الـجــزء الـثـامــن
في بيت بومحمد
ريتاج تذاكر للاولاد اللي فاتهم
منال:يمه خف وجهي نروح المدرسه ولالا؟؟
ام محمد:خف كلكم بس شي بسيط باقي يوم يومين ويروح
منار:نروح ونقولهم طايحن كلنا دفعه وحده
اريج:نقولهم احنا نحب بعض اذا طاحت وحده لازم نطيح كلنا
منال:خلاص من بكره نروح زهقنا
اريج:اي والله
ريتاج:بسكم سوالف روحو ذاكرو خلوني اعرف اذاكر لهم
ودخل ابوهم وجلس معاهم
في بيت ام راشد
راشد:ها يمه جاهزه
ام راشد:اي الله يوفقنا
سهى:توكلي على الله يايمه
سلوى:سمي بالرحمن
ام راشد:ان شاء الله
راحو راشد وام راشد وصلو
راشد:ها يمه قلبك قوي
ام راشد بخوف:اي
ونزلت ام راشد تسحب رجلها سحب بتضرب الجرس ماشافت فيه جرس
طقت الباب
في الداخل
بومحمد:محمد قوم افتح الباب
وقام محمد فتح الباب
ام راشد ماسكه روحها بالقوه عشان ماتصيح:هذا بيت جاااااسم محمد ال......
محمد:اي نعم
ام راشد:انت ولده
محمد اي انا محمد ولده
ام راشد:محممممممممممممد؟
محمد:اي
ام راشد في نفسها:شفت يا يبه اخواني ماسمو عليك واخوي يايبه اللي طردته سمه عليك
ام راشد اخذت محمد وحظنته بقوه واهي تصيح محمد مستغرب
محمد:خير حجيه
ام راشد:ابوك موجود
محمد:اي
ام راشد:ناده لي
دخلت ام راشد الحوش
دخل محمد لبوه
محمد:يبه مره تبيك
بومحمد:اكيد هاذي فقيره رح عطها خمسه ريال
محمد:لا يبه اهي تعرفك قالت هذا بيت جاسم محمد ال.....
الكل استغرب
قام بو محمد والكل وراه
بومحمد طلع الحوش وشافها ماقدر اوصف لكم شعوره فرح يصيح بيي يطير مو مصدق
بومحمد:اختيييييييييييييييييييييييييييييييييييييييي يييييييييييييييييييييييييييييييي
وراح يركض لها وحب يدها ونزل بيحب رجولها
ام راشد ارفعته واهي تبكي وحب راسها وحضنته
ام راشدتصيح:آه آه آه آه آه ياخووووووووووي
بومحمد يصيح:وينكم ياختي خليتوني ونسيتوني
ام راشد:غصبن عني ياخوي والله مانسيتك دائما في بالي ياخوي
طبعا ام محمد عارفه السالفه بس العيال مستغربين على الاخر
بومحمد:وين اخواني اكيد بره بروح ادخلهم
وبيروح بس مسكته ام راشد
ام راشد:لالا ما احد جا غيري اهم مايدرون اني جيتك اخوانك للحين على حالهم
بومحمد:على راحتهم اهم شي شفتك ياختي قبل ما اموت تفضلي تعالو ياعيال سلمو على عمتكم
ام راشد شافت عياله واجد:كلهم عيالك ماشاء الله
وجاو سلمو عليها وحبو راسها واهو يعرفها عليهم
دخلو الصاله واجلسو
ام راشد:ماشاء الله بناتك اسم الله عليهم جملين
بومحمد جالس جنب اخته وماسك يدها:عيونك الحلوه يااختي
ام راشد:شخبارك ياشريفه
ام محمد:بخير الله يسلمك
ام راشد تصيح:شسوت فيك الدنيا ياخوي
بومحمد:هذا حالي
ام محمد:يالله بنات قومو داخل نخلي عمتكم تاخذ راحتها مع ابوكم
ام راشد:لالالا خليهم مشتاقه لهم انا صج ماعرفهم بس ذيلو بنات اخوي
منار:يمه شسالفه
ام راشد:عيالك مايدرون عن شي
بومحمد:لا والله الحين اقولكم السالفه
وقالها لهم كل القصه وقالهم ان شاف الوليد وقالهم قصته
استغربو كل هذا صاير واحنا ماندري
بومحمد:ليش ماجبتي عيالك ياختي
ام راشد:قلت اول اجي اشوف ردت فعلك لاني خفت تطردني بعد اللي سوينا فيك
بومحمد:افااا انا اسويها يا اختي
ام راشد:انا اعرفك ماتسويها بس قلت يمكن الدنيا غيرتك
بومحمد:الدنيا تغيرني عن الكل الا عنك ماتغيرني
ام محمد:كم عندك عيال
ام راشد:عندي راشد وسلوى متزوجه ولد عبدالرحمن توها والد وسهى بس ثلاثه
بومحمد:الله يخليهم لك وشخبار بوراشد
ام راشد:عطاك عمره من خمس سنوات
بومحمد:الله يرحمه
ام راشد:انا بحاول المح لخواني عشان يتصالحون معاك
بومحمد:ياريت يا اختي مشتاق لهم
جلسو حوالي 5ساعات يسالفون
ام راشد:الوقت تاخر واحنا ماندري انا بقوم امشي
بومحمد:ما شبعنا منك لاتقطعين يا اختي والمره الجايه تجين ومعاك عيالك
ام راشد:ان شاء الله يالله مع السلامه
الكل:الله يسلمك
راح بو محمد غرفته وانسدح يصيح
في غرفة البنات
منار:وناااااااااااسه طلع عندنا اهل
منال:اي والله ونااااااااااسه
اريج:ولا بعد اهلنا عندهم خييييييييييييييير عمامي مشهورين في البلد
ريتاج:بس شنو الفايده مايعرفونكم ولا يبون يعرفونكم
مشاعل:الله يحنن قلوبهم علينا
ريتاج:تصدقون يوم عرفت ان اهي عمتنا فرحت حيييييييييييييل حسيت بالامان مادري شلون
اريج:الحمد الله اللي الله جمعنا وعقبال الله يجمعنا بعمامي
منار:ونتزوج واحد من عيالهم
الكل:هههههههههههههه
مشاعل: وانتي بس هذي اللي هامك الزواج
منار: يعني شنو في شئ مهم غير الزواج الطباخ
مشاعل: ايه
منار: عندك الطباخ بس انا عندي الزواج
في بيت ام راشد
دخلت ام راشد
جات سهى تركض: ها يمه شسويتي
وقالت لها ام راششد السالفه من طقطق الي السلام عليكم
سلوى: يعني فرح يوم شافك
ام راشد: الدنيا مو شايلته من الفرحه مسكين اخوي وقال لي لازم اجيبكم المره الجايه
سهى:تصدقين يمه شوقتيني اشوف خالي
سلوى: حتى انا
ام راشد: المره الجايه ان شاء الله اخذكم
في بيت بوالوليد
في غرفة صمود اتصلت عليها لجين
لجين : هلا يالبطه
صمود: هلا الدبه
لجين: كيفك
صمود: بخير وانتي كيفك
لجين: تماااامو ها شتسوين
صمود: والله جالسه ع الاب توب
لجين:اقول تركي عنك الاب توب وقومي ضبطي لي الوضع وتكلمى عني جنب الوليد يمكن يخطبني زهقت وانا منتظره
صمود: اوكي الحين بروح الله يعيني
لجين: فديتك بنت عمو
صمود: اي فديتني حق الحاجات
لجين : بعد عمري قومي يالله قومي
صمود: طيب بااي
لجين: الله معك
راحت صمود غرفة الوليد وطرقت الباب
الوليد: تفضلي مرام
دخلت صمود:ليش يعني مرام
الوليد: اوووه صمود لا بس اكثر شئ تجي لي مرام
صمود: اهااا
الوليد : ها امري
صمود: ابد ولا شي بس بسولف معاك
الوليد:اممم طيب يالله وش ورانا
صمود: اقول شرايك في لجين بنت عمي
الوليد: عادي ماعرفها حييل تعرفين انا ماعرف العائله وبالاخير تكون بنت عمي انزين ليش سالتي بالذات عن لجين
صمود: لا بس من باب السوالف ولانها اقرب وحده لي في العائله بس ترى جميله واخلاقها ماشاء الله
الوليد عرف قصدها: اهاا الله يوفقها ويرزقها بزوج الحلال اللي يسعدها
صمود: الله كريم اوكي اخليك انا بطلع وطلعت
الوليد : هههههه بس لانها صديقتك ياصمود تبين تزوجيني اياها وشهوده وين اوديها
الا شهد دقت على الوليد وكلمها
الوليد: راعي الحلال عند طاريه
شهد: عاد تطريني بخير ولا بشر
الوليد: اكيد بخير ياعمري
شهد:شنو كنت تقول عني
الوليد: لابس اختي جايه تلمح لي عشان اخطب بنت عمي
شهد:يؤ اكيد انا اذا تزوجتك بيحسدوني عليك
الوليد : لهدرجه
شهد: اكيييييييييد
في بيت بوسعود
رنيم:اخذني معاك البحرين تموم
تميم : لاوالله احنا رايحين شباب
رنيم: اي عادي كلهم عيال عمي اخذوني معاكم
تميم: هذا اللي ناقصنا بعد
رنيم: ليش يعني ترى اخرب عليك واخلي ابوي مايخليك تروح
تميم: لاوالله ههههههههه
رنيم: مالت عليك وعلى اللي يترجاك انا اذا بروح بخلي ابوي يوديني
تميم: كان رحتي له من مساعه ليش جيتي تترجيني
سلافه: شفيكم تتهاوشون
رنيم: تموم مع ربعه بيرحون البحرين
سلافه: صج اخذونا معاكم من زمان ماتمشينا
تميم: لالا حنا عزوبيه مانبيكم
سلافه:مالت عليكم
بعدها بيومين الشباب راحو البحرين
في بيت بو محمد
بومحمد راح غرفة البنات
بومحمد:يالله يا يبه تعالو تغدو
البنات مستغربين لان من جات عمتهم واهو متغير
ريتاج:ان شاء الله يبه
واهم جالسين على الغدى
بومحمد:اليوم بتجي عمتك وعيالها
مشاعل:حياهم الله
بومحمد هاليومين كل مستانس ولا يعصب
في بيت بو الوليد
غرفة صمود
صمود:الووو لجون
لجين:هلا بيك
صمود:بس حبيت اقولك ان اليوم المباره بنتابعها في بيتنا
لجين:زيين عاد قلتي للبنات
صمود: انت قولي لختك وانا بتصل بيت عمي راضي وبتصل على سهى
لجين:اوكي سيوووو بروح اتجهز
صمود:ترى مباره مو عرس خخخخ سيوو
لجين:هههههههه
العصر
بيت بو محمد
طق الباب
بومحمد:اكيد جات اختي
وقام بو محمد يفتح الباب
فتح الباب وحب راس اخته وحب يدها
ام راشد:هلا والله باخوي
بومحمد:هلا بيك
دخلو
ام راشد:هذا خالكم
جاو العيال حبو راسه
بومحمد:ياهلا فيكم تفضل راشد المجلس
ام راشد وبناتها دخلو الصاله
سهى وسلوى مستغربين شلون عايشين عيال خالهم دخلو وسلمو على البنات
ريتاج:الله هذا ولدك (واخذته من عندها)
جاو البنات كل وحده تبي تاخذه
ام محمد:هههههه اشوي اشوي على الولد
ام راشد:مستانسين خليهم
ام محمد:اهم يحبووووون الاطفال حيييل وخصوصا مايشفون احد ومن زمان ماشافو طفل
اريج:رتوج عطيني اياه خلاص
منال:لا والله انا باخذه بعدها
ريتاج:ياحلوه شوفو يده صغيره ياقلبي(وتحبب فيه)
منار:وااااااو راسه ياعمري
سهى وسلوى:هههههههههههههههه
منار:شخباركم بنات العمه
سهى وسلوى:بخير
وجلسو سوالف تعرفو على بعض اكثر
في المجلس
بومحمد:اجل وين تشتغل
راشد:عند خالي عبدالعزيز
بومحمد:عدل الله يوفقك
وجلسو معاهم ساعتين ومشو
دخل بومحمد
بومحمد:يا ام محمد استاجرت باص وبنروح البحر
ام محمد:صج ؟؟؟؟؟؟؟؟؟؟؟
بومحمد:اي
ام محمد:يا ان البنات بيستانسووون
بومحمد:اجل روحي خبريهم بعد اشوي بنروح واتصلي على امك ناخذها معانا
ام محمد راحت للبنات وقالت لهم وطارو من الفرح
منار:بموووووووووووووت من الوناسه
منال:لو اعرف عمتي كان من زمان قلت لها تجي
البنات:ههههههههههه
اتصلت ام محمد على امها
ام محمد:هلا يمه بختصار جهزي نفسك بناخذك معانا البحر
الجده:مين بيودينا
ام محمد:بومحمد
الجده:شنووووووووووووووووووووووووووووو؟؟؟؟؟؟؟ بوومحمد راس الصخله بيودينا البحر
ام محمد:لالا يمه بومحمد تغير من جات اخته صار انسان ثاني
الجده:دوووم يالله انا جاهزه اجل
وركبو كلهم الباص واتجهو الى البحر(العقير)
البنات:سواقنا ابو الورد عسى يودينا ويرد
البنات:سواقنا عاش عاش باق الدجاج وانحاش
الكل:هههههههههههههههههههههههههههههههه
ريتاج:واااااو تخيلي من متى مارحنا البحر
مشاعل:اممم يمكن من قبل 10 سنوات
سمعهم بومحمد قال في نفسه:صج انا مقصر واجد مع بناتي بس ان شاء الله بعوضهم عن كل اللي راح
قربو يوصلون
منار تصارخ:شووووووووووووفووووووووو البحر ونااااااسه
الكل يصارخ ومستانس
وصلو وانزلو وكلهم راحو جنب البحر
والاولاد راحو اسبحو
منال:حضهم يسبحون مو احنا
بومحمد:دخلو البحر اشوي لمن يوصل الى اركبكم
ادخلو البنات وكل وحده ترش ماي على الثانيه حتى جدتهم معاهم مستانسين حيييييييييييييل
بومحمد:اول مره اشوف بناتي مستانسين هالكثر انا صج مقصر معاكم يا ام محمد
ام محمد:الحمد الله الحين تغيرت
بومحمد:بعوضكم عن كل اللي شفتوه
ام محمد:الله يخليك لنا يابومحمد
بومحمد:صج انك اصيله يام امحمد انا اذيتك معاي وعذبتك وانتي مافكرتي يوم من الايام تاذيني او تتركين بيتي
ام محمد:مهم يصير انت زوجي وابو عيالي
بومحمد:ابيك انتي والبنات تسامحوني على اللي سويته فيكم
ام محمد:مسامحينك
في الليل كل البنات جاين بيت بوالوليد
اللي يشجعون الهلال:صمودولجين وسهى وسلافه طبعا لابسين ابيض وازرق
اللي يشجعون النصر:جيهان دانه وسندس ورنيم لابسين اصفر وازرق
مرام ماتحب الكوره
ابتدت المباره وحاطين الاحلى والكيك والشيبس والببسي كل ماطاب ولذ
لجين تساسر صمود:الوليد موجود
صمود:لالا
لجين افف حسافه
صمود:خلينا نتابع احسن
الا سجلو الهلال
البنات قامو يصارخون:هييييييييييييييييييييييييييييييييه كللللللللللللللللللللللللوووووش
لجين:حرقه على قلوبكم
رنيم:العبره في النهايه
دانه:الشاطر يضحك بالاخير
وبعدها سجلو النصر
قامو البنات يصارخون
جات مرام:اشدعوه كل هذ عشان مباره الله يرجكم
البنات:ههههههههههههه
مرام:ها كم النتيجه
جيهان:تعادل
وفي اخر الدقايق من المباره سجلو الهلال
وقامو البنات يصارخون:يالله يالحكم صفررررررر
وانتهت المباره
البنات شغلو المسجل وقامو يرقصون
اللي يشجعون النصر يطلعون فيهم ههههههه
مرام:ههههههههههههههههه الله يهدينا وياكم
في البحر
جلسو البنات يسون مشوي والاولاد وابوهم يلعبون كره
بومحمد:منور تعالي لعبي معانا
منار:لا يبه ما ابي اكسر راسكم
محمد:هاهاهاي تعالي خلينا نشوف شطارتك
منار:بروستيجي مايسمح لي
الكل:هههههههههههههههههههههههههههههههههههههه
بعدها البنات راحو يتمشون على البحر
وراحو عند الاعب الاطفال
ريتاج:يؤؤؤ تعالو نركب على الارجوحه
منار:وااااااو وناسه
وراحو البنات يلعب بالارجوحه
مستانين اللي يشوفهم يستغرب
منال:سبحان اللي يغير ولا يتغير ابوي من شاف عمتي انقلب 180درجه
مشاعل:الحمد الله
جلسو يتعشون ويسولفون وبعدها مشو وهذا اليوم من احسن ايام عمرهم وتمنو انه ينعاد
وصلو البيت واهم تعبانين
بومحمد:هذا واحد يبيني اوصله انا بروح وربع ساعه برجع
بعد ساعه ما جاء بومحمد ام محمد قامت تحاتي اهي والبنات
تتوقعون شنو يصير في بومحمد؟؟؟؟؟
تتوقعون اذا عرفو اخوان بو محمد بحاله هل بيحبونه وبيزورونه؟؟؟؟
|