روان كانت تبكي وتبكي وتسوق سيارتها في اماكن ما تعرفها .. مرت عليها ساعتين وهي تدور ..حست انها يائسة .. واخيرا انهارت ووقفت السيارة في وحدة من حواري الرياض وصارت تبكي وتدعي ربها
مرت عليها ربع ساعة وهي منصدمة وحاسة حياتها انتهت لما شافتها شغالة واحد من البيوت وهي تكنس واجهة البيت
وبسرعة راحت الشغالة
وقالت السالفة لواحد من عيال راعي البيت .. اللي بسرعة ركض للسيارة وفتح الباب
الولد : انتي وش قاعدة تسوين هنا
روان كانت تبكي .. ولما سألها بكت زيادة
الولد بصراخ : مين انتي وليش تبكين ؟؟
روان : اناخايفة .. ودني للمطار بسرعة
ركب الولد سيارتها وخذاها للمطار .. وصاروا يدورون على المطار عشرين مرة ولا لقوا اثر لغادة
الولد : مافيه احد طايح على طريق المطار مثل ما تقولين
روان : الا غادة كانت راح تموت ابغا اساعدها
الولد : مافيه احد هنا .. وين جوالك خلينا نتصل على اهلك
روان بخوف : انا رميته قبل اطلع
الولد بصراخ : ليش ترمينه ؟؟؟؟؟
روان : كنت خايفة ومتوترة ولا انتبهت
الولد : طيب تدلين بيتكم
روان : اممممم .. ايوهـ تقريبا
الولد : خلاص انا اوصلك للبيت
شغل الولد السيارة وخذا روان للبيت .. والحمد لله صارت تعرف الطريق
الولد : هذا هو بيتكم
روان بفرح : ايه ايه .. هذا بيتنا مشكور ما قصرت
الولد : اوكي خوذي مفتاح السيارة ولا تسوقين مرة ثانية
روان : اوكي
راح الولد لبيته .. اما روان على طول دخلت البيت وحضنت امها
ام مشاري تبكي : روان انتي بخير .. الحمد لله على سلامتك حبيبتي .. الحمد لله
روان : ماما انا فرحانة اني شفتك .. الله يخليكم لي ولا يحرمني منكم
ام مشاري : آمين
روان تذكرت غادة : ماما لقيتوا غادة ؟
ام مشاري : ابوك راح يدورها ولحقته مرام
روان : وين راحوا
ام مشاري : ابوك مسكر جواله .. ورقم مرام مو معي
تذكرت روان انها كسرت جوالها اللي فيه رقم مرام .. يعني مافيه امل تعرف مكانهم
ام مشاري : روحي نامي وبكرا يصير خير
روان : اوكي ماما قوميني الساعة 10 الصباح .. عندي موعد مع امجاد ويمكن يكون رقم مرام معها
ام مشاري : طيب بس انتي روحي ارتاحي
نامت روان وهي خايفة ومتوترة وكل خمس دقايق تصحى من النوم .. مر الوقت ببطء لما صارت الساعة 10
خذت روان شاور سريع ولبست عبايتها واخذت شنطتها وركضت من الدرج لما طلعت من البيت ,,
روان تكلم السواق : بسرعة ودني للمقهى اللي عند الفيصلية
السواق : اوكي
مرت تقريبا ربع ساعة لما شافت روان امجاد وسارة جالسين باسترخاء ولا همهم شي
ركضت روان من السيارة وهي تفكر بغادة وبسرعة جلست معهم وقلبها يدق بسرعة
امجاد : وش فيك طايرة
سارة : شوي شوي كلها كوفي
روان : لا انا جاية ابغا رقم مرام ضروري
امجاد : لا تخافين هذا رقمها سجليه عندك
روان اخيرا حست براحه : مشكورة ما قصرتي
سارة : روان انتي امس ليش خربتي الحفلة
امجاد : أي كانت بتصير حفلة خيال .. بس انتي طردتينا في الاخير
روان : اسفة ماكان قصدي بس غادة مرضت امس
امجاد : اهااا سلامتها
انصدمت روان من برود امجاد وسارة وقالتلهم بدون نفس : الله يسلمكم
سارة : غريبة ما سألتينا عن العزيمة المفاجئة اللي سويناها لك
روان : أي صح .. ليش عازميني بالكوفي في هالصباح ؟
امجاد وهي تبتسم : الحين تعرفين
كانت عيون امجاد وسارة مركزة على الطاولة اللي قدامهم .. التفتت روان عشان تشوف الشخص اللي يطالعون فيه ..
روان : مين هذا اللي تطالعونه ؟؟
امجاد : هذا مشعل
روان : انتو كيف عرفتوا اسمه ؟؟
وقبل ما تكمل روان سؤالها .. جلس مشعل بكل وقاحة على طاولتهم
مشعل : صباح الخير
امجاد : صباح الورد
سارة : كيفك شعول ؟
روان انصدمت من اللي قاعدة تشوفه .. كيف يكلمون ولد ويخلونه يجلس معهم .. كيف يخونون ثقة اهلهم فيهم
روان : انتو كيف تتجرؤن تجلسونه معنا ؟!!
مشعل : يوووه لا يكون هذي وحدة من صديقاتكم المعقدات
سارة وامجاد : ههههههههه
مشعل : الله يعينكم كيف متحملينها ؟
روان : انت اخر من ابغا اسمع رايه فيني وفي تصرفاتي
مشعل : طيب وش رايك اذا عطيتك رقمي .. تروقين ؟؟
روان بصراخ : انت مفكرني مثلهم .. انا مستحيل اخذ رقم ولد .. غيرك كان اشطر
طلعت روان من الكوفي وهي معصبة حدها .. ركبت مع السواق واتصلت بسرعة على مرام
مرام : الو
روان : مرام انتو وينكم .. وين غادة وابوي .. وش صار عليكم
مرام : روان انتي بخير ؟؟ رجعتي للبيت ؟؟
روان : أي رجعت الحمد لله
مرام : خوفتينا عليك .. لا تتهورين مرة ثانية
روان : ان شاء الله .. بس ابوي وغادة وينهم
مرام : انا الحين عندهم بالمستشفى ..
راح اعطيك الوصف وتعالي بسرعة
روان بفرح : اوكي
ما مرت ربع ساعة الا و روان داخلة المستشفى
ضمت روان مرام بقوة وصاحوا كلهم
مرام : خوفتينا عليك يا روني .. خوفتينا
روان : انا اسفة حبيبتي ماراح اكررها
مرام : لا تعتذرين لي .. اعتذري لابوك
روان : بابا وينه ؟
مرام : هناك عند غرفة غادة .. ما سمحوله يدخل لان حالتها خطيرة
روان انصدمت : خـ... طيرهـ ؟؟
مرام : روني خليك قوية قدام ابوك
روان هزت راسها بالايجاب وراحت لابوها
روان بتردد : بابا
ابو مشاري بفرح : روان .. وين كنتي قعدنا ندور عليك طول الليل
روان تبكي : بابا انا اسفة .. كنت خايفة على غادة و ...
قاطعها ابو مشاري : اهم شي انك بخير .. انتي تعرفين غلاك عندي
روان : الله يخليك لي ولايحرمني منك
دخل مشاري المستشفى يركض
مشاري : وين غادة .. وين عمتي .. ليش انا اخر من يعلم
ابو مشاري : مشاري هد نفسك اول
مشاري : كيف اهدي وعمتي بين الحياة والموت
كلام مشاري خوف روان زيادة
روان : مشاري غادة ما فيها شي
مشاري كان بيصارخ على روان بس يوم شافها كانت عيونها مليانة دموع فخاف يجرحها زيادة
وفجأة طلع الدكتور من غرفة غادة
مشاري : دكتور كيف حالتها ؟
الدكتور : حالتها خطيرة جدا .. المرض كان معها من زمان بس هي ما راجعت المستشفى
تذكرت روان يوم كانوا بالكوفي لما حست غادة بألم ببطنها
روان : كله بسببي .. كانت غادة تتألم قدامي بس انا ما اخذتها للمستشفى
ابو مشاري : مرض غادة سببه قضاء الله وقدره مو انتي ولا انا
روان : بس ....
قاطعها الدكتور : فيه امل بسيط .. بس انصحكم تعالجونها برا المملكة
مشاري : انا انصحكم باسبانيا .. كثير من اصحابي راحولها ويقولون الطب هناك متقدم
ابو مشاري : اوكي انا راح احجز على اول رحلة لاسبانيا واتفق مع المستشفى .. انت واختك روحوا بكرا لمدارسكم وخوذوا اجازة اضطرارية
روان ومشاري : ان شاء الله
كان الليل ثقيل على روان ومشاري .. وأثقل على غادة اللي بالمستشفى .. ابو مشاري ماقدر ينام .. وام مشاري تجهز شنط السفر من بداية الليلة لنهايتها .. واخيرا طلعت شمس اليوم الثاني .. الكل راحوا لمدارسهم واشغالهم وعيونهم فيها القلق والتعب ..
روان : ماما انا رايحة المدرسة .. والرحلة لاسبانيا الظهر فـ مايمديني اجهز شنطتي
ام مشاري : لا تخافين انا راح اجهزلك شنطتك وشنطة مشاري بس انتم روحوا مدارسكم
روان : تسلمين .. مع السلامة
خذت روان شنطة المدرسة وركبت السيارة مع مشاري
مشاري : ليش تأخرتي ؟
روان : مشاري بليز ودني مدرستي مالي خلق
مشاري : هذا ماكان سؤالي .. انا سألتك ليش تأخرتي علي ؟
روان : اووووف يا مشاري .. كنت اكلم امي
مشاري : لا تحسبين نفسك الوحيدة الخايفة على غادة .. كلنا خايفين عليها
روان : اصلا غادة مو محتاجة خوفكم .. هي ان شاء الله بتطلع من المستشفى بالسلامة
مشاري : روان انتي كيف رجعتي البيت يوم مرض غادة .. خاصة انك ماتعرفين تسوقين ؟؟
عرفت روان على طول ان مشاري عارف بموضوع الولد اللي رجعها البيت
روان : ما اصدق انك تشك باخلاقي
مشاري : انا ما شكيت باخلاقك انا بس ....
قاطعته روان : مشاري انت منتبه لنفسك وش قاعد تقول ؟؟
مشاري عرف انه جرح اخته روان : انا اسف روان بس مخي مقفل هاليومين .. اعذريني
روان بدون نفس : لاعادي
اول ما وصلت روان مدرستها نزلت بسرعة من السيارة وهي مكتومة .. و اول ما دخلت المدرسة كانوا الشلة ينتظرونها
وسام : روان ليش جاية ؟
مرام : روني المفروض ارتحتي بالبيت
روان : لا عادي انا جاية اخذ اجازة
البنات : ليش
روان : رايحين لاسبانيا عشان علاج غادة
مرام : أيــــــــش !! يعني ماراح تضلين معنا ؟
روان : ماادري بس شكلنا راح نتأخر هناك
وسام : يعني كم راح تقعدون ؟
روان : قلتلكم ما ادري
سكتوا البنات وهم يطالعون في بعض وكان الخبر صدمهم .. كيف الشخص اللي يحلي قعدتهم يروح ببساطة .. كانوا كلهم حزينين على سفر روان وبالاخص مرام .. اعز صديقاتها ..
تذكرت مرام ابوها وانها من بكرة راح ترجعله .. حست بضيقة لما تذكرت انها راح تخسر امها واعز صديقاتها
عبير : الله يقومها بالسلامة
روان : امين
كانت الجلسة ولأول مرة هادية وكئيبة .. كانوا ينتظرون الجرس يرن عشان تنتهي هاللحظات الحزينة .. واول مارن الجرس راحوا البنات للطابور .. الا مرام اللي تبللت عيونها بالدموع وقررت تروح للحمام تغسل وجهها
روان كانت واقفة بالطابور وتحاول تتذكر كل جزء من المدرسة .. صوت الاذاعة .. صوت البنات .. اشكالهم .. تطالع بعلم المملكة المرفوع فوق المنصة .. تشوف البنات المخالفات واقفين عند باب المديرة .. تسمع سوالف طابور الفصل .. تاخذ نظرة سريعة على الفصول
مرام كانت في دورة المياه تمسح دموعها لما حست بحركة احد وراها .. التفتت مرام بسرعة عليهم
امجاد : اهلين مرام
سارة : هاي مومي شتسوين .؟
مرام : انا ... لابس كنت اغسل وجهي
امجاد : طيب ايش رايك تفوتين الطابور معنا ؟
مرام : no thanx
سارة : خلاص مرام لا تتغلين علينا
امجاد : وبعدين حنا عندنا مفاجأة ونبغاك تشوفينها
مرام استغربت : وايش المفاجآة ؟
طلعت امجاد من جيبها جوال جديد له كاميرتين
مرام وهي منصدمة : انتي من جدك جايبة جوال كاميرا للمدرسة ؟؟!!
امجاد : ههههههه يا حليلك .. دايما نجيب ولايكشفونا
مرام : طيب وليش جايبين الجوال ؟
سارة : الصراحة حنا نبغا نصورك
مرام فتحت عيونها وفمها من الصدمة : no way
امجاد : اقول مرام بلا حركات تطوع .. نبغا ناخذلك صورة
مرام : لالا انتوا اكيد تستهبلون
سارة : يعني بتعطينا الصورة والا كيف ؟
مرام : لا صورة مافيه
امجاد : شوفي حنا راح ناخذ الصورة غصب عنك .. وانتي كيفك تبغينها بالطيب والا بالقوة ؟!
وفي الطابور كانت روان حاسة ان مرام تبكي بالحمام .. فقررت تروح تشوفها
اول ما دخلت روان الحمامات سمعت صوت صراخ مرام
روان : مرام ؟!!!
كانوا امجاد وسارة ماسكين مرام وهي تصارخ وتدافع عن نفسها وتبكي
دخلت روان عليهم وهي معصبة حدها
روان بصراخ : امجاد انتي وش قاعدة تسوين بصديقتي ؟
امجاد : كنا نبغا صورة لها وهي رفضت
روان : طيب هي كيفها ترفض والا لا .. مو من حقكم تغصبونها
امجاد : لا من حقنا ونص .. اللي نبغاه بيصير
روان : تبغون صورتها عشان تعطونها الولد اللي بالكوفي صح ؟
سارة : برافو عليك ياشطورة .. هالولد من النوع الكشخة ومانبغاه يضيع من يدينا
روان : ما اصدق انكم بهالحقارة
سحبت روان يد مرام وطلعوا من الحمامات وجلسوا في حديقة المدرسة
روان : مرام انا اسفة اني عرفتك على هالبنات
مرام : لا يا روان انتي ماكنتي تدرين انهم كذا
روان : لا كنت ادري .. البويات مامنهم خير ومع كذا صادقتهم وسببت المشاكل لنفسي ولكم
مرام : خلاص انسي .. انتي وراك سفرة لاسبانيا ما ابغاك تفكرين بهالاشياء
روان ابتسمت : اهم شي اني لما ارجع من اسبانيا انا وغادة راح يرجع كل شي مثل ماكان
مرام : ..............
روان : مرام شفيك ؟؟
مرام : الصراحة كنت حابة اقولك هالشي من زمان
روان : أي شي ؟؟
مرام : ابوي رفع قضية على ماما .. وربحها
روان : يعني ايش راح تسوين ؟
مرام : من بكرة راح اعيش مع ابوي
روان منصدمة : ......
مرام : وابوي راح ينقلني من مدرستي وماراح اشوفكم مرة ثانية
روان : مستحيل .. ما اصدق .. المفروض نكون مع بعض طول العمر
مرام وهي تبكي : روان انا اسفة على كل شي سويته لك
روان : وانا اسفة
بكوا الصديقات وضموا بعض بكل قوة .
. مودعين ايامهم الحلوة مع بعض
|