الشوق غيمة .. والشعر ديمومـة
والكـل منهـم يستثيـر الثانـي

نثرتْ حبري .. وأنكتب محرومة
بكيتْ حزني .. وانفطر وجدانـي

مدام حظي غـارقٍ فـي نومـه
خل الوسـادة ترتفـع لأحزانـي

تعبت أدوّر مـن يسـرْ أقدومـه
ولا لقيـت اللـي أبيـه وجانـي

مابين جوع .. ولقمـةٍ مسمومـة
والموت أشوفه بينهـم نادانـي !!

أرجـوك ياجـرحٍ مكثّـر لومـه
صوت الفراق يجاوبـه تحنانـي

لا تسأل العزة عن أمر الشومـه
أسألني من هو بالغـدر جازانـي

خلّه مع اللـي غيّـروا مفهومـه
وقلّه شموخـي فوقهـم ودانـي

سكنت قصره.. وارتشفت غيومه
شفني على عرشه أجر ألحانـي

لتفسير قصدي.. ماني بملزومه !
وإن ماقراني .. فيه من يقراني !!

* * ************************
الشاعرة/عاليه عبدالله