كانت مرام نايمة .. لما حست بصوت صراخ في الدور السفلي .. قامت مرام من سريرها وتركض بخطوات متوترة لما وصلت لمكان الصراخ ..
مرام : بــــابــــا ..!!
ابو مرام كان واقف ويضرب امها بكل قوته .. ولما شاف مرام وقف عن الضرب وسحبها بقوة للشارع
مرام : اتركني ما ابغاك .. ما ابغا اروح معك ..
ابو مرام : انتي بتروحين معي غصب .. رضيتي والا لا
مرام كانت تبكي وتبكي وتحاول تجلس على ركبها وتتمسك بكل شي قدامها .. فجأة قربت منها امها وصارت تضرب كتفها
ام مرام : مرمر حبيبتي قومي .. مرام راح تتأخرين على مدرستك قومي يلا ..
مرام فتحت عيونها وعرفت انها كانت تحلم طول الوقت .. تعوذت من الشيطان وغسلت وجهها وتجهزت للمدرسة ..
اول ما وصلت مرام للمدرسة مسكتها مراقبة الفصل
المراقبة : لو سمحتي يا بنت .. عطيني هالسلاسل اللي لابستها
مرام : ليش ؟؟
المراقبة : ههههههه حلوة ليش .. ( بدت تصارخ ) عشانها ممنوعة يا طويلة العمر
مرام : انا ما ادري انها ممنوعة .. بمدرستي القديمة كنا نلبس اللي نبي
المراقبة : انا ماعلي من مدرستك القديمة .. عطيني سلاسلك اشوف
مرام : لاني ما ادري بالقوانين سامحيني هالمرة ..
المراقبة : مافيه شي اسمه سامحيني .. راح اسجلك موعد مع المديرة بعد الفسحة
مرام : استاذة بليز انا مو ناقصة تعهدات
المراقبة : عشان مرة ثانية اذا قلتلك فسخي سلاسلك تفسخينها بدون نقاش
راحت مرام لفصلها وبيدها ورقة المخالفة اللي لازم توقع عليها المديرة ..
مرام : اوووف انا فاضية للمشاكل .. مو كافيني مشاكلي مع ابوي وامي .. ومشكلتي مع روان اللي مالها حل .. مستحيل ابعدها عن البويات بدون سبب مقنع .. والحين مشكلتي مع المديرة .. اكيد راح تضربني وتعطيني تعهد وتاخذ سلاسلي .. اللهم صبرني يــــا رب
دخلت مرام لفصلها .. اول ماشافت روان ابتسمت لها .. حست انها نست كل همومها لما شافت روان .. جلست جنبها ونست الدرس والبنات .. بدوا يسولفون سوالف سطحية .. كيفك شخبارك ومن هالنوعية .. كانت روان تبغا تسأل مرام عن مشكلتها اللي خلتها تلغي موعدهم بالمطعم .. بس قررت تسألها بوقت يكونون فيه لحالهم ..
مرت الحصص بسرعة وبدت الفسحة .. طلعوا كل البنات من الفصل .. روان هالمرة جلست مع صديقاتها وسام والعنود وعبير ومرام .. وشكلهم نسوا سالفة امس ورجعوا اعز الصديقات .. كانوا جالسين تحت وحدة من شجر الزينة بالمدرسة
روان : هههههههههههه وبعدين صارت غادة تتكلم انجليزي والبنت ما تدري عن شي
البنات : هههههههه
روان : وبعدين من الفشيلة طلعت البنت من الكوفي ونست شنطتها .. تخيلوا اخذنا الشنطة وصرنا نعلق عليها
كانت روان متحمسة وتقول سالفتها بحماس .. بس البنات بدوا يطالعون ببعض بنظرات غريبة وكأن السالفة ما اعجبتهم ..
عبير : حرام عليكم مسكينة
مرام : ايه حرام .. لو تركتوها كان كسبتوا فيها اجر
العنود : حنا صح نحب نستهبل ونضحك بس ما نفشل خلق الله
روان عصبت من ردة فعلهم خاصة ان السالفة بالنسبة لها تموت ضحك ..
روان بصراخ : اوووف انتوا القعدة معكم تطفش
قامت روان من مكانها .. وطبعا راحت لامجاد وسارة ..
روان : هاي سعود .. هاي محمد
امجاد وسارة : اهلين نواف
كانوا وسام والعنود وعبير ومرام مندهشين من هالسلام .. فيه احد يسلم على بنت ويناديها باسم ولد !!
وسام : صراحة روان فلتت من يدينا
مرام : لا تقولون كذا عنها
عبير : انتي شفتي كيف تناديهم وكيف ردوا عليها !!
مرام : والله ما ادري .. بس كل مرة اكلم روان انسا شي اسمه زعل وعتاب .. هالبنت مسيطرة على تفكيري ومستحيل احب احد مثلها ..
البنات سكتوا لان مرام كانت راح تبكي .. بس تذكرت موعدها مع المديرة وحاولت تنسى سالفة روان شوي
مرام : عن اذنكم بنات انا رايحة للمديرة
البنات كلهم بصوت واحد : ليــش ؟؟
مرام : بسم الله وحدة وحدة تكلموا مو مع بعض
وسام : اخلصي علينا ليش بتروحين للادارة
مرام : لا تخافون السالفة ومافيها اني لبست سلاسل اليوم الصبح .. والاكسسوارات ممنوعة هنا .. فحولوني للمديرة
عبير : الله يسهل عليك
مرام : آآآمين
راحت مرام للادارة .. وتعمدت تمر عند روان وامجاد وسارة عشان تسألها روان ليش رايحة للادارة ..
روان : سعود سعود شف مرام رايحة للمديرة
امجاد : مين مرام
روان : صديقتي هذي اللي لابسة جاكيت فوشي
امجاد : امانة هذي صديقتك ؟؟؟ عرفينا عليها
سارة : اييييه هذي البنت الحلوة اللي كانوا الشلة يتكلمون عنها ؟؟
روان بمزح : اهااا يعني صرتوا معجبات بصديقتي وانا مدري
امجاد : نواف بلا سماجة نادها خلنا نتعرف عليها
روان : طيب اذا طلعت من الادارة ناديتها .. الا ما قلتلكم عن سالفتي انا وغادة ؟؟
روان قالت سالفتها هي وغادة اللي بالكوفي .. وعلى عكس صديقات روان كانوا امجاد وسارة ميتين ضحك على السالفة ومتحمسين مرة ..
روان تكلم نفسها " سالفتي كانت حلوة وتضحك بس البنات ما يتقبلون مني ولاشي .. انا ادري انها مو شفقة على البنت اللي فشلناها .. بس لانهم يكرهوني عشاني تعرفت على بنات غيرهم حبوا يفشلوني .. معقولة نعيش كذا منقطعين عن العالم !! لازم اتعرف على بنات غيرهم واصير اجتماعية اكثر .. انا صح وهم غلط "
امجاد : نواف نواف شف مرام طلعت من الادارة
سارة : قلها تجلس معنا بليز
روان كانت زعلانة من ردة فعل مرام وشلتها على سالفة روان وغادة اللي بالكوفي .. ولاتبي تشوف ولا وحدة منهم
روان : لا مابيها
امجاد : نواف نادها ولايكثر
روان : طيب طيب بناديها .. مع اني زعلانة منها
امجاد وسارة ما كلفوا انفسهم يسألون روان عن مشكلتها مع مرام .. لأن همهم كان انهم يتعرفون عليها بس عشان شكلها .. وهالشي زعل روان شوي بس حاولت تنسا هالموقف وراحت تنادي مرام ..
روان : مرام
مرام : نسيتي my nick name ؟؟
روان بمزح : اصلا مرمر مو لقب .. هذا دلع ومو لايق بعد
مرام : على الاقل احسن من نواف
روان : اقول لايكثر .. انتي مستحيل تلقين صديقات مثل امجاد وسارة .. و نواف تاج راسك انتي واللي معك
مرام حست ان السالفة قلبت للجدية .. وانجرحت لما مدحت روان صديقاتها البويات
روان حست انها مسختها وقررت تغير السالفة ..
روان : اسمعي امجاد وسارة ميتين يبون يتعرفون عليك
مرام مستغربة : انــــا ؟؟
روان : ايه انتي .. شكلهم معجبات فيك
مرام استحت : اوكي بروح اجلس معهم
سحبت روان مرام وراحت لشلة البويات .. مرام كانت ميتة من الحيا لأن البنات كانوا اكثر من عشر بنات ..
مرام تكلم نفسها " معقولة كل هالعدد الكبير من البنات معجبات فيني ؟؟ .. ما توقعت اني حلوة لهالدرجة .. يمكن يحبوني وادخل شلتهم .. ونرجع انا وروان قريبات لبعض "
امجاد : اهلين مرمر
مرام : هلا مجودة
صديقات امجاد كلهم ماتوا ضحك على مجودة : هههههههههههه
امجاد استحت : مرمر انا boy .. والبويات ماندلعهم مجودة .. انا سعود
مرام من الاحراج ما قدرت تتكلم : ها ... اممم .. سوري .. انا ..
امجاد : هههههههه عادي عادي .. روان بالبداية كنا نقولها روني .. وبعدين صارت مثلنا .. وصار اسمها نواف
مرام : وانا طيب ايش بيصير اسمي ؟؟
سارة : الى الان ما دخلتي الشلة .. اذا دخلتي شلتنا طلعنالك nick name
الكل : هههههههه
مرام تفشلت زيادة " انا كل كلمة اقولها لازم يعلقون عليها .. اووووف برجع لصديقاتي "
افنان : اقول .. ليش كنتي عند الادارة ؟؟
مرام : لا بس كنت لابسة اكسسوارات وعطوني مخالفة
سارة : لالا ليش تلبسين اكسسوارات .. انتي حلوة بدونها
مرام مستحية : ............
روان : خفوا شوي على صديقتي ترا ما تتحمل كل هالكلام الحلو
مرام : اممم ... انا لازم اروح الحين
امجاد : لسا بدري
مرام : ان شاء الله وقت ثاني .. باي
الكل : باااااي
اول ما رجعت مرام للبنات نطوا عليها وصاروا يسألونها عن جلستها مع البويات
وسام : انتي ليش رحتي للبويات صديقات روان ؟؟
عبير : هم نادوك والا انتي رحتيلهم
العنود : وش قالولك ؟؟
مرام : شوي شوي علي .. روان قالتلي انهم يبغون يتعرفون علي .. قلتلها اوكي
عبير : بس ؟؟؟
مرام بملل : بس
مرام كانت فرحانة انها تعرفت على صديقات روان .. وصار بينهم شلة مشتركة ثانية .. بس باقي الشلة كانوا متضايقين لان روان عرفت صديقاتها على مرام بس .. ونستهم ولا عبرتهم .. اما روان كانت متضايقة شوي لانها ماكانت تبغا البويات يعجبون بأعز صديقاتها .. وكانت عارفة ان ورا هالاعجاب راح تصير مشاكل كثير ..
|