09-21-2015
|
|
|
دكتور يالله جهّز الغرفه الحين ..!!
<H5>دكتور يالله جهّز الغرفه الحين
وناد استشاريين علم الجراحه
بنجيك انا واللي عشقته من سنين
من بعدنا ماشافت العين راحه
دكتور تكفى مانبي انكون شخصين
شف لك طريقه تختصر هالمساحه
مابي تخلي بيننا ايسار وايمين
ادمج بعضنا اببعض لوهي اباحه
مالومك الياقلت عنا مجانين
العقل راح وسمّح الله مراحه
حنا انتبنّج من تجي العين بالعين
محنا بحاجة للمخدّر صراحه
دكتور لحظه .. بس تبي تبدي منين ؟
ابيك تبدى فيّ ماقوى صياحه
ماقوى نزيف الدم من ناس غالين
وماقوى على دمعه بحزة مطاحه
دكتور تكفى بس اعلمك بامرين
ودي صباحي مايفارق صباحه
هالادمي يسوى بعيني ملايين
حكمت قلبه واستطعت اكتساحه
لكن امانه تبتدي فيني الحين
حاول تخيّطنا بسلك الجراحه
|
|
|
</H5>
|