منتديات قصايد ليل - عرض مشاركة واحدة

11-02-2015

بعد الغداء

قعد الكل بالصـالة منقسمين انقسام مألوف .. أبو فيصل وفيصل وخالد جمب بعضهم يحكون بسوالف الشغل الي يفرضها وجود أبو فيصل ..

وأم فيصل والبنات بالجهة الثانية أغلب السوالف عن الحمل وكل مايتعلق فيه بشكل يعكس صورة عن أي جمعا تجمع بين حوامل أمثال فتون ومرام .. أو حريم توهم خارجين من ولادة أمثال منى وحنان .. حيث انه صارت هالسوالف اهي همهــم الأكبـــر ^ _ *

دق جوال فتون ويوم طالعت لقت سعود المتصل ..
شقت الضحكة واهي توقف وتبعد عن الازعاج وردت ..
فتون بمرح : هلا يااااابعد عمري والله ناوية ادق عليك الحين اتحمد لك بالسلامة وسبقتني ..
سعود بهدوء : عادي ياقلبي .. شلونك فتون ؟
فتون : الحمدلله بخير انت شلونك كيف سفرتك ..؟؟
سعود : ودي انها ماتنتهي ابد يافتون .. بس الحمدلله
فتون : ياعمري انت شلون وعد بالله ان شاء الله بخير !؟
سعود : الحمدلله تسلم عليكم والله اهي والحلو الي ببطنها !
فتون : اييييييييييش !! وااااااااااااااااو جد ؟؟
سعود : هههههه ايه ولا بس انتي الي تعرفين تجيبين الاحفاد !
فتون : ههههههههههههه مو مصدددددددددقة .. والله وناااااااااسة مبرووووووك حبيبي ..
سعود : الله يبارك فيك ..
فتون : زين سعود .. قلت لابوي !؟
سعود بتنهيدة : ايه ..
فتون بحماس : اييييييوة شقااااال !؟
سعود : أبد .. قال الحال بيبقى على ماهو عليه!
فتون بخيبة : ياربيييييييييي يابوي هذا شيبي !؟
سعود : تسأليني يافتون ! انا خلااااااااص ماعاد فيني أتحمل أكثر .. أمس اقول لامي لو صابني مرض ولا بلى فاعرفوا ان أهو السبب !
فتون بضيق : لا ياعمري اسم الله علييييييك .. يهديه الله ان شاء الله .. شوف ياسعود كيف اول كان رافضها رفض نهاااااائي وبعدين وافق تروح لها مصر وشوي شوي وبيرضى وتجيبها وتعيش مرتاح ومبسوط !
سعود : لين ذاك الوقت ياعالم وش بيصير فيني وفيها !
فتون عورها قلبها بس حاولت تهوّن عليه وقالت : مو صاير الا الخير ان شاء الله.. هونها ياقلبي وتهون ولو قطعت الأمل من ابوي ماتقطعه من عند الله .. ربي وحده مراح يخيب رجانا وان شاء الله بيجينا الفرج من عنده ..
سعود : الله المستعـــــــان .. يالله حبيبتي انا بس حبيت أسلم عليك ..
فتون : تسلم يابعد عمري وان شاء الله بكرا أجيكم ..
سعود : ان شاء الله .. يالله حياتي سلام ..
فتون : باااي .. (( وسكرت منه واهي تحس انها ضاااااااايقة ! مو قادرة تدور وترجع الصالة وكلام سعود ونبرة الضيق والحزن الي بصوته توجع قلبها حيل !
ولقت نفسها تمسك الجوال وتدق على عبير بلا سبب محدد ..

بعد كم رنة جاها الرد : هلا والله حبيبتي ..
فتون : أهليييين عبورة شلونك؟
عبير : بخير الله يسلمك انتي شلونك !؟
فتون : تماااام الحمدلله .. شفيه صوتك انتي بعد !!؟
عبير : مافي شي والله بس سعود توه مسكر مني وضاق صدري عليه مره ..
فتون : ايه شفتييييي ! حتى انا كلمني تو وكسر خااااااااطري عبير لازم نلقى حل !؟
عبير بتنهيدة : وش بايدنا يا فتون ..
فتون : نكلم ابوي ياختي .. من جد خلينا نتدخل ونسوي اي شي حتى لو ماطلعنا بنتيجة اسمنا حسسنا ابوي ان كلنا مع سعود وحاسين فيه ولاهو راضينا حاله بهالشكل !
عبير : يعني بالله عليك ابوي مايدري !؟ ترا ابوي حاااااس فيه ومتضايق عشانه بس افكاره اعوذ بالله ثابتة وماتتغير !
فتون : حتى لو مايصير نسكت .. انا ماقلت لسعود شي عشان لا اعشمه بس اقولك انتي لاااااااازم نسوي شي ..
عبير : والله ابوي مايتهارج بهالسالفة واخاف يعصب علينا ويطلعنا من الموضوع ..
فتون : معلييييييه خليه يعصب علينا ويسبنا ويقول الي يقول المهم اننا اتحركنا وسوينا شي لاخونا ..
عبير : والله يستاهل بعد عمري لو اطلع عيوني واعطيه مو بس نحاكي ابوي ..
فتون : خلاااااااص أجل .. بكرا تعالي بيت أهلي وخلينا نكلمه ..
عبير : تم .. بس امي مانبي ندخلها !
فتون : ايييه مو مدخليييييينها بعد هي فيها الي كافيها ..
عبير : ياعمري ياميمتي ..
فتون : يالله عبورة شكلي غلط وانا بعيدة واسولف ساعه بالجوال ..
عبير : يالله حياتي وسلميلي على الي عندك كلهم ..
فتون : يوووووووووصل ان شاء الله باااي ..
عبير : بايات .. (( وسكرت منها …

فركت عبير وجهها بضيق وسرحت تفكر بأزمة اخوها الي مو مهنيته لا بليله ولا نهاره والي بالتالي مأثرة عليهم أهم خواته وضايقة صدروهم عليه .. حست ان كلام فتون صحيح .. لازم يتدخلون ويسوون شي .. أي شي .. يسعدون فيه أخوهم .. ماحاولت تفكر بردة فعل أبوها ولا بالكلام الي بيقولونه له .. لو بتفكر بتشيـــــــل هم وخلي الوضع يمشي بطبيعته والي يصير يصير .. اهي عزمت وقررت ومستحيل تتراجع !
ياعساها اهي واختها تحنن قلب أبوها .. على سندها وعزها وروحها ( أخوها )

طالعت باب الحمام يوم سمعت صوت الموية وقف .. ماتبي تظهر أي ضيقة قدام تركي خصوصا واهو مو داري عن أي شي ..
لاهي عادتها ولاهو من طبعها تخبي شي عن زوجها وحبيبها .. بس الوضع يصل لقمة الصعوبة وقت الي تكون الأزمة لأخوها الي ماخذ منال .. أخت تركي !
حست ان تركي صعب يتقبل الموضوع او يلقى له أي رضى بخاطره لأن صاحب الهم زوج أخته الي لو كان غيره يمكن يحن ويتفاعل ..

بس شعور الأخوة شعور مختلف ! شعور يخلي أخطاء الأخت أو الأخ تختفي .. ويظل حلم الخاطر بسعادتهم .. والحقد على أي شخص يسبب لهم التعاسة أو الحزن !!

كان هذا شعور عبير ناحية سعود
وكان هذا شعور تركي ناحية منال !

لذلك لزمت عبير الصمت ودفنت السر بأعمق أعماقها راسمة ابتسامة ناعمة لتركي أول ماطلع ..

مشى ناحيتها واهو مبادلها أحلى ابتسامة وقال : تبين نطلع الحين !؟
عبير : على راحتك حبيبي انت مو جوعان !؟
تركي : يعني .. بس انتي مافطرتي زين وأكيد جوعانة ..
عبير واهي تهز راسها : تقدر تقول ..
تركي : وليه ماتقولينها صريحة انتي لمتى بتظلين تكتمين الي بخاطرك دايم ؟؟
عبير : هههههههه لا والله مو قصدي بس قلت يمكن انت تبي نطلع بالليل ..
تركي : الطلعة لك وعشانك وانتي تختارين الوقت الي يريحك ..
عبير بابتسامة تسحر : يابعد قلبي .. اوكِ يالله ..

تركي : يالله (( ومشى لدولابه واهو يقول : كلمتي سعود !؟
عبير : اهو دق ياعمري عليه ..
تركي ووجهه بالدولاب مو شايفها : شلونه ان شاء الله اموره تمام ..!؟
ضاعت عيون عبير بالفراغ وقالت : ..….......... الحمدلله !

لبس تركي واهو يغني بروقان ويوم خلص التفت وشافها سرحانة بمكانها..
تركي : ياللي معايا ومش معايا ..
عبير انتبهت : ههههه معاك معاك ..
تركي : وين وصلتي !؟
عبير تفتعل الضحكة : للمطعم وخذيت المنيو واتخيرت الطلب ..
تركي بضحكة: كان أكلتي مره وحده ورجعتي ..
عبير بدلع : ماقدرت لانك ماكنت معاي !
تركي : ايييييه بس عشان أدفع عنك ..
عبير : ههههههههههههههه كذا فهمتها .. (( وقامت ولبست عبايتها وطلعوا

فتح تركي باب الشارع الا شاف سيارة واقفة عند باب البيت ونزلت منها وحده لوهلة حسب تركي انها غلطانة بالبيت !!!
كان شكلها مايمت لأهل البيت بأي صلة لا بعبايتها الملونة والمفتحة من كل مكان ! ولا شعرها الي نصه طالع من تحت الطرحة .. ولا المكياج الكامل الي مملي وجهها ! ولا ريحة عطرها الي عبت المكان !!

مشت بمياعة للبيت وقالت : مرحبااا ..
تركي بطرف عينه : هلا ..
البنت : انت تركي مووو !؟

عبير سكرت الباب واتفاجأت بهالبنت ولاشعوريا اشمئزت منها وطالعتها بتكشيرة !
تركي : ايه .. من حضرتك !؟
البنت : أنا مها .. صديقة نوال ..
ابتسمت عبير بسخرية واهي تطالها .. صدق من قال الطيور على أشكالها تقع !
فتح تركي باب البيت بالمفتاح وقال بدون مايلتفت : اتفضلي ..
ودف الباب ولف من الجهة الثانية وأبعد واهو يسمعها تشكره بدلع لكنه أسرع خطواته مبعد بدون رد ..

طالعت فيه مها لين ركب السيارة وركبت عبير جمبه ورفعت حاجبها واهي تقول : عشتوا !
دخلت وسكرت الباب ومشت داخل البيت بثقة ولقت باب الصالة مفتوح .. دفته ودخلت وكانت نوال نازلة الدرج وشافتها وقالت : اهليييييين مين فتح لك !؟
مها : عاشق الغبرا .. ولد رجلك !
نوال : ويييييه كان طالع !؟
مها : ايه مع ست الحسن .. يارض احفظي ما عليك ..
نوال : وطبعا لا سلّمت ولا اتكلّمت ..!
مها : أبـــــد .. !
نوال وإهي تسلم عليها : ايه هذا هم رافعين روسهم مدري على اييييش ..
مها : والله مالومها تشوف نفسها دام هالمزيون زوجها ..
نوال واهي تغمز لها : حطيتي عينك عليه !؟
مها : لا يبيلي مره ثانية وثالثة عشان أحكم عليه ..

قعدوا بالصالة ونوال تقول : لا تحاولين حبيبتي هذا مايشوف غير زوجته ومجنون بهواها ..
مها : عادي احنا نطيح الصقور من العالي هههههههههههههههههه ..
نوال : كان طيحت سعود أنا الي مت وحييت ما عطاني وجه ..
مها : قايلة لك على حسب كلامك عنه حسيت انه مو من النوع الي يوقع بسهولة .. بس انتي عنيدة وماتفهمين ..
نوال : أنا حبيته .. عشتقه .. ماعااااد عيني تشوف اي عقوبات توصلني لقلبه ..
مها : رجع من مصر !؟
نوال بتنهيدة حالمة : ايه .. وانتظر اللحظة الي يجينا البيت وأشوفه ..
مها : تتوقعين يجي ويقعد واهو داري عنك !؟
نوال : طبعا بيجي هذا بيت عمه وغير انه لازم يجيب منالوه لاخوانها .. وسعود طبعه غامض وهادي و مستحيل يفضحنا ولا يظهر اي شي قدام عمه ..
مها : بس اذا حس انك زودتيها ولا اتجاوب معاك وانجذب لك يمكن يفضح !؟
نوال : يوه لاتقولين .. امس دخل فهد فجأة الغرفة وانا أكلم سماهر عنه وعلى طول سكرت .. !
شهقت مها وقالت : يووه لايكون سمع !
نوال : لا ماسمع بس انا خوفتني نظرته واهو يطالع بالجوال اول ماسكرته .. حس اني سكرته بسرعه لما دخل ..
مها : انتبهي ياشيخة لايشك فيك وتنفضحين ..
نوال بدهاء : وقتها باقلب كل شي عليه !!
مها : ههههههههههه قوليلي شلون خليني أتعلم منك والله انتي تعلمين بلد ..
نوال بغرور : ههههههههه لا حبيبتي انتي صديقتي ايه بس أعلمك بكل شي أخططه لااا !
مها : شدعوة عاد بافضحك ولا بعلّم عليك ..
نوال : امممممم مايندرى .. انا ماثق بأحد ولا حتى فيك هههههههههههههه ..

(( فديت هالصداقة نوالوه !! ))

******

!! نظرة سريعة على الأحداث !!

وين ماكانت الأحزان تلاقي طريقها لقلوب المعذبين بهالدنيا .. إلا انها اتمرّدت وبعنفوان داخل بيت كان مضرب المثل بالسعادة والحب والوئام !

مثل ماتوقعت عبيـر كانت المواجهة بينهم وبين أبوها صعبـة وحامية !!
دخلت عليه إهي وفتون بلحظة صفاء مسروقة من الزمن .. اتودودوا له بالحكي لكن أبو سعود حس انه وراهم شي وطلب منهم الافصاح .. عبروا له عن مدى تأثرهم بحال أخوهم وطلبوه يعيد النظر بالموضوع .. ومثل ماتوقعوا سمعهم كم كلمة ضايقتهم بس اتحملوا عشان خاطر أخوهم وقالهم ان هالأمر يهز كيان العائلة الشي الي ماقدرت عبير ولا فتون يستوعبون صعوبته الكبيرة الي حاول أبو سعود يصوّرها ..
وطلعوا يلمون شتات الأمل المتبعثرة بكيانهم ..
يبنون بخواطرهم حلم وأمل جديد .. عسى يبرق بأي يوم ولو كان بعيد!

الوضع بين سعود ومنال …..........…..........
سعود كتم سرها بأعماقه واتعامل معها بلطف متناسي الي مسويته .. ياعساها تتغير مع الوقت وتحس على نفسها بدون مايضطر يفصح لها عن معرفته الشي الي مؤكد بيبني حاجز بينهم صعب اختراقه !!
وبكل لحظة يشعر بالتقارب بينهم يلاقيه وهْم مسرع يتلاشى ..خصوصا مع علاقتها السيئة مع أهله حيث ان أم سعود ماعادت تتقبل حركاتها مثل قبل .. ولا حتى منال صارت تراعي أحد واهي نارة الغيرة تكويها بسبب لهفة الكل على مرام وحملها !

صارت تشعر بالعداء ناحية مرام لأنها تحس أصابع الاتهام موجهة عليها مع عدم وجودها !! لكن إحساسها بالذنب يخليها تحس الكل متهمها وينظر لها بلوم !
وهالشي مازادها الا تمسك بفعلتها لانها تحس حياتها على وشك الانهيار !

الوضع بين سعود ونوال …..........…..........
نوال الي وصلت لأعلــى مراحل الصعــود إلى الأسفل !
سعود نهائيا ماكان يرد على اتصالاتها الي كانت تتصل بها أوقات من جوالات غريبة .. وشعوره بالبغض والحقد عليها يكبر بداخله .. حيث انها وصلت لقمة الدنائة حتى بزياراته لعمه تحرجه بنظراتها وابتساماتها .. !
وبلحظة هددها سعود انه يخبّر أبو تركي عنها ويدمّر حياتها ويحطمها .. لكن نوال الي كانت متوقعة شي من هالقبيل خبرته وبكل استهتار .. ان محد بيتضرر من هالحركة غيره أهو !
كره سعود كل شي يتعلق فيها كره حتى حروف اسمها .. واتردد باخبار عمه مو لأنه خايف نوال تقلب كل شي عليه .. لا لأنه يخجل من مصارحة عمه بهالموضوع الدنيئء عن زوجته وبنفس الوقت مايرضى على عمه يعيش مع أوطى البشر وأوضعهم !

الوضع بين سعود ووعد .….....…..........
افهموا انتوا من هالمقطع …..........…..........

.
.
.

طلعت وعد من بوابة المستشفى برفقة شهد وركبوا السيارة وانطلقت شهد بالسيارة واهي تقول : عجيبة هالدكتورة تقول ولد بس مهي متأكدة اجل مين الي يأكد لنا !؟
وعد واهي ترجع مرتبة المقعد على ورى : والله ياشهد انا مو فارق معايا ولد أو بنت المهم يجي سليم ومتعافي ..
شهد : ان شاء الله يارب .. حاتقولي لزوجك !؟
وعد بسخرية : لو كنا مع بعض كنا رحنا فحصنا مع بعض وفرحنا مع بعض .. اما بحياتنا الي نعيشها احنا فقدت هذي الامور قيمتها وطعمها ..
شهد : ياشيخة عيشي وانبسطي ولا تزعلي نفسك شوفي بتكلميه ويكلمك وتقدروا تحكوا بعض عن كل شي يصير بحياتكم ..
وعد : وبرايك عادي تستمر حياتنا كذا طول عمرنا !؟
شهد : ماتدري اش راح يصير ياوعد بكرا جايك الولد يمكن هذا الشي يحنن قلب أهل سعود ويصير يبغوا يشوفوا الحفيد يمكن يحسوا وقتها ان الولد لازم يكون قريب من ابوه ماتدري اش ممكن يتغير ..
وعد : ياقلبي اتوقعت هالشي لما حملت لكن أشوف الحال صار أسوأ !! وين سعود من سافر عني !؟ اتوقعت حملي يجيبه عندي أكثر لكن للأسف حتى اتصالاته قلت وأحسه متغير وهموم الدنيا كلها على راسه !
سعود : ماتدري عن ظروفه ياعمري يمكن خبّر أهله عن حملك وصارت مشاكل مع زوجته الثانية ..
وعد بمرارة : بس ياشهد لاتقلبي عليا المواجع ..
شهد : هو ماقالك شي !؟
وعد : لا ..
شهد : ولا انتي سألتيه ..!؟
وعد : اذا اتصلت مرررره مـا يرد .. ويرجع يتصل بعد بيومين ثلاثه !! واذا سألته شالي مغيره ومضايقه يسكت ويقول خليها على ربك وأساسا مايطوّل معايا .. ! أحس مزاجه ضارب ألف مافي يحكي ولا كلمتين على بعض ..
شهد : ياربي .. اعذريه ياوعد ماتدري اش يعاني منه ..
وعد والعبرة خانقتها : أبغاه يشتكي لي .. يجيني ويرمي همومه عليا .. انا والله ماعشت فرحة الحمل بغيابه بالعكس أحسها زادته هم وزادتنا بعااااد !
شهد : بيجيك حبيبتي لا يضيق صدرك .. يالله ياوعد واجهتي مع سعود أشياء أمر وأصعب وصبرتي ..
وعد بتنهيدة : باصبر وحانتظر .. مكتوب عليا بهالدنيا أعيش أحلامي حقيقة .. وأحول أوهامي واقع !

وصلت بيتها ونزلت وماسكرت الباب الا والكآبة تكبت على أنفاسها ..

مرت ثـلاث شهــور .. من راح سعود عنها فقدت وجوده بكل الأحوال ..
مو كافي بُعده عنها .. صار حتى اتصاله وكلامه متغير.. حتى نبرة صوته مهي الي متعودة عليها .. حست وبدون مايقولها شي انه يعاني وحالته متدهورة للأسوأ
ولهت عليه وياكثر ماذبحها الوله والشوق .. خصوصا هاللحظة الي اتمنت يكون معاها يشاركها فرحتها يشاركها حزنها .. يعيش معها تطورات حملها يحس بمعاناتها ..
يرمي همومه عليها تحتويها وتحتويه .. وتمحيها .. ومن حنان الهوى ترويه ..
كتب عليها الزمن ترسم خياله بذكرها .. يبكيها .. وتبكيه !

(*)
أروع مـ ع ـاني الحُـب
وقت الي يوصل احساس الـ ح ـبيب .. لعـ م ـق أعـ م ـاق المُحب !
يحس فيهـ .. يحتويهـ .. وبصدق الشعور يعطيهـ ..
بفرحته يهنيهـ .. وبحزنه يبكيهـ ..
وبوحدته يسليهـ .. وعن الناس يغنيـهـ !
لأنه مو بس يحبه ..….................
لأنه يـ م ـوت .. يـ م ـوت .. يـ م ـوت .. فيهـ !
(*)

حرقتها لهفتها هاللحظة .. تبي تكلمه وتحكيه .. عمر الأمل ماخبا بخاطرها مع كل الظروف القاسية الي عانتها ..
اخذت جوالها واهي تحاول تنفض من بالها شبح الفراق الي يحاول يرتسم ..
لا سعود مراح يتركني مره ثانية .. اهو يحبني وبيحارب الكل عشاني .. اهو بيجي عشاني وعشان ولده .. احنا جزء من حياته مستحيل يستغنى عنا ..

مسحت دموعها بطرف كمها وأخذت جوالها ودقت عليه .. رنين متواصل بلا رد !
قعدت وسندت راسها على الكنب وعاودت الاتصال ثاني ........... بلا رد ..
اتنهدت واهي تحسب الوقت ..
توه نهار .. المفروض بالدوام !! ليه ماترد علي يا روح وعد ياعذاب وعد !
عاودت الاتصال للمره الثالثة ...........................................

‘‘ داخل قاعة الاجتماع في شركة الغفيل ‘‘

انتبه سعود لجواله واهو ينوّر للمره الثالثة برقم وعد .. شي بخاطره خلاه يفقد صبره !
وقف وطالعوا فيه الموظفين باستغراب .. استأذن منهم دقايق .. وطلع !

لحق على آخر رنة ورد عليها بصوت رخيم : .......... هلا وعدي ..
وعد : سعوووود ! حبيبي كيفك !؟
سعود : الحمدلله .. انتي شلونك ياقلبي ..
وعد : مشتااااااااقة لك سعوووووود وينك عني !؟ ليه ماتكلمني حبيبي انت شصاير لك!؟
سعود : وانا بعد مشتاقلك موت حبيبتي .. طمنيني عنك وعن حملك !؟
وعد واهي تكابد دموعها : تمام الحمدلله ..
سعود حس بدموعها وعوّرت قلبه وقال: راجعتي الدكتورة !؟
وعد : ايوة ..
سعود : ها ان شاء الله كل شي تمام !؟
وعد : الحمدلله .. انت ياسعود أخبارك .. قولي شالي مضايقك !؟
سعود : حبيبتي انا باجتماع الحين طلعت عشان أكلمك .. مضطر أرجع .. وان شاء الله أكلمك بعدين ..
وعد برجاء : سعود لا تخليني لحالي .. لا تتركني !
لو صخر كان تفتت من نبرة الرجاء والدموع الي بصوتها .. فكيف قلب سعود الهايم بهواها والملتاااع كثر شوقه لها ..
غمض عينه واتنهد تنهيـــــــدة من خاطر قلب محترق وقال : ياوعد انتي حياتي .. كيف أضيّع حياتي من ايديني !؟ امسحي دموعك ياروح سعود ولاتبكين ..
وعد : دموعي ما تختفي الا اذا صرت معاك ..
سعود : حبيبتي .. لا تيأسين ..
وعد : انا مراح أيأس .. المهم انت الي ماتيأس .. !
سعود ماكان يائس وبنفس الوقت ماكان آمل .. وماحب يحطم قلبها أكثر وقال : أملنا بالله كبير ياوعد .. يالله حياتي أكلمك بعدين ..
وعد : ..........................
سعود اتألم لصمتها .. وبمرارة قال : فمان الله .. (( وسكر منها ومسك جواله بقوة .. ضااااقت فيه الوسيعة .. وصوت دموعها ورجاها يتردد صداه بكيانه ويكوي روحه وقلبه .. !
لو دنياه تمشي على كيفه كان بهاللحظة راح لها .. مسح دموعها بكفوفه وهدا خاطرها وريحها .. !

اتنهد واهو يدور راجع للاجتماع .. اتقفلت نفسيته ماعاد فيه يحضر شي ويقول شي ..
دخل و وقف عند الباب وطالع بعيون الموظفين الي تنتظر قدومه ..

وقال بصوت بالقوة يطلع : اتفضلوا على مكاتبكم .. يتأجل الاجتماع لوقت ثاني !

وطلع ماشي واهو يهد الأرض بثقل الهموم الي على صدره ..
ركب سيارته ورجع بيته ..

دخل البيت وقبل مايوصل جناحه دق جواله ولانشغال باله رد عليه بدون مايطالع الرقم ..
سعود : نعم .. !
: هلا حبيبي ..
عرف سعود الصوت وولّع من القهر وهمس بعصبية : حبتك القرادة ان شاء الله انتي ماتقوليلي متى تصحين على نفسك وتستوعبين الجُرم الي قاعدة تسوينه !!
نوال : حبك خدّر حواسي .. ماعاد أصحى منه لين تشفي ولعي وتجيني ..
سعود بقهر : الله يصيبك بخدر صدقي ماتصحين منه طول عمرك .. (( وسكر الجوال وقفله بعصبية ..
بنفس الوقت الي قفلت نوال الجوال يوم سمعت صوت خطوات أبو تركي !!

مشى سعود وفتح باب الجناح ودخل لقى منال تسكر التلفون بعصبية .. ولابسة ومتمكيجة تأهب للخروج !
سلم وملامحه مبين شكثر متضايقة ومتهجمة ..
شافته منال وقالت : اهلين .. جاي بدري !
سعود : ايه .. (( وطالعها واهي متزينة وحاول يخفي انفعاله وقال : شفيك متضايقة !؟
منال : هذا السواق الكريه .. مايبي يتحرك الا بأوامر خالتي ماكأني وحده من البيت ..
سعود : وانتي على وين !؟
منال : رايحة لخالتي .. ماكنت أدري انك بتجي الحين ..
سعود : بس ماقلتيلي انك بتروحين ..
منال : شدعوة سعود هذي خالتي بمثابة أمي وبعدين كلها ساعة وأرد ..

رمى سعود الجوال على الكنب وانتبهت منال للجوال طافي .. استغربت واهي سمعت رنينه قبل مايدخل .. وقالت : ليه مقفل جوالك !؟
سعود وأهو يطلع ملابسه : منزعج ومالي خلق أكلم أحد ..
منال : انت كلّه مالك خلق !؟
سعود بتنهيدة : منال مابي أحط حرتي فيك .. تكفين خليني بحالي ..
منال : وليه هالحرّة أساسا .. كانك تتخانق ويّا أحد برا البيت مو تجيني مكشر ومتضايق ومافيك تحكي معاي !
سعود : شدعوة انتي قاعدة تتحرين جيتي وتبين تسولفين معاي !؟ ماكنك مستعدة لطلعتك وبتروحين لها حتى يوم شفتيني رجعت ..
منال : والله انت بتحط راسك وتنام كالعادة .. شيقعدني أقابلك وانت نايم !؟
سعود واهو يفتح باب الحمام : بدل هالموّال الي قاعدة تقولينه وتسوين منها زوجة مثالية هي كلمة وحدة كان المفروض تقولينها وماقلتيها .. أنا أول شي قلته لك هالكلمة ..
ودخل الحمام وسكره وإهي ثارت أعصابها وصرخت : شتبيني أقولك !؟ شفيك متضايق وليه زعلان !؟ ماكني تعودتك على جوابك .. مافيني شي ولاتشيلين هم ... !

أخذت عبايتها ومشت بدون ماتسمع رده هذا ان كان عبرها ورد عليها ..

طلعت من جناحها ومشت لصالة البيت .. لقت أم سعود قاعدة ومرام عندها ..
وقفت عند الباب وقالت باتسامة مزيفة : أهلين .. شلونك مرام ..
وقفت مرام واهي تقول : الحمدلله انتي شلونك !؟
كانت متوقعة ان منال بتمشي تسلم عليها لكن منال تجاهلتها وقالت : خالتي ابي اطلع مع السواق وحضرته يبي أمر منك .. ممكن تقولين له يوديني !؟
ام سعود : ايه انا قايلة له مايتحرك الا اذا قلتله .. مب كل مره اطلع ابيه ألقاه مختفي وتكون مشاويري ضرورية ..
منال : زين قوليله لو سمحتي أبي أطلع الحين ..
ودارت عنهم لداخل ..

قعدت مرام واهي تقول : هههههههههههههههههههههههه طنشتي ههههههههه ماتفشلت لالالا ماتفشلت .. عادي اوقف وماتسلم عااااااادي مافيها شي ماطاح وجهي..

ام سعود واهي تهز راسها : شر البليّة مايضحك .. !
مرام : ههههههههه من جد ! وبعدين شفيها معصبة عليك !؟
ام سعود : ياأخلي السواق يمشي بكيفها وقت ماتبي حتى على حساب مشاوير البيت وحاجاته يا تعصب وتزعل .. !
مرام : مالت عليها بعدين اهي وين رايحة الحين ؟ مو سعود توه داخل !؟
خالد : ايييييييه تحسبين كل البنات مثلك ياحبيبتي .. هذي الي براسها بتسويه ماعليها لا من سعود ولا غيره ..
مرام : ياربي .. ليتني مكانها بهالجناح والله أمنيتي لو أسكن عندك خالتي واسهر معاك وافطر معاك وأترك اللزقة الي عندي ..
أم سعود : ههههههههه يافديتك انتي وهاللزقة شوفتي لسعادتكم هذي أكبر سعادة عندي ..…...........
.
.
.