منتديات قصايد ليل - عرض مشاركة واحدة

#1 06-22-2015

بلاش صحبه (تف) بعض الاصاحيب *** بحط شرهاتي على حرف قافي

البارحه كني رجل من ( سرنديب ) *** منفي واحس الكون سجن ومنافي

ياالهاجس المليان حزن وتراكيب *** لابد هالليله تباح الخــــــــوافي

( ياقلبي ) الدنيا غياهب سراديب *** ( خضراء دمن ) لوهي خضار وفيافي

ماني بشايب بس صادقني الشيب *** وسوى براسي للمواجع مرافـــــــي

مع كل دورة تطلع الشمس وتغيب *** وضعي على وضعي جفافي جفافي

بعض الآوادم لو يسوق التراحيب *** وده من ( الزرنيخ ) أشرب زعافي

على أمزجتهم كثروبي عذاريب *** واتفه عذاريبي على السب ضافي

ياخافقي والقاف حبكة وترتيب *** واسندت لك هالقـــاف لأنك سنافي

الأرض شمطاء والسماء وضعه مريب *** وانا سهر بالليل ( شربان ) ( كافي )

أكتب ولاأدري وين تسري المكاتيب *** والهم يبرالي على طول وافي

أملك نقاء يشبه خفايا هل الطيب *** بلا شوائب أبيض القلب صافي

ياقلب وان ضكت عليك الكلاليب *** طنش وقل للروح خير وعوافي

(براق وإحساسه رجل من سرنديب )*** منفاي قلبي واسكن ضلوع قافي

ودي للجميع