هـذي هديــه لك مـن .. الــروح للـروح فيــها تحيــاتـــي ، وكــل أحترامــي فيها رساله اسمها : (( روح مسموح )) وصوره تعيـد احسـاس كـل الاسامــي جيتك من اقصى الوجد في سيرة النوح ابــي اوضـح لك مــدى اهتمــامــي عشــان هـــذا الليــل بالعين ممســـوح أقراه .. أقصد أفهمـه من ملامـــي وان قلت: إنــي بالشــعر ســـيد البــوح هذا لأنــك انــت .. مطلــع كــلامــي لا جيت ابي امدحـك .. ألاقـيك ممـدوح مادحك ربـي قبــل يبــدى ســلامـــي يعني لــو اني قلـت لك : انــت مملــوح ماهو ضروري تصبح انسان سامــي مثل الذي لا قال : فـي صمـت مبحـوح يارب ليــه الحـزن .. دوم امترامــي ان ضاق صدري/ صدر الاشعار مفتوح ادفـــن.. وافضــح كــل ماكنت كامــي اكبــر فخــر مادام انــا منــك مجـــروح واكبــر جروحــي تفتخــربك .. امامــي من يــوم شفت العشــق ذابح ومذبـــوح جيتك اسـابق خطوة الشـوق ضامـــي ادري .. بأنــك ماخــذ القلــب والــروح وإلا شـــلون آقــول : عـنـــك حرامــي