[ALIGN=CENTER][TABLETEXT="width:80%;background-color:sienna;"][CELL="filter:;"][ALIGN=center]
[ALIGN=CENTER][TABLETEXT="width:70%;background-color:black;"][CELL="filter:;"][ALIGN=center]

:

:
الخطوات بسيطه وسهله
(احب انوه ان اللي فالصور نص المقادير المكتوبه )
:
الاغراض اللي بتحتاجينها :
1- علبه وحده كيك جاهز اي نكهه جوكلت او فراوله او فانيلا
2- كريمة الجبن او الكريمه اللي تنباع جنب الكيك القواطي (انا افضل شغل البيت )
3- 400 ج جوكلت خاص بالطبخ (نوعيه جيده )
4- اعواد المصاص او اعواد الباربيكيو ( الاستغناء عن العود)
5- سباركلز للزينه
:
مقادير كريمة الجبن :
50 غرام زبده ( مايعادل نص اصبع واحد فقط) بدرجة حرارة الغرفه
نص كوب جبن فيلادلفيا او كيري (7 حبات ) بدرجة حرارة الغرفه
كوبين سكر ناعم
ملعقه صغيره فانيلا
/
الطريقه :
اخبزي الكيك بنفس الطريقه الموضحه عالعلبه ..

في اثناء ماتكون الكيكه فالفرن حضري الكريمه
( بخفق الزبده والجبن والفانيلآ واخر شي السكر الباودر بالتدريج )
اتركي الكريمه على جنب
وبعد ماتبرد الكيكه فتتيها باليد او بمكينة الفود بروسسر ( انا افتتها بيدي لأن المكينه تخليها معجنه كثير)

:

بالتدريج ضيفي الكريمه على الكيك وحركي بالشوكه (- بالتدريج-) انا احتجت ثلاث ارباع الكميه او اقل
..اعجني باليد علي خفيف لين ماتتشكل عندج مثل العجينه وتقدرين تشكلين منها كور متماسكه نوعآ ما ..مرات احتاج ابرد العجينه ..فأخليها نص ساعه فالثلاجه !

:

كوري العجينه كور بالحجم الوسط ( تقريبآ اصغر من كرة تنس الطاوله) بتكفي العجينه تقريبآ ل 50 حبه ..
ثبتي عليهم العيدان ..( تقدرين تستغنين عن العود ووقت التغميس ترفعين كل كوره بالشوكه )

حطيهم في صينيه فيها ورق زبده ..وخليهم فالفريزر 20 دقيقه تقريبآ
طلعي الصينيه من الفريزر
ذوبي الجوكلت المكسر ( ابيض او بني ) في المايكروييف لمدة 50 ثانية على قوه متوسطه

غمسي كل حبه بالجوكلت ..نضرب بشويش على طرف المله لحد ماينزل الزايد من الجوكلت
( اهم شي مايكون الكيك مثللج او باااارد وايد زياده عن اللزوم ) ولو نسيتيه فالفريزر طلعيه وقت التغميس وانتظري لحد ماتكون برودته معتدله ...
هاي سر من اسرار التغليف الجيد..واذا جمد الجوكلت معاج وانتي تغمسين حطي نقطة زيت عادي للجوكلت وبيرجع طبيعي ،
،تحملي تضيفين ماااي خطأ كبير وبيخترب عندج الجوكلت ،،،
هذا سر ثاني

رجعي حطي الحبه المغلفه في ورق زبده ورشي السباركلز من فوق قبل لا ينشف الجوكلت
انا لفيت على كل حبه بشريطه ،،يطلع شكلها كيوووت ..

سويت نوعين ..نوع بالجوكلت من داخل
ونوع بالفانيلا من داخل

[/ALIGN][/CELL][/TABLETEXT][/ALIGN]
[/ALIGN][/CELL][/TABLETEXT][/ALIGN]