قلّ للغياب اللي خذلني | بليّاك
لا عاد يشره ليه خنت .. انتظاري !
الليل .. يحبس مابقى من بقاياك
ـ والصّبح يشرق كِنّه | إنسان عاري
مدّيت كفّي وصل / ردّته دنياك
لين إختنقت .. وطاح فيني جداري
كان الحلم .. عمري أقضّيه ويّاك
مات الحلم .. قبل ابتسامة نهاري
ماعاد يغري أي شيٍ لِـ [ لقياك ]
دمعي .. عتابي .. شمعتيني .. وداري
صعبة أعيشك شخص منفي من اشياك !
سهلة ب يدينك .. طعنتي وانكساري ,
قلّ للغياب اللي هو | أعظم خطاياك
ماعاد أحس بشي غير .. احتضاري
* * * * * *
قصيدة عذبة
للشاعرة: رزان العتيبي