الـجـــزء الــــعــــاشـــر
في بيت ام راشد
ام راشد:ها وين بتروحين
سهى:بروح بيت خالي عبدالرحمن
ام راشد:لاتتاخرين
سهى:ان شاء لله بايو
جاء راشد
راشد:يمه متى بتخصلون موضوعي مع جيهان
ام راشد:لمن تطلع زوجة خالك من الحداد وباول خلنا نخلص على موضوع سهى
راشد:اي موضوع
ام راشد:طلال خاطب اختك سهى
راشد:اهااا واهي شقالت
ام راشد:مو موافقه بس قلت لها فكري عدل
راشد:غبيه ليش ماتوافق
ام راشد:مادري عنها
راشد:عدل
في بيت بوخالد
لجين:هلا سهى
سهى:هلا بيك وين جيهان
لجين:في غرفتها
سهى:اوكي اخليك بروح لها
وراحت سهى وضربت باب غرفة جيهان
جيهان:تفضل
سهى:السلام عليكم
جيهان:انتييييييي نعم خييييييير
سهى:اول ردي السلام
جيهان:شتبين خلصي
سهى:خلاص بدخل في الموضوع امممم طلال خطبني
جيهان:صج انك حقييييييره وماتستحين على وجهك شينه وقوات عين بعد خاطفته وجايه تخبريني ان خطبك
سهى:والله مابيني وبينه شي انا جايه اقولك عشان ابرر لك موقفي ان ماكلمته ولا لي دخل بفسخ خطوبتكم وابيك تكلميني ليش انتي زعلانه علي على شي مالي دخل فيه
جيهان:اقول اقلبي وجهك مالت عليك وعلى وجهك ياحقيييييره
سهى تبكي:تصدقين انا كنت رافضته بس الحين عشان كلامك هذا عناد لك بوافق
وطلعت من البيت
في بيت ام راشد
جات سهى
سهى:يمه انا موافقه
ام راشد:زين حطيتي عقلك في راسك ولا بتحصلين احسن من طلال
راحت سهى غرفتها وتصيح
اتصلت ام راشد على ام الوليد وقالت انهم وافقو
في بيت بو الوليد
ام الوليد:كللللللللللوووووش
مرام:ها شصار يمه
ام الوليد:وافقو على طلال
مرام:صجججج كللللوووش
دانه:شفيكم فرحانين يعني متوقعين انهم مابيوافقون تحمد ربها ان طلال خاطبها
ام الوليد:وانتي الصاجه يابنتي
مرام:لا مهما كان الولد لازم البنت تفكر وتقرر
صمود:اجل يمه قومو نروح نجهز حق الملكه
البنات:هههههههههههه
ام الوليد:لالا ابوك قايل نملك على الكبير اول
صمود:الكبير للحين ماتكلم
ام الوليد:تكلم بس مابعد نروح نخطبها
البنات:ميييييييييييين بتخطبون له
ام الوليد:ابوكم مو راضي اقولكم لمن نخلص كل شي
صمود في نفسها:اذا مو لجين اكيد بتجن
مرام راحت تركض غرفة الوليد
مرام:اي تخطب ولا تقول
الوليد:ههههههههههههه ماخطبت
مرام:انزين مين سعيدة الحظ زوجة اخوي
الوليد:ماتعرفينها
مرام:يعني للحين على حالك ماتبي من العائله
الوليد:اكيييد
مرام:بنات عائلتنا كل وحده تقول الزود عندي
الوليد:الله يرزقهم بالازواج اللي يستاهلهم وكل واحد ماياخذ الا نصيبه
مرام:تصدق انا سمعت من سلوى تقول ان بنات عمي جاسم الله يرحمه جملين حييييل ومؤدبين ودي اشوفهم واتعرف عليهم بس تدري ابوي
الوليد:مالك ابهم احنا من قبل مانعرفهم شنو يفرق الحين
مرام:هذا رايك
الوليد:وجهة نظري
مرام:عدل
بعد يومين سهى رايحه بيت بومحمد
البنات يباركون لها واهي مبتسمه
سهى:الله يبارك فيكم وعقبالكم
منار:امييييييييييييييييييين
سهى:ههههههههههههههه
منال:ها زوجك حلو
سهى:ههههه اي
منار:ماعندك صورته
سهى:هههه لالا بتشفونه يوم الملكه
ريتاج:ومتى الملكه
سهى:لمن يملك اخوه الوليد اليوم بيرحون يخطبون له
اريج:الوليد هذا اللي قال عنه ابوي الله يرحمه
ريتاج:اي قال جمييل
سهى:اي اهو تقريبا اجمل شباب العائله
منار:ومين سعيدة حظه ان شاء الله ياخذ وحده تستاهله
سهى:من برى العائله
مشاعل:الله يوفقهم
سهى:عاد لازم تجون في الملكه
اريج:ان شاء الله بس اكيد مابيرتحون لنا بنات عمامي
منار:اي والله يعني بنات عمي عبدالرحمن يعني احسهم مايحبونا وبنات عبدالعزيز وراضي للحين ماشفنا وجيهم
سهى:لو يعرفونكم بيحبونكم انا احس وحده منكم وارتاح معاكم
ريتاج:احنا حبيناك انتي وسلوى وعمتي
مشاعل:الله يخيلنا لبعض
في بيت بو خالد
لجين والدمعه بعيونها:شنووووووووووووووو بيخطب من برى العائله ومن هاذي الحماره
صمود:اهدي يالجين ماعرفها بس اسمها شهد
لجين:جعلها الموت بس تتزوج ماراح اخليها
صمود:الزواج قسمه ونصيب انا يوم دريت احترق قلبي
لجين:باي بعدين اكلمك
ودفنت روحها بالمخده وتصيح
في بيت بوسعود
هيثم:وين ابوي
ام سعود:رايحين يخطبون حق الوليد اهو وعمامك
سلافه:شنووووووو
سندس:مين بياخذ
ام سعود:بنت ابراهيم عبدالله ال.....
سلافه راحت غرفتها تبكي
في بيت شهد
بوشهد:والله لو اهي ذبيحه ما عشتك
بوالوليد: لنا الشرف نناسبكم
بوشهد:والله احنا اللي لنا الشرف وماراح نحصل احسن منكم
بوالوليد: خلاص شاور البنت وردو لنا خبر
بعد ما مشو
بو شهد:الولد دارس في لندن ودكتور وماعليه كلام واهله والنعم ها شقلتي
شهد:اللي تشوفه يايبه
بو شهد:يعني نفهم من كلامك موافقه
ام شهد:انزين وولد اخوك
بوشهد:ولد اخوي هاذي اهي جنبه ما جاء خطبها والزواج قسمه ونصيب
ام شهد:الله يقدم اللي فيه الخير
بعدها بيومين ردو عليهم بالموافقه
واليوم الخميس يوم الملكه الوليد
في بيت بوالوليد
في غرفة الوليد الفخمه
الوليد:ها جهزتي روحك حق الليله
شهد:واخيرا اي جاهزه من زمان
الوليد:اي والله واخير
شهد:اوكي باي ما ابي اكلمك واجد عشان تشتاق لي
الوليد:اوكي باي
في الصاله الكل مجتمع ما عدا الابو
فارس:الحين باقي انا يمه خطبي لي
ام الوليد:انت لمن تصير قد المسؤاليه
الكل:ههههههههههههههه
دانه:انزين تبي تتزوج من اللي تكلمهم في التلفون
فارس:اصلا مافيه شاب يتزوج وحده يكلمها
الوليد:ليش يافيلسوف
فارس:لانه اللي تكلمك اكيد بتكلم غيرك يعني مايرتاح الواحد معاها ولا يثق فيها
صمود:اقول بلا هذره زايد وقوم ودني المشغل الليلة ملكة اخونا
ام الوليد:مالها داعي مشغل لانه مافيه حفله عمك توه متوفي حتى اللي بيحضرون بس احنا وعمتك وعمامك بدون حريمهم وعيالهم
صمود:واللي يعافيك يمه احنا عمنا هذا مانعرفه يعني ولاكانا عرفنا
مرام:مهم يصير بيظل عمنا وعياله موجودين
ام الوليد:ابوك اللي يبي كذا
صمود:لا انا بروح
دانه:وانا بعد نبي نفرح نكشخ
ام الوليد:على راحتكم
في شركة بوالوليد
السكرتير:في واحد برى اسمه حسام يبي يدخل عليك
بوالوليد:شنو يبي
السكرتير:يقول موضوع خاص
بوالوليد: مووضوع خااااااص اوكي خله يدخل
دخل حسام
بوالوليدعرفه لانه بينه وبين ابوه عداوه بسبب الشغل
حسام:السلام عليكم
بوالوليد:وعليكم السلام نعم خير
حسام:تفضل اول وبعدين نتكلم
بوالوليد:حياك قول اللي عندك
حسام:هو موضوع خاص والمفروض الوالد يجي بس قالي اجيك انا وبعدين اذا حصل خير يجي
بوالوليد:قول شنو موضوعك انت وابوك
حسام:انا اقول نترك هالعدواه ونصلح بيننا واللي بيصلح بيننا النسب ان شاء الله
بوالوليد:اي نسب
حسام:انا طالب القرب منكم وبخطب بنت اخوك المرحوم ريتاج جاسم محمدال......
بوالوليد فتح عيونه هو شعرفه بهم:اممم مافي نصيب
حسام :اسال البنت
بوالوليد:انا عمها وولي امرها ومو موافق ومانتشرف نناسبكم
حسام عصب:اجل باخذها غصب على خشمك وطلع
بوالوليد عصب:شقصده الحيوان
بوالوليد في نفسه:ليكون ياخذها معاه ويسافرون برى ويتزوجون انا لازم اتلاحق عمري ولا احط يدي في يد بوحسام
ظل مدة ساعه يفكر وبعدها
بوالوليد اتصل بيت بومحمد
ريتاج:الوو
بوالوليدبعصبيه:وين امك
ريتاج:هذا رجال يبيك
ام محمد:هلا
بوالوليد:هلا بيك معاك بوالوليد
ام محمد:والنعم ياهلا فيك
بوالوليد:المهم بختصار جهزي بنتك ريتاج الليله ملكتها
ام محمد فرح على حزن على استغراب على دهشه:شنووووووووو اي ملكه وماحد خطبها وابوها ماصارله شهرين من توفى
بوالوليد:ماقلت لك حفله انا ملكة بس والزواج لمن تطلعين من الحداد ويالله مع السلامه
وسكر في وجهها
ام محمد:تصيح انزين مين المعرس
البنات:شفيك يمه
ام محمد:بيذبحوني عمامكم قاصره عمر بيخلصون علي رحت يا بومحمد وخليتني مع هالوحوش
مشاعل:يمه شنو صاير
قالت لهم ام محمد
منار:فوضى هي مين المعرس وشسالفه اصلا
منال:انزين شنو نجهز روحنا ماعندنا شي
ريتاج:واحنا حتى فرحنا فيه حزن
ام محمد:انا خايفه يزوجك واحد من الشارع حسبي الله ونعم الوكيل حسبي الله ونعم الوكيل
اتصلت ام محمد على ام راشد وقالت لها باالسالفه
ام راشد:سالفه غريبه اهو اليوم ملكة ولده بعد عاد سمحي لي ما اقدر اجيك بروح معاهم بس بخلي البنات يجونك
ام محمدتصيح:انا خايفه يزوجها واحد مايستاهلها
ام راشد:لا ماتوقع يسويها اخوي
ام محمد:نصبر الى الليل ونشوف
ام راشد:خلاص اي شي يصير طمنيني
ام محمد:ان شاء الله يالله مع السلامه
ام راشد:الله يسلمك
في بيت بوالوليد
في غرفة الوليد
الوليد:يعني هل من الممكن ان شهد تكلم غيري لالالا مو معقول لانه شهد غير البنات
رن جواله
الوليد:هلا والله
حمد:هلا بالمعرس
الوليد:هلا بيك هههه
حمد:ها جاهز
الوليد:اي وويالله الحين انت الحقني
حمد:لالالا انا ما ابي ارتبط خلني عزوبي
الوليد:هههههه وينك انت
حمد:والله توني طالع من المستشفى
الوليد:اشرايك تمرني
حمد:اوكي جهز نفسك
الوليد لبس جينز ازرق وبلوزه لونه ابيض من بولغاري وتعطر من عطره المفضل جورج ارماني ولابس نظرات شمسيه ماركة دنهل وطالع مره كيووووت
حمد:لالا ما اقدر انا كذا
الوليد:اقول حرك بس
حمد:وين تبينا نروح
الوليد:اي محل بس عشان يطير النهار بسرعه ويجي الليل ههه
حمد:مستعجل الاخ
الوليد:اي اللي صبرته مو اشوي 30سنه اللي بعمري عندهم عيال
حمد:الله يوفقك والسنه الجايه نشوف عندك 4 تـــؤام
الوليد:ههههههههه ناوي علي
حمد:الله يوفقك انتم السابقون ونحن الاحقون
الوليد:يالله انت وفهييد عجلو الا صج وين فهيد
حمد:مشغول في الشركه
الوليد:هاذي انا مو مرتاح من الشغل اطلع من المستشفى اروح عند ابوي في الشركه اساعده
حمد:الله يعينك وبتجي من تشيل عنك التعب
الوليد ابتسم
العصر بيت بو محمد
جاو سهى وسلوى
سهى:مبروك ياعروس
منار:عاد هاذي نكتت السنه عروس ماتدري مين العريس
البنات:ههههههههههههههه
سهى:زوجك مسوينه لك مفأجاه
منال:اي زواج هذا
ريتاج:انا خايفة لا يصير مثل ماقالت امي انه يطلع مايستاهلني وانا اصلا ما ابي اتزوج بالطريقه هاذي لاخطبه ولا شي ولا اعرف مين خاطبني ولا شاوروني ولا بعد امي مابعد تطلع من الحداد ابوي توه شهرين من توفى وانا بملك شنو بيقلون عنا الناس
الابصوت كلللللللللللللللللووووووش
مشاعل:مين هاذي اللي تلالاش
اريج:كانه صوت جدتي
في الصاله
ام محمد:يمه شفيك تلالا شين بومحمد توه متوفي
الجده:قلتيها متوفي الله يرحمه الحي ابقى من الميت وبعدين هاذي ملكة ريتاج ماتبيني افرح الا بفرح وبزغرط وبرقص بعد
ام محمد:لالا يمه احنا طريقة هالزواج رافضينه وبعدين حتى العروس مابنعدلها
الجده:اهو ماقالكم مين المعرس
ام محمد:لالا
الجده:مابيعطي بنت اخوه اي واحد اكيد واحد سنع
ام محمد:ان شاء الله انزين حتى اذا واحد سنع ليش مايصبرون لمن اطلع من الحداد على الاقل اهو المفروض لمن ياخذ سنه ابوها
الجده:لا والله سنه عزت الله عنسو بناتي
ام محمد:الحين ما باليد حيله خلاص الملكه وبتتم حسبي الله والنعم الوكيل
في بيت بوشهد
دخلت ام شهد تبكي وشافت الكوافيره تعدل في شهد وشهد مستانسه
شهد:يمه تركي عنك دموع الفرح
ام شهد:لا هاذي مو دموع فرح
شهد:اجل؟؟؟؟؟؟؟؟؟؟؟
تتوقعون ليش ام شهد تبكي؟؟؟؟؟؟؟؟؟
تتوقعون مين زوج ريتاج؟؟؟؟؟؟؟؟؟؟
شنو تتوقعون يصير في ملكة الوليد وشهد؟؟؟؟؟؟؟؟؟؟
|