خلاص من حبكم يا زين عزلنا
ما عاد لي في هواكم شف أو رادة
واللي شبكنا معاك يا زين يخلصنا
يكفيني اللي حصل ما ستحمل زيادة
ما أحد على حبكم يا زين يغصبنا
وما أظن انت بعد في حلقي قلادة
دور على غيرنا وبلاش تتعبنا
من يطلب البعد حنا ندور ابعاده
أول رغبناك يوم كنت راغبنا
في شرع الاجواد كل يطلب مراده
أيام كنا غشم ياما تكلمنا
ندور رضاك مهما كلف أبعاده
واليوم أبشرك يا سيدي تعلمنا
بدلنا نوم الحزن بفراش ووسادة
وَوَلْتْ ليالي السهد كم كانت تسهرنا
وعاد الكرى للعين يا حلو بزيادة
الله يوفقك واحنا الله يوفقنا
الناس واجد وكم في الحب حساده
**
احتراماتي لقلمك