونات عليك يا رجال خرعتنا عليك
تركي : تعبت شوي ورحت البيت ارتاح
راكان : لا تسوي كذا فينا مره ثانيه تخرعنا عليك
تركي : السموحه ما اعيدها
طلال : روميو تعال اهني
تركي : اقول سكر حلقك
راكان : طيب وانت لحد الحين ليه مسكر جوالك؟
تركي : يييييوووووووووه نسيت الله يذكرك بالشهاده
راكان : تسلم اجمعين
ويشغل تركي جواله ولا الرسايل مغرقه الجوال
طلال : اللي يشوفك يقول ما في بنت بالعالم ما راسلتك
الربع :هههههههههههههههههه
تركي : لا تخاف كل الرسايل منكم الحمد الله اللي يقول سارق حلالكم ومنحاش
فجأه قراء مسج وشهق
تركي ما يدري وش يسوي وقام ويطالع يمين ويسار وكانه انخبل شوي
طلال : وش فيك؟
راكان : صاير شي تكلم قول؟
تركي : هاااا .. لا .. شنو .. شصار؟
طلال : تركي اسمالله عليك وش فيك انت تكلم
راكان اخذ الجوال وقعد يقرا فجأه راكان حذف الجوال على طلال وكان رد راكان
راكان :هههههههههههههههههه
لما قرا طلال ردة فعله :ههههههههههههااااااي
تركي اخذ الجوال : يحقلكم
. وطلع من الديوانيه
____كان المسج____
من اللي اخذت عقله وسرقت قلبه وروحه وتفكيره من اشواق اي اشواق اللي يتحلم فيها كان هدف اشواق الشكر ما تدري انها بتحلم اهي بعد من ورى هالمسج وكان المسج ؟
عند طلال..
طلال مافيه صبر راح غرفته وعلى طول دز لمها مسج والوقت كان بعد أذان العشاء
طلال: مرحبآ يالغلآ شخبارك؟؟
مها: منو معي؟
طلال: أول طمنيني عليك وعن حالك؟؟ وش مسويه؟؟
مها: الحمدالله بخير بس منو معي؟؟
طلال: مو لازم تعرفين منو انا.. وبعدين راح أقولك منو انا
مها: يا تقولين منو أنتي ولا ما راح أرد عليك (مها حسبالها وحده من البنات) "طلال أخذ دور بنت عشان مها ترد عليه"
طلال: شدعوه يالغلآ ماتبيني!! انا أدور راحتك وأبيك تكونين مرتاحه في دنياك
مها ما ردت (مها كانت عنييييده حيل)
طلال: ليش ما تردين ترا انا وحده تعرفيني عدل (طلال كان يكذب عليها عشان ترد عليه)
مها: زين قولي منو انتي وبعدين سولفي علي ؟
طلال: قلتلك مو لازم تعرفين منو انا!! بس ابي أخذ أخبارك منك أنتي مو من أحد غيرك لان بصراحه تفشلت حدي من رفايقك
مها: تاخذين أخباري من غيري! انا ماراح أقولك أخباري وتفشلي كملي وأخذي أخباري من غيري وماراح أرد عليك إلا اذا قلتي أنتي منو بعدها راح أرد عليك؟
وظل طلال كل يوم يدزلها وما ترد عليه وطلال مزعجها حيل وأخذ رقم رفيقتها اسمها منيره من أخته ساره وساره كانت تعرفها وعندها رقمها وكانت العلاقه همن علاقه سطحيه مع منيره،، وطلال كان ياخذ أخبار مها من رفيقتها منيره كل يوم،، طلال راسل منيره وما رضا يكلمها عشان ما تكشفه وهمن حط نفسه بنت وقالها كل شي وقال ان يحبها ويموت فيها -وكانت منيره على نياتها وتقول من قلبها (منيره بنت صريحه حيل بس مشكلتها انها ما تجرح أحد وأخلاقها حلوه) وطلال صارحها وقالها
طلال: مرحبا منوره شلونك؟؟ وشخبارك؟؟
منيره: بخير الحمدالله بس منو معي؟؟
طلال: انا حبيبت مهاوي رفيقتك (كان يكلمها على انه بنت)
منيره: هلا والله
طلال: شخبار مهاوي؟؟ ومتى آخر مره كلمتيها؟؟
منيره: الحمدالله زينه.. أمس بليل كلمتها
طلال: منوره انا أدزلها مسجات بس ما ترد علي تكفين خليها ترد
منيره: لأنك انتي زاعجه مها ومها ماتحب تكلم أحد ماتعرف منو، أحسن لك انك تقولن لها أنتي منو وكملي السوالف معاها ترا أحسن لك وتاخذ راحتها هي بعد
طلال: انا راح أقولها والله بس مو اللحين ابي أخذ أخبارها أبي أونسها أبيها تكون مستانسه بالدنيا ومحد يضايقه أبي أسوي المستحيل عشان أخليها مرتاحه أبي أفخر فيها والله أموت فيها
منيره: اسمعيني مها ما تحب تتكلم مع اللي يحبونها حيل مثل الحبايب
طلال: بس انا أحبها وأعشقها ومستحيل أنساها حتى لو دقيقه
منيره: انا بقولك بصراحه أكسبي مها كرفيقه لك ولا تخلينها حبيبه وصدقيني اذا صرتي معاها رفيقه راح تقولك كل شي عنها وماراح تستحي أما اذا حبيبه صدقيني راح تخرب العلاقه وماراح تكلمك كل يوم
طلال: ما أقدر هي بالنسبه لي حبيبه ورفيقه وكل شي بالدنيا
منيره: براحتك انا قلتلك واذا سمحتي انا مالي شغل بعلاقتكم ولا تدخليني بينكم
طلال: لحظه وشفيك؟ لا يكون بينك وبين مهاوي شي؟؟
منيره: ما فينا شي بس اذا تبين شي كلميها ولا تخربين علاقتي مع رفيقتي مع السلامه (للعلم كانت منيره تراسل طلال وهي بالسعوديه)
ومنيره كانت تقول لمها كل شي صار بينها وبين طلال..
وبعد يوم دز طلال مسج لمها والوقت كان الفجر ومها كانت سهرانه مع بنات خالتها
طلال: مرحبآ يالغلآ صاحيه؟؟
مها: ما ردت
طلال: طمنيني عنك وعن أخبارك؟؟ مهاوي ترا صدق متضايقه حيل وأحس الدنيا ضاقت علي وما فيني نوم
(مها حنت عليها وعلى اسلوبها "على الرغم انها ما تدري انه رجال مو بنت مثل ما تظن")
مها: ليش من شنو متضايقه وشفيك؟
طلال ما توقع ان مها ترد وتسأل عنه: ماأدري يالغلآ وشفيني أحس الدنيا أظلمت بعيوني
مها: تعوذي من ابليس ونامي وارتاحي
طلال: مهاوي دام أنتي تراسليني صدقيني بكون بأحسن حال واذا خليتيني ترا راح تسوء حالتي
مها: انزين قولي منو أنتي؟ عشان أكلمك وانا مرتاحه
طلال: وربي راح أقولك بس كل شي بوقته حلو
مها عصبت من المسجات وكان طلال يزعجها حيل وما ردت مها على مسجاته وطلال دزلها مسج الفجر قبل شروق الشمس
طلال: مهاوي تكفين ردي سولفي معي حدي ضايق
مها كانت مع بنت خالتها بس ردت مها: تراك أزعجتيني وفضحتيني عند بنات خالتي اذا ما قلتي منو أنتي صدقيني راح أعطي رقمك أبوي وأنا أقولك أحسن لك لا تحرجيني وأخرتها تطلعين رفيقتي
طلال: راح أقولك يالغلآ وربي بس مو اللحين بعدين راح أقولك والله
مها: اسمعي عندك لحد أرجع البيت (بيتهم كان يبنون فيه، يوسعون مساحته) ان ما قلتي منو صدقيني راح أعطي الرقم أبوي؟
طلال دز مسج لها وقال
طلال: أوعدك ما راح ازعجك واعذرني اذا ما ارسلت ودقيت ابقى عزيز النفس اذا هذا مرادك وأمانيك ولو ماأعزك وأحبك مادورت عليك الله يحللك ويبيحك في كل شي سويته حتى قلبي ألي جرحته والله مسامحك
وردت مها من المزارع وراحوا ينامون بيت خالتها
ويوم من الأيام كانت مها رايحه بيت خالتها لان بيتهم اللي تحت ما خلص يعني راح ينامون عند خالتها 3أيام شي كذا ودز طلال لها مسج يعني ساعه11:30 أو 12 بليل تقريبا وكان طلال فاصل حده ومها كانت عند بنت خالتها
طلال: مرحبآ مهاوي اشتقتلك موووت وشخبارك؟؟
مها: الحمدالله زينه (مها كانت فاضيه تقريبا)
طلال: مهاوي عمري أبي أشوفك!!
مها: قولي منو أنتي وراح أسوي جمعه للبنات لما يخلص بيتنا وراح تشوفيني
طلال: ما يصير اللحين أشوفك!!
مها: وين تشوفيني انا بيت خالتي مو بيتنا وبعدين وين أدخلك بيتنا ما خلص اللي تحت
طلال: عادي روحي بيتكم وانا أجيك؟
مها: شنو؟! بالله وين أقعدك واذا الصاله مو خالصه بالحوش!
طلال: انتي روحي بيتكم وانا أجيك؟
مها: وين تجين ما تفهمين أنتي!! بيتنا تحت مافيه كهرباء
طلال: أحسن شي انا أبي ظلمه
مها: شنو؟!
طلال: وألبسي ثوب قصير فوق الركبه ولونه أحمر وظهرك طالع وحطي قلوس فراوله
مها: هههههههاااااااي حدك داشه بقوه؟
طلال: عشان أخذ راحتي معك
ودارت السوالف مع طلال ومها وطلال صارحه ودز وسائط لها
وقال طلال:
ودي أحطب لك ضلوعي وأدفيك
وألحفك بالرمش لاصرت بردان
أسكنك في عيوني ان كان يرضيك
وتصير عيني لك وطن مثل الاوطان
وأضمك لصدري ¤غلا¤ لين يرويك
عذب الحنان اللي فقدته زمان
وأعطيك عمر جايك اليوم يهديك
أجمل محبه ضمة انسان لإنسان
القلب تسكن فيه وحدك ويرجيك
انك تعيش داخله وينسيك الأشجان
ياحبيبي انت الوفا والوفا فيك
يرسم ملامح ضحكتك وانت عتبان
لاتستحي واحضن يدي داخل ويديك
ثم شدني وارضيك ان كنت زعلان
ابي أفتخر فيك واتبختر وأناديك
وأقول
هلا بحبيبي اللي سكن بين الاوجان
ياحياتي والله لأعطيك وأعطك
عمري وعشقي فدوتك ياأعذب انسان
أنت الهوي والقلب بالحيل يغليك
أنت حبي اللي رويته بدمع الاجفان
وأنت حبك أشوفه يملي علي
كل هالكون وحتى لو فيه غيره أكوان
(أحبك موووووووووت)
وقالها انه يحبها ويعشقها ومها بعد عناء طويل صدقته،، ومن فتره لفتره مسجات وأشعار وقال طلال لمها انه وده يسمع صوتها ودق عليها وسمع صوتها وتحطم على صوتها وكان صوت مها _عذب وناعم_ ومها ردت تقول مها: ألو... ألو... ألو...وسكرته
وطلال تحطم لآخر درجه ودق ثاني مره
مها: ألو... (سكتت شوي بتسمع أي صوت عندها عشان بتعرف من اللي تكلمها) ما تردين!! وسكرته
طلال ذاااب في مكانه وراح يدق عليها مره ثالثه
مها: ألو.. ما راح تردين تكلمي اجل ليش داقه وسكرته
وهمن طلال الأخ رايح فيها ومها عصبت ودزت لا تدقين دامك ماراح تكلمين
ودق طلال رابع مره وماردت مها عليه.. طلال دز مسج وقال
طلال: فديييت صوووووتك يالغلآ وربي ماكو أحلى منه وظل طلال مسجات معاها من فتره لفتره،، ومره مها تبي تعرف منو اللي تدزلها وراحت مها أخذت جوال بنت خالتها ودقت على رقم طلال وكان طلال نايم وصحى على رنة جواله ويقول طلال
طلال: يوووووه أبلشنا تركي مايدق من جواله (تركي وراكان وطلال كانوا أقرب ثلاثه لبعض ) ورد وقال
طلال: نعم
مها كانت منصدمه وما تكلمت ولا كلمه
طلال: ألو... ألو...
ومها بأكبر صدماتها مو مصدقه ان البنت اللي تراسلها يطلع رجال
طلال سكر الجوال لان محد يرد ورد نام،، ومها من بعد الصدمه دزت مسج سب له وطلال أول ماقرا المسج فز من نومه وكأنه شايف كابوس وقرا المسج أكثر من مره ومو مصدق ان مها هي اللي دازه المسج من بعد ما كان مرتاح وما في أحد قده...
انصدم من المسج وما عرف وش يسوي وبعدها صارحها طلال وقالها كل شي وقالها من وين جاب رقمها وشلون شافها ومها مصدومه
|