غبت .. وارديتني في بحر بعدك .. عليل
لاحصلي ّ نجـاه .. ولاحصلـي ّغـرق
حـيّ لكـن روحـي مثـل روح القتيـل
فكر مبدع ,, ونبضـه فـي النهايـه ..ورق
يا" ملاذ الشمـوخ الواقعـي " فـي النخيـل
يا الطف من العطا والنبل كلـه .. و أرق
طارق البعـد يوجعنـي وجسمـي نحيـل
واعذابـي ليـا دق الضلـوع وطــرق
هكذا كـل صبـح .. وهكـذا كـل ليـل
احتفي به شعـور .. ويحتفـيّ بـي أرق
ارغبك كل ما اذكـر حاجـز المستحيـل
والمحك كل ما شـع ّ الصبـاح وشـرق
وافقـدك كـل مـادورت ظـل ٍ ظلـيـل
ارتمي به ليا من حـزن روحـي بـرق
" والله " ,,,, انـك ليـا سولفـت لـو بالقليـل
تبرد اطـراف جسمـي كلهـا وآعـرق !
هيبـة ٍ ترغـم المـدرك يحـط ويشيـل
شي طبيعي لوانـه مـن حديثـك شـرق
( نعمـة ٍ تجبـر لعـاب المشاعـر يسيـل )
واحتـرام ٍ ليـا مـر المحانـي ســرق
حسبي الله علـى طبعـك ونعـم الوكيـل
اشهد انه حجم غيرك .. وطال .. وفرق !
لاأرواحكم النقيه