مو أناني.. يا أماني
بس مكسور الأماني
واحتري حلمي يصير
مثل ما يحلم فقير.. بصبح ثاني
مو أناني.. يوم غمّض
وانحبس بعيونه الحلم الأثير
مو أناني.. يوم حس بخوفه وجفنه رمش
وانحبس جواة نفسه.. وانكمش
يصغر الإنسان يصغر.. يصغر أكثر
كل ما يصبح مدى حلمه كبير
مو أناني
بس خايف من غلا حلمه.. يطير!!


***

قلت لك !!
ما قلت ؟
قل لي ؟!
قلت : يا صوت الضمير
لا تلوح لشوف غيري .. وانت غير !!
ظالمة عين المضرّة
ما طلبتك غير مرّة
مشكلة ضوّك كثير
وانت عارفني فقير!!

***
وكل يوم الشمس تشرق.. وانت أشرق
كل يوم الشمس تغرب
وانت أحلى من غروب الشمس.. وافرق
كل يوم اتبين زين.. ويستطير المستطير !!
خايف اتشوفك عيون الناس واغرق
قبل لا حلمي يصير!!

***

مو أناني.. يا أماني
بس خايف
وانت عارف.. يا أمان احلامي الزرقا وشايف
كيف هالدنيا دوايرها عجيبة
كثر ما جنحان قلبي رفرفت لايامي وصارت حسايف !!
وانت حلمي في سماك
شفت جنحاني معاك
وجيتك امشي، جيتك اسعى، جيتك اركض
بس خايف لا تلوح لشوف غيري.. وانت غير
وأنكسر من قبل اشوفك .. ما أطير !!

احُب كل شي كان رحمه لي من الله