طبعا بمناسبة نجاح ندى الكل جلس يباركلها من الأهل والجيران
وأهل ندى لازم بالصيف يسافرو وكانو مقررين يروحو لبنان وفهد كان مرة يحب السفر وبالسنة يسافر مليون مرة وكان ناوي يسافر بالصيف على مصر وندى كانت تضايق من سفر فهد بس ماكانت تقوله لأنها كانت تحب تشوف فهد مبسوط
صح ان ندى وفهد علاقتهم قوية مع بعض بس بعمره فهد مافتح سيرة الزواج مع ندى
وبيوم من الأيام اتصل فهد يكلم ندى
ندى:تصدق ماودي أسافر لأن مااتخيل نفسي يمر يوم علي وما اسمع صوتك
فهد:خلاص سافري معي
ندى:ياااااريت بس ممكن أجن لو سافرت معاك لأن أكيد بشوفك قدامي علطول ومارح أصدق نفسي
فهد:كمان بتجني أكثر ماانتي مجنونة
ندى:والله ياحبيبي أنا مجنونة فيك ليكون عندك مانع؟
فهد:لا يادبة ماعندي مانع جني براحتك (وجلسو يضحكو وندى لو ضحكت خلاص ماتقدر تسكت)
فهد:لو تشوفي اليوم ايش صار معي
ندى:يلا خبرني ايش صار؟
فهد:أمي تبي تفرح فيني وتزوجني ولقت وحدة من العيله وخلتني أكلمها
(طبعا ندى بس سمعت هالكلام بلعت ريقها وسكتت شوي بس ماحسست فهد بشي وهي تبي فهد ملكها لوحدها)
ندى:(سوت نفسها متحمسة) طيب وايش صار لما كلمتها؟
فهد:سألتني اذا اعرف بنات وعندي من هالحركات وأنا جاوبتها بكل صراحة اني اعرف مليون بنت فانزعجت مني وقالتلي مع السلام(وجلس يضحك)
ندى:والله ياحبيبي انك مجنون يعني معقول تقول لوحدة بتتزوجها هالكلام
فهد:والله براحتها انا حبيت أكون صريح
(ندى أبدا ماتحب تبين لفهد بشي مع انها زعلت عشان حست انها ابدا مو فبال فهد وإنه مايبيها زوجته)
فهد:ماقلتيلي حبيبي جهزتي اغراض السفر؟
ندى:ايه وسكرت الشنطة كمان
فهد:احسن مني انا لسا ماجهزت شي
ندى:ايش رايك اجهزلك أنا الشنطها ورتبها لك؟
فهد:لا حبيبي ماأبي اتعبك معي أنا ارتبها بس انتي اجلسي معي
ندى:ياحبيبي لو بيدي اجلس معك العمر كله
ودايما كان فهد اذا يبي يصحى من نومه عشان شغله أو أي شي كان يخلي ندى تصحيه عشان يسمع صوتها لما يصحى
وبيوم من الأيام كانو صديقات ندى عندها في البنت وبنفس الوقت كان فهد متضايق وطفشان فراح اتصل على ندى وهو جالس يكلمها
ندى:حبيبي ايش فيك ليش زعلان؟
فهد:مافي شي بس طفشااااان
ندى:ليت هالطفش فيني ولافيك (صديقات ندى كانو يضحكو مع بعض بصوت عالي ويستهبلو فاتضايق فهد بزيادة وراح سكر الخط بوجه ندى المسكينة حسبت انفصل الخط بالغلط ورجعت اتصلت على فهد)
ندى:فهودي آسفة شكله فصل بالغلط
فهد:لا مو بالغلط بس يخلص هالإستهبال اللي عندك كلميني(قالها بعصبية وسكر ندى زعلت من حركت فهد ودمعت عينها مافي دقايق الا رجع اتصل عليها فهد وردت عليه بزعل)
فهد:حبيبي زعلتي مني عشان كلمتك بهالطريقة؟
ندى:ايش رايك انت؟
فهد:حبيبي آسف والله مو قصدي متضايق كثير اتحمليني أنا حبيبك وخليكي جنبي(وندى مرة طيبة علطول سامحته)
ندى:خلص حبيبي اعتبر ماصار شي ولو ماتحملتك أنا مين بيتحملك
فهد:حبيبتي انتي وروح قلبي يلا انا بسكر عشان صديقاتك وانبسطي قد ماتقدري
ندى:طيب حبيبي دير بالك على نفسك أحبك
فهد:امووووووووت فيكي
طبعا بعد ماراحو البنات اتصلت ندى على فهد عشان تطمن وكان الوضع تمام
(ندى وفهد كان سفرهم مع بعض يوم الخميس بس ندى بتسافر بالسيارة وفهد بالطيارة)
وقبل السفر بيوم صارت الحرب بلبنان(حرب تموز) وطبعا أهل ندى كنسلو السفر على لبنان
فهد:وأخيرا بكرا بسافر والله طفشان
ندى:نحنا كنسلنا السفر والله قهر
فهد:الله يعينك ياقلبي يلا انشاء الله خير
وسافر فهد وطبعا ندى بتجن حبيب قلبها سافر وسفرها تكنسل بس فهد كان عاطي ندى رقمه بمصر فقررت تتصل واتصلت ردت عليها بنت علطول ندى سكرت وحسبت انها غلطانة ورجعت اتصلت ونفس الشي ردت البنت بعدين ندى سكرت واستغربت مين هالبنت اللي ترد عليها!
شوي وتجيها رسالة من رقم غريب<حبيبي هذا رقمي بمصر والرقم اللي عطيتك اياه صار مع أختي ،وحشتيني موووووووت>
طبعا ندى انبسطت وارسلتله مسج<الله يسامحك ياحبيبي احرجتني مع أختك وخليتني اسكر بوجهها عالعموم الحمد لله على سلامتك وانتبه على نفسك وعيونك لاتروح يمين وشمال>
وقررو اهل ندى بعد أسبوع يروحو سوريا وطبعا ندى خبرت فهد
وقبل لاتسافر ندى بساعة كلمت فهد
فهد:خلاص حبيبي بتسافرو؟
ندى:ايه ياروحي كمان ساعة وبنمشي
فهد:طيب بس توصلي ارسليلي مسج طمنيني
ندى:اوكيه حبيبي أنا بسكر الحين
وسافرت ندى وأول ماوصلت طمنت فهد بمسج وكل يوم ترسل مسج لفهد وتخبره انه واحشها موووووووت وانها تحبه وتموت فيه ومن سوء حظها صار مشكلة بجوالها وماعاد يمشي بسوريا طبعا جنت لأنها مارح تقدر تتراسل مع فهد وفهد يتصل على ندى بس طبعا جوالها مقفول وخاف عليها
وخلصت اجازة ندى ورجعوا وطبعا مبسوطة عشان رح تقدر تكلم حبيب القلب وبس وصلو حدود السعودية ارسلت مسج لفهد وطبعا المسج كان مليان حب وشوق وغرام وعلطول فهد رد عليها بمسج وارسلها<وينك حبيبي خوفتيني عليكي ولي فترة اتصل وجوالك مسكر،مشتاقلك قد البحر اللي قدامي وقد هالدنيا كلها وأسبوع وراجعلك ياقلبي>
ووصلت ندى الرياض وبعد اسبوع بالفعل رجع فهد وكانت ندى جايبة لفهد هدية من سوريا كانت عبارة عن تعليقة مفاتيح مكتوب عليها فهد بالعربي والإنجليزي وغلفتها بمحل هدايا في برج المملكه ورشت عليها عطر ريحته تجنن وعطتها لفهد
فهد:شكرا ياحبيبي عالهدية ذوقك حلو وريحتها تجنن الله يخليكي لي
ندى:ويخليك لي ياحبيبي
(ماجد أخو فهد كان ناوي يخطب بنت يحبها في الطائف وسافرو على الطائف عشان يطلبوها وتممو كل شي وبعدين رجعو أهله على الرياض وفهد راح كم يوم على جدة واتصل على ندى بس كانت مشغولة وماردت بعدين رجع اتصل وردت
فهد:وينك ماتردي اغلط عليكي يعني يادبة (كان يقولها بمزح)
ندى:اغلط ياروح روحي والله على قلبي أحلى من العسل
فهد:آآآآخ من حبك اللي رح يجنني
ندى:ايش صار مع أخوك خلص خطب؟
فهد:ايه الحمد لله
ندى:يلا ألف مبروك ياعمري عقبال عندك يارب
فهد:وعندك يارب
وسجلت ندى بالجامعة تخصص كمبيوتر وداومت وكان الوضع ماشي بس ندى ماكانت مرتاحة بالجامعة وحست تخصصها صعب شوي
فهد:أنا بكرا رايح مصر
ندى:الحين جاي تقولي ليش ماخبرتني من قبل
فهد:اليوم قررت أسافر عشان عندي شغل
ندى:اوكيه تروح وترجع بالسلامة(ندى اتضايقت من حركة فهد بس ماقالتله)
فهد:اوكيه انا بسكر الحين لأن بجلس شوي مع اصحابي
ندى:طيب حبيبي بس تخلص كلمني
فهد:طيب مع السلامة
وقبل لا تنام ندى خلت جوالها على الصوت العالي عشان تصحى بس يتصل فهد وكل شوي تقوم من نومها وتشوف جوالها بس تتطحم وتلاقي مافي اتصال من فهد وسافر فهد ولا كلمها وكل يوم تتصل وتلاقي جواله مسكر طبعا زعلت وحست نفسها ولاشي بحياة فهد
وبعد اسبوعين كانت نايمة وجتها رسالة ولقتها من فهد وكان كاتب<حبيبي وحشتيني انا لسا واصل من السفر طمنيني عنك>
راحت ندى ردت عليه بمسج<ياظالم أسبوعين تخليني ماأسمع صوتك>
رد فهد<حبيبي جوالي ضاع بمصر>
وندى سامحته لأن أهم شي عند ندى انه فهد رجعلها بالسلامة
وجا رمضان وخلص وأول يوم العيد اتصل فهد يعايد ندى بس كان يتكلم مع ندى بأسلوب غريب
ندى:فهد انت ليش متغير علي صار لك كم يوم؟
فهد:(أول ماقالت ندى هالكلمة عصب بشكل مو طبيعي)
فهد:كيف يعني متغير يعني تبيني ألحنلك الكلام وأغنيلك
ندى:حبيبي آسفة والله مو قصدي لاتزعل مني
فهد:خلاص أنا بسكر الحين باي
طبعا ندى زعلت وقررت ماتتصل ولاتعبر فهد
وثاني يوم اتصل فهد على ندى ردت بدون نفس عليه
فهد:هلا حبيب قلبي كيفك؟
ندى:اهلين
فهد:حبيبي أنا والله ماني متغير عليكي ومافيني شي ليش حسيتي بهالشي؟
ندى:طيب وماشفت نفسك كيف عصبت علي لما قلتلك انك متغير وكمان من حقي اصارحك باللي احسه ولا تبيني اخبي عليك يعني
فهد:معاك حق ياحبيبي انا آسف ماتزعلي من حبيبك واسمعي اهديك هالغنية
وأهداها اغنية فضل شاكر (امبارح بالليل) وندى انسجمت مع الغنية وطبعا كالعادة سامحت فهد وجلسو يتكلمو وطبعا لاتخلو المكالمة من كلمات العشق والغرام
(فهد كان يغار على ندى بشكل غير طبيعي واذا اتصل ولقا خطها انتظار يسوي فيها المحقق كونان وندى ماتزعل منه كانت تحب غيرته وياويل ويلها لو ردت على رقم غريب ماتعرفه ولو طلعت اي مكان لازم ترسل لفهد انها طالعة ولو ما ارسلت يزعل منها وفهد لما كان يقابل ندى بمكان عام كان احيانا يجي معاه صاحبه وطبعا صاحبه عرف شكل ندى)
وبيوم من الأيام راحت ندى مع امها وابوها على الفيصلية واتفقت ندى مع صديقاتها تشوفهم هناك وراحت ندى واهلها كانو يبو يروحو عند ناس يعزوهم بوفاة جدهم بس خلو ندى بالفيصلية مع صديقاتها وبنفس اليوم فهد كان مع اصحابه باستراحة وكان مشغول عن حبيبة قلبه وندى قالت خلاص مو ضروري ارسله اني بجلس لوحدي بالفيصلية بس نتكلم اخبره) وثاني يوم اتصل فهد عليها
ندى:الو
فهد:ليش ياحبيبي مارديتي وقت ما اتصلت عليكي وحتى ماشفتك سألتي عني
ندى:متى اتصلت ماجاني اي شي منكم؟؟
فهد:الا اتصلت ومارديتي
ندى:ممكن حبيبي الشبكة فيها شي وماحبيت اتصل عليك قلت خليك مبسوط مع اصحابك مو لازم كل يوم تشوف ازعاج حبيبتك يعني حبيت اريحك يوم مني
فهد:(قطع كلامها وصار يغنيلها اغنية راشد الماجد الله لايجيب الزعل بينك وبيني وفهد صوته كان يجنن وطبعا ندى راحت فيها من الصوت)
ندى:شكرا ياحبيبي عالغنية وربي لا يحرمني من هالصوت الحلو
فهد:ماقلتيلي كيف كانت الفيصلية امس انبسطتي؟؟
ندى:ايه غيرت شوية جو بس اهلي راحو قبلي عشان العزا وانا جاني اخوي من بعد ماراحو اهلي بساعة تقريبا
(وسمع اللي اسمه فهد هالكلام وعاللي سواه بندى وعالكلام اللي سمعته)
ندى:فهودي ياحبيبي انا ما حبيت اتصل وازعجك وانت مع اصحابك في الاستراحة ومافيها شي لو جلست شوي لوحدي لش انت مو واثق فيني؟؟
فهد:طيب متتصلي ارسلي مسج انك بتجلسي ولا كمان ماتقدري وانا واثق فيكي بس مو واثق بالناس
ندى:خلاص حبيبي آسفة مارح اعيدها وثاني مرة بروح وبرجع ما اهلي بس لاتزعل مني
(فهد كان لما يزعل من ندى يجلس بالاسبوعين مايكلمها ولا يرد عليها وكان عارف انو هالشي نقطة ضعفها)
فهد:لاتزعلي لو اتصلتي ومارديت عليكي حتى لو جلست سنة ما اكلمك اظن حقي لانك ماتسمعي كلامي وتحبي تعانديني(وماترك مجال لندى لترد لانه قالها مع السلامة وسكر ورجعت تتصل بسس مارد عليها وجلست اسبوع ونص تتصل وترسله مسجات بس مايرد آخر شي حن عليها لما ارسلتله مسج وقالتله **يعني ياحبيبي لازم انتحر وامووت عشان ترد علي خلاص يكفي زعل والله ما اقدر اعيش بدونك وقلتمارح اعيدها وعد***
من بعد ساعة من المسج اتصل فهد عليها بس كلمها بدون نفس وندى رضيت يكلمها بهالطريقة بس المهم تسمع صوته
فهد:مدامك ماتحبي اقطع اتصالي فيكي ليش تغلطي وتزعليني
ندى:فهودي حبيبي خلاص انسى اللي صار وحقك على راسي من فوق انت تعرف عندي زعل هالدنيا كلها ولا زعلك
فهد:طيب والحين ايش اللي تبيه ؟
ندى:ابيك انت وما ابي غيرك بهالدنيا
فهد:بس انا ما ابيكي
ندى:الا تبيني ومو بكيفك اصلا انت حبيبي انا وما ارح اخسرك مهما صار بالدنيا وبتكون حبي الوحيد لآخر يوم ي حياتي
فهد:(يبي يعرف ضغطها عشان يحسسها بغلطها)
يوووووووووووه هي الدنيا غصب يعني خلاص قلت ما ابيكي
(ندى طبعا زعلت من كلامه لان الموضوع مو مستاهل كل هالزعل ودموعها نزلو علطول بس مابينتله انها تبكي وسكتت شوي عشان تهدى)
فهد:خلاص انا بسكر مع السلامة
ندى:مع السلامة
وفهد صار عادي يتصل على ندى بس يكلمها بدون نفس بس ندى كانت تحاول تراضيه واخيرا رضى الأخ فهد
ندى(جالسة تتكلم بدلع وصوتها فيه النوم فكان يجنن وجنن معاه فهد):حبيب قلبي لسا زعلان مني يعني مو راضي يصالحني وننسى الزعل
فهد:خلاص انسي اللي صار
ندى:لا ياقلبي مارح انسى الا اذا قلتلي خلاص سامحتك
فهد:طيب خلاص
ندى:لا مو خلاص قلي سامحتك حبيبي(ودلعها جالس يزيد وفهد خلاص داب بصوتها)
فهد:خلاص سامحتك
ندى:لا فهودي حبيبي قلتلك خلاص سامحتك ياحبيبي
فهد:خلااااااااص ماتتكلمي اسكتي صوتك دوبني وانا بالشارع وماني عارف اسوق بسبتك ولو صارلي شي انتي السبب(وصار يضحك)
ندى:بعيييييييييد الشر عنك ياحبيبي انا ولا انت خلاص مارح اتكلم انت اتكلم
فهد:لا خلاص اتكلمي مشتاق اسمع صوتك لي زمان ماسمعته
ندى:مدام تشتاق لصوتي ليش تقطعني باالاسبوع والشهر
فهد:شكلي برجع ازعل منك وخليك سنة ماتسمعي صوتي
ندى:لا خلاص ياحبيبي التوبة وجلسو يضحكو واتصالحو أخيرا وكانت مثل الساعة ماشية ماتزعل فهد بشي وهو كان مبسوط منها
|