مرام : يلا بنات خلونا نصف اول صف بالطابورعشان نقدرنشوف المعلمات زين ونضحك ونعلق عليهم
روان : هههه اووكي .. بس انتظروني لحظة .. بروح لدورة المياه اصلح شعري
عبير : روني ماله داعي .. انا من السنة اللي راحت وانا اسوي نفس التسريحة
روان : هههههههههه .. لا بس انا ما احب يكون شعري خربان .. السبايكي بدا يهبط .. بروح اوقفه واجي
مرام : طيب بس لا تتاخرين ..
روان راحت لدورة المياه تضبط شعرها عند المرايا .. و اول ما دخلت شافت بنتين boy مرة مرة .. لدرجة انها لوماكانت بمدرسة بنات .. كانت حسبتهم عيال !!!
الشعر سبايكي والكحل كثيف بطريقة الــ emo .. وسلاسل جماجم وعظام .. مريول واسع وجاكيت سبور ولادي
هالبنتين على طول طالعوا روان بنظرات تفحص .. هي ماحبت تطنشهم فقالت خلني اسلم عليهم قبل ما اروح للطابور ..
روان : هاااي
وحدهـ من البنتين : هلا روان
روان استغربت كيف عرفوا اسمها : اهلين .. اعرفكم انا ؟؟
ضحكت البنت : هههههه لا بس سمعنا صديقاتك ينادونك وحفظنا الاسم
روان : كيف انتبهتوا لي ؟؟
البنت : بصراحة كنتي معجبتنا انا وصديقتي .. ملامحك حادة وباين ان شخصيتك قوية .. ونفس آلوقت فلة وهبآلكـ حلو
روان استحت : تسلمون .. ماعرفتكم الى الان
البنت : انا سعود وهذا محمد
روان فتحت عيونها وفمها من الصدمة : ايش ؟؟
البنت : ههههه هذا الـ nick name .. آنآ آمجآد وهذي صديقتي سارة
روان وهي الى الان مو مستوعبة : تشرفنا .. انا لازم اروح للطابور الحين .. صديقاتي يستنوني
امجاد : طيب ريلاكس .. شرايك تفوتين الطابور معنا
سارة : حنا ناوين نفوت الحصة الاولى بعد ..
روان : والله ما اقدر اخربها من اولها .. وبعدين مرام اكيد راح تزعل اذا عرفت اني هربت من الحصة مع بنات غيرها
امجاد : انتوا الى الان اطفال .. تزعلون عشان وحدة منكم فوتت الحصة ؟؟
روان عصبت : لو سمحتي لا تتكلمين على صديقتي مرام كذا .. وبعدين حنا مو اطفال
امجاد : ما دامكم ما تتصرفون مثل الاطفال .. اجل فوتي الحصة معنا
روان وهي تفكر : امممم .. طيب بفوت الطابور بس
سارة وامجاد : اتفقنا
مرام كانت واقفة بالطابور تنتظر روان اللي تاخرت عليها مرة ..
مرام : وسام خلينا نروح لدورة المياه ونشوف وش اخر روان ؟؟
وسام : يوووه تلقينا جالسة تسوي سبايكي من جديد وتوقف شعرها
مرام : طيب بس تاخرت مرة
وسام : انا اذا بسوي سبايكي اجلس حوالي ساعة ونص عشان اوقفه .. اكيد لازم تتاخر
مرام وهي مو مرتاحة : اوكي
انتها الطابور والكل راحوا لفصولهم .. روان كانت خايفة لانها هاربة من الحصة و ما تعرف فصلها ولا الطالبات اللي فيه .. كيف بترجع للفصل مادامها ما تعرفه ..
سارة وامجاد باين انهم مو مهتمين ويسولفون ويضحكون وسط صمت روان ..
امجاد : ههههههه والله انك خطيرة يا سوير
سارة : احم احم .. اعجبك
امجاد : روان وين وصلتي بسرحانك ؟
روان انقطع حبل افكارها : هلا ... لابس شردت شوي
امجاد : شكلك مو مرتاحة معنا
روان : لابس طفشت من قعدة الحمامات
سارة : مافيه مكان نتخبا فيه ونسولف براحتنا الا هنا
امجاد : روان معها حق .. شرايكم ناخذ لفة بالساحة
روان : لالا تكفين لا .. ابي ارجع فصلي .. اكيد مرام زعلانة مني
وبالفصل مرام كانت زعلانة مثل ما توقعت روان ..
عبير : مرام ليش متوترة .. اكيد بترجع روان الحين
مرام : روان تاخرت مرة .. مستحيل تكون الى الان تضبط السبايكي
عبير : يمكن هربت من الحصة .. هذي مو اول مرة تهرب فيها
مرام : صح .. بس هذي اول مرة تهرب من غيري .. اكيد صادقت شلة غيرنا وهربت معهم
عبير : امممم معك حق .. مستحيل تهرب لحالها
مرام : انا خايفة تتركنا يا عبير
عبير : لاعاد ما اتوقع .. تلقينها الحين جاية للفصل
مرام : ان شالله
وفي بيت روان كانت امها ( ام مشاري ) جالسة على الــ T.V لما رن التلفون ..
ام مشاري : الو
ابو مشاري : هلا .. انا ابو مشاري
ام مشاري : اهلين .. تبي شي ؟؟
ابو مشاري : لا بس حبيت اذكرك ان اختي غادة جاية للرياض اليوم .. وبتجلس عندنا بالبيت يمكن اسبوع او اسبوعين .. طيارتها راح توصل بعد ساعة .. انا بتاخر بالدوام وابغاك انتي تستقبلينها
ام مشاري : بحطها بعيوني لا تخاف
ابو مشاري : تسلم عيونك .. باي
ام مشاري : مع السلامة
غادة هي عمة روان ومشاري .. وبنفس عمر مشاري تقريبا .. عايشة باوروبا مع جد وجدة روان .. وتزور الرياض كل سنة .. لان ابو مشاري طلب هالشي عشان ما تضيع ثقافة غادة العربية ..
|