الجـــــزء الــخـــــامــس
ام راشد ارتبكت:هذا هذا مادري
راشد:اي يمه شفيك مين هذا
سهى:شلون ماتدرين
ام راشد:ما اذكر كنت صغيره
سهى:بس هذا مصور معاكم اكثر من صوره وبعض الصور فيهم وهو كبير وصغير يعني هذا منكم شكله
ام راشد جلست تصيح
راشد يطالع في سهى واهم مستغربين
راشد حط يده على كتف امه:يمه شفيك خلاص اذا يضايقك لاتقولين مين هذا
ام راشد لا زالت تصيح
سهى:يمه شفيك؟؟
ام راشد تصيح:هذا خالكم محمد وزاد الصياح اكثر من قبل
راشد:متوفي؟؟
ام راشد:اشتقت لك ياخوي لالا مو متوفي
راشد وسهى:اجل وينه
وعلمتهم ام راشد بالسالفه
ام راشد:انا اكثر من مره احاول اتواصل معاه بس يدرون اخواني ويمنعوني
راشد:متى يمه اخر مره حاولتي تتتواصلين معاه
ام راشد:مادري يمكن قبل 15سنه
سهى وتاثرت بالقصه وبدت تبكي:انزين واذا تزوج وحده من خارج العائله شفيها احنا كلنا عيال آدم ليش تتفرقون
ام راشد تصيح
سهى:يمه احنا الحين كبرنا ونبي نتعرف على خالنا
ام راشد:ودي بس خايفه من اخواني يدرون
راشد:يمه الحين الزمن تغير وموشرط يدرون احنا نتواصل معاه وماعلينا منهم
ام راشد:مادري ما باليد حيله
سهى:لا يمه نحاول قد مانقدر نوصل له
ام راشد:بس انا مادري وين ساكن
راشد:من سأل ما ضاع
ام راشد ابتسمت:يوم المنى اللي اشوف فيه اخوي وعياله والله اني مشتاقه له
سهى:انزين ماتعرفين احد يعرفهم
ام راشد:لالا
راشد:حاولي يمه تتذكرين ماتعرفين عائلة زوجته او اي شي
ام راشد:اي ذكرتني اخت صديقتي ام صالح تعرفهم كانه
سهى:يالله يمه شنو تنتظرين اتصلي على ام صالح
اتصلت ام راشد على ام صالح
ام راشد:السلام عليكم
ام صالح:وعليكم السلام توني معاك
ام راشد:هههه لا حبيت اسالك عن شغله
ام صالح:اسالي
ام راشد:كانه مره قلتي لي ان اختك تعرف اهل زوجة اخوي جاسم
ام صالح:اووووووه شنو ذكرك باخوك
ام راشد:هذا اخوي وعمري مانسيته ولا بنساه
ام صالح:اللي اعرفه ان ام زوج اختي جارتهم اهل زوجة اخوك
ام راشد:واللي يسلمك تتصلين على اختك وتخلينها تعطيني العنوان
ام صالح:ان شاء الله ماطلبتي شي يالله مع السلامه
ام راشد الله يسلمك
في بيت بوسعود
سلافه:دريتو ان جاء الوليد
سندس:اي شفيك مهتمه
سلافه ارتبكت:لا عادي بس يعني اقولكم
رنيم:عمي اتصل على ابوي وقاله مسوين عزيمه في المزرعه بمناسبة رجعته وحصوله الشهاده
سلافه:اهااا ومتى العزيمه
رنيم: الاربعاء
سلافه في نفسها:هذا يومي اكيد اهو نسى كل بنات العائله بس لازم اسوي شي عشان يتذكرني ويجي يسرع يخطبني
رنيم:ان شاء الله عاد ننام في المزرعه وناسه
سندس:يؤؤ ما احب انام في محل غير مملكتي اللي اهي غرفتي
رنيم:مالت عليك لاتنامين
سلافه:النوم في المزرعه شي ولا اروع وفي نفسها:وخصوصا بنشوف الوليد اربع وعشرين ساعه هذا احلى واحلى
دخل عليهم تميم
تميم:هاااي صبايا
البنات:هايات
تميم:ها ممكن اجلس معاكم
سلافه:تفضل
تميم:زاد فضلك ياختي وان شاء الله اجلس في بيتك الزوجي خخخخخخ
البنات:ههههههه
تميم:عن شنو كنتو تتكلمون اكيد حش في بنات خلق الله
سندس:لا والله شنو شايفنا
تميم: هاذي سوالف البنات
سلافه:هههه لاكنا نسولف عن عزيمة الوليد
تميم: اذا جاء الوليد يصير خير
سلافه:لا جاء اليوم
تميم:صحيح
سلافه:اي ويوم الاربعاء مسوين له عزيمه
تميم:اهااا والله اشتقنا له واشقتنا لغروره
البنات:ههههههههههه
سلافه:اي صحيح دائما تقلون عنه مغرور اهو صج مغرور؟؟
تميم:اي بس موبالحيل وعلينا احنا عادي بس مع الناس الغريبين لازم يطلع غروره
سندس:انا اتوقع زوجته بتكسر هالغرور
سلافه في نفسها:ان شاء الله اكسره
تميم:هههه شفيكم انا اتوقع ان بيتزوج بعد خمس سنوات كل عمره دراسه خله يستانس بالعزوبيه بعدين يفكر بالزواج
رنيم:شدعوه بعد خمس سنوات بيشيب
تميم: انا بقوم اروح النادي احسن لي سيوووووو
البنات:سيووو
في بيت بومحمد
منال تكلم صديقتها في التلفون
الا يدخل بومحمد بكل عصبيه
ويطيح ضرب في منال
منال: آه آه آه اييييييييييي لحقوني
جاو البنات وامهم
ام محمد تمسك بومحمد:شفيك على البنت
بومحمد:من مساعه ادق واهي شاغله التلفون تبي تخسرني قليلة الحيا
منال راحت تركض غرفتهم واهي تصيح راحو لها خواتها
مشاعل:بس عاد يامنال هذا ابونا وتعودنا على ضربه
منال تصيح:اكلم صديقتي اخذ منها الواجبات واكيد سمعت ابوي يضربني انا شلون اروح بكره المدرسه ما اقدر احط عيني بعينها
ريتاج:كل بيت وفيه مشاكل
منار: الا الاغنياء ماعندهم مشاكل
البنات ومنال معاهم:ههههههههههههه
مشاعل:والاغنياء على راسهم ريشه حتى الاغنياء عندهم مشاكل مافي احد كامل الا الله
البنات: لا اله الا الله
منار:اقول قومي ذاكري مو تصيحين عشان ماتذاكرين يالله بلا عياره
البنات:ههههههههههه
مشاعل:اروج شفيك ساكته
ريتاج:اي صج مو من عادتك
اريج:ابي اروح المدرسه بكره
البنات:هههههههههههههه
اريج بكل حزن:شفيكم تضحكون ماامزح
منار:اي روحي ماحد ماسكك
اريج:اليوم طحت في المدرسه وتمزق مريولي ولا عندي الا اهو وابي فلوس اخيطه
البنات حسو فيها
مشاعل:انزين اذا هدى الوضع روحي عند امي يمكن عندها
بعد صلاة المغرب هدى الوضع وراحت اريج لمها
اريج:يمه
ام محمد بتعب وحزن لانه بعد ماضرب منال كمل على امهم
ام محمد:هلا يمه
اريج:مريولي تمزق وابي فلوس اوديه الخياط
ام محمد حطت يدها على راسها:من وين لي ياحسره امي عطتني 100ريال وابوك ماقصر اخذهم
اريج بصراخ:يؤؤؤؤ شنو هالابو هذا مستخسر فينا وناستنا مو مخلي لنا شي اففففففففف الله يلعن هاذي عيشه
ام محمد جلست تصيح واخذت عباتها وطلعت
مشاعل:يمه يمه وين رايحه
ام محمد ماعطتها وجه
راحت ام محمد بيت جيرانهم ام خليل
ام خليل واهم واقفين في الحوش
ام خليل:هلا ام محمد
ام محمد:هلابيك
ام خليل:امري
ام محمد:بغيت من عندك 50ريال سلف وان شاء الله خلال يومين ارجعهم
ام خليل طبت في ام محمد:شنوووووووووو وانتي كل ما احتجتي جيتي لي ولا تتسلفين 50 ولاتجبينهم الا بعد سنه
ام محمد:ترى طالبه من عندك 50 مو مليون
ام خليل:اسففففففففه ماعندي وحيا الله من زار وخفف
ام محمد:هذا اللي وصى عليه النبي وين حق الجار على الجار ما اقول الا الله يسامحك
ام خليل:يؤؤؤ ام محمد انا موكل ماحتجتي شي جيتي لي تركضين ترى انا مو الشؤؤن
ام محمد طلعت من بيت ام خليل مكسورة الخاطر
بعدها راحت لمها
دخلت ام محمد بيتهم وبدنها كله مندق
جاو البنات
ريتاج:وين رحتي يمه
ام محمدبكل حزن:رحت مشوار وجيت
اريج:يمه خلاص ما ابي فلوس ولا ابي اروح المدرسه خلاص
ام محمد:لا تقولين كذ اخذي فلوس روحي خيطي مريولك رحت اخذت من عند امي
اريج :اوكي رتوج تعالي روحي معاي
اريج:يالله
والبسو عبايتهم واهم يتمشون في الشارع
ريتاج:تصدقين من زمان ماطلعت الشارع
اريج:ههههه
ريتاج:الحين بنروح نخيط مريولك عقبال مانخيط فستان زواجك
اريج:ههههه تخيلي صج يصير عندنا عرس
ريتاج:ههههههههه كان يصير فله
في بيت بومحمد
دخل بومحمد
ودخلو وراه البنات
بومحمد شب نار:من وين جاين يابنات اللذين
ريتاج خايفه:من من الخي الخياط
بومحمد نزل العقال من راسه ومحل ماتجي ضرب في ريتاج واريج:طالعين بدون شوري ياحميييييييييييييييير
ام محمد راحت تدافع عن البنات:لالالالالالالا
وقام يضرب في ام محمد
طبعا الحدث صاير في الحوش والكل موجود بس ماحد يقدر يسوي شي
جاء محمد ودف ابوه وطاح
بو محمد من هالحركه ثاااااااااار وقام يضارب في اللي جنبه كلهم كل واحد حصل له طق واكثرهم محمد
بعدها بربع ساعه طلع بومحمد من البيت والكل يصيح من صوب
اريج تصيح:ايييي ايييي رقبتي اييي راسي
ريتاج:اييييي بطني يمه عيييني
علاوي يصارخ
دخلو جلسو في الصاله وكل وحده حطت لها كمادات
ام محمد تصيح:حسبي الله ونعم الوكيل حسبي الله ونعم الوكيل
منار:لييييييش احنا بالذات ابونا كذا
منال:ليش مانعيش مرتاحين حالنا حال غيرنا
اريج:موحياه هاذي الواحد صار يكره الحياه ويتمنى الموت
ام محمد تصيح:قولو الحمد الله على كل حال انتو احسن من غيركم
ريتاج:شنووووووو احنا مااتوقع ان احسن من احد
ام محمد:لا انتو ماتدرون عن شي في ناس البيت ماعندهم يسكنون
الكل:الحمد الله
مشاعل:هذا يوم مأساه بالنسبه لنا من بدايتها نكد في نكد الله يعينا والله يصبرنا على ماابتلانا
الكل قام ينام بدون عشى والكل دمعته على مخدته اليوم ماينسى بالنسبه لبيت بومحمد من اصبحو واهم في نكد
اليوم اللي بعده الصبح ماحد راح المدرسه وبومحمد مارجع البيت
الساعه تسع الصباح في بيت بوالوليد
في غرفة الوليد
شهد:ها شنو تسوي ياعمري
الوليد:والله جالس على الابتوب اشوف اهم الاخبار واشرب نسكافيه
شهد:ماتبيني اجي اشرب معاك
الوليد:ههههه ودي
الا الباب يطرق
الوليد:اوكي شهود بعدين اكلمك باي
شهد:بايو
الوليد:تفضل
مرام:صباح الخير يادكتور
الوليد:اهلا وسهلا صباح النور
مرام:كيف اصبحت يادكتور
الوليد:اصبحت بخير
مرام:زهقانه ممكن اسولف معاك
الوليد:تفضلي كم مرام عندي
مرام:تدري اجلس مبكر والبيت مافيه احد بس اليوم غير الوليد موجود جيت اسولف معاك
الوليد:زين سويتي ها عن شنو تبينا نسولف
مرام:مادري اي شي
الوليد:مرام انتي ليش ماتشغلين؟؟
مرام:مالي بعوار الراس ومديره والحظور مبكر وانا موقاصرني شي
الوليد:مو على قاصرك على ان تشغلين روحك في شي احسن من الجلوس
مرام:لا عادي عندي انا كله اذا جلست من الصبح اروح اسولف مع امي او اجلس على الابتوب واروح الحديقه واسوي تمارين رياضيه يعني مسليه روحي
الوليد:انزين بسالك سؤال محرج اشوي ممكن
مرام:انت ماتستاذن ياخوي تفضل اسال
الوليد:ماانخطبتي وانا في السفر
مرام استحت:لالا وبعدين حتى لو بنخطب انت اول واحد بتعرف
الوليد:انا مادري ليش الناس كلهم همهم الزواج يعني الحين الولد والبنت بس يكبرون خلاص لازم يتزوجون وبس هاذي اهي الحياه انتهت يجبون عيال وبعدين يزوجون عيالهم المفروض مجتمعنا يتطور ويتطور فكره يعني المفروض نخترع اشياء ندرس اكثر لنتعلم اكثر نحاول نعرف الاشياء المهمه وتفيدنا في الحياه بدال مانفكر شلون نسوي حفلة الزواج والسعاده مو بالزواج ياما ناس تزوجو وحياتهم كلها تعيسه وناس عزوبيه وحياتهم مافي احلى منها
مرام:ههههههه هذا ياخوي الكلام في الغرب هنا عندهم البنت من تتعدى 22سنه صارت عندهم عانس وخايفين انها ماتتزوج
الوليد:مايدرون ان الزواج قسمه ونصيب
مرام:انزين على طاري الزواج ها مافكرت تتزوج
الوليد:قريب ان شاء الله
مرام:من بنت الحلال
الوليد:بعدين تعرفين ولاتنسين انا توني جاي خلوني اشوي استانس تصدقين انا مابقدم اوراقي الحين بريح اشوي اسبوع اسبوعين وبعدين بقدمهم وطبعا واهم مغمضين بيغبلوني
مرام:ههههه على راحتك
طق الباب
الوليد:تفضل
ميري:ماما يبغى انت
الوليد:اوه نسيت انا كنت اكلم وقلت بس اخلص بنزل بس جيتي ولهيتيني بالسوالف يالله قومي ننزل
مرام:اوكي
ونزلو الوليد ومرام
الوليد ومرام:صباح الخير
ام الوليد:صباح النور هلا والله بشيخ الشباب تعال يمه اجلس جنبي
الوليد:ههههه يقلون القرد في عين امه غزال
ام الوليد:الا انت غزال في عيون الكل
الوليد:اوه امي تغازل فيني هههه
ام الوليد:ايي عقبال ما تتغزل في زوجتك
الوليد:هههههه
ام الوليد:ها دراسه وخلصت يالله جيب العروس
الوليد:يمه لاتصيرين من هـ الامهات في الدخله والطلعه والصعده والنزله متى ياوليدي تتزوج خلاص متى مافكرت جيت وقلت لك
ام الوليد:على راحتك على العموم جهز روحك يوم الاربعاء عزيمتك في المزرعه
الوليد:اوه المزرعه من زمان عنها اشتقت لها
مرام:هذي احنا مانروحها الا في المناسبات
الوليد:يمه بس العائله بيجون
ام الوليد:لا ابوك عازم العالم مستانس انك رجعت بالشهاده
الا بدخلة فارس
فارس:هاااااااااااي
ام الوليد:الناس تقول السلام عليكم
فارس:اييي يمه من لقى احبابه نسى اصحابه اول كله معاي والحين جاء الوليد واخذ الجو
الكل:ههههههههههه
ام الوليد:كلكم معزتكم وحده
فارس:مين هاذي الوحده حلوه؟؟؟؟
الكل:ههههههههههههههه
الوليد:الله يقطع ابليسك مابرحت على سوالفك ماتكبر
فارس:شنسوي بعد يادكتور
ام الوليد:انت الحين ليش جاي مبكر
فارس:خلصو محاضراتي وبعد الحين جاء الدكتور ماتبينا في البيت
مرام:مو حلو البيت بدونك فروس
فارس:احم احم واخيرا في احد في البيت يحبني
الكل:ههههههههههه
انتهى الجزء
شنو تتوقعون يصير في المزرعه؟؟؟؟؟
شنو تتوقعون تسوي سلافه للوليد؟؟؟؟
توقعاتكم
طبعآآ بامكآآنه نطول الجزء بس ماطولناه
عشششآن المدرسه منشآآن تخلصون بسسرعه وتذاكرونن ^^
|