ارحل حبيبي دخيل الله وانساني=ارحل مع العمر وتلقى واحدن ثاني
ماظن بعد الرحيل اليوم تلقاني=مليت من جرح حبك وانته الغالي
لاتعشق القلب دامك بالعمر خنته=شريت قلبك وغيرك بالهوى بعته
ليش يالحبيب الذي يهواك جننته=وخليت دمعه على الخدين سياالي
ياكم عطيتك فوادي ماحسبت احساب=واصبحت بعد الغلا في ذا الهوى كذاب
غلبتني وانت تدري بالهوى غلاب=وارخصتني وانا سميتك بعد حالي
جيتك وانا ضامين وابغاك تسقيني=جيتك بدربي وشفت انك تحييني
ارجوك بالله ثم ارجوك تعفيني=ارجوك ترحل ويكفي كل ماجالي
صبرت قلت الصبر يستاهله عمري=صبرت حتى الصبر قد مل من صبري
اهديتك العمر والقى منك الغدري=ياللاسف كنت الاول انت والتالي
كان امنياتي اقضي العمر بيدينك=واليوم صار النكايد بيني وبينك
واللي خلقك وخلق يسراك ويمينك=غلاك باقي وجرحك مابعد زالي
لدغتني فالبدايه وصرت مااتحمل=واقول يمكن مع الاعوام تتعدل
لدغ الافاعي مع الايام يتسهل=ولدغك على القلب يالمحبوب طوالي
شربت مرك وانا ادري كاسك المسموم=شربت مرك وقلت ارضى على المقسوم
والله ماعاد اريد العشق بعد اليوم=يكفي جروحي ويكفي زود غربالي
اهديت لك صدق قلبي وجيت بهمالك=يمناي مديتها ومديت لي اشمالك
رووح وخل الهوى ماهوب لشكالك=ياعاشق الهمله ابشر جايك اهمالي