هنيّك يا الصحاري وإن ضميتي ما يموت تراب
هنيّك لو يموت الطين ما هد الظما حيلك
هنيّك يا السحايب وإن بكيتي ما لحقك عتاب
وأنا للدمع فيني مثل للأرض في سيلك
أحبك والسما تمطر أحبك والجروح أعشاب
أحبك يا سحابة روّحت والأرض تبكي لك

.
.
اختر لنفسك .. انا اخترت الطريق الطويل
بعض الخيارات ماتترك لنا الاختيار

اخترت احبك وشفتك قد مااقدر جميل
على حدود النظر والعجز والاقتدار

كنت فعيوني على حد البها المستحيل
فعين بدر الدجى وفعين شمس النهار

استكثر الحب فعيونك ولو هو قليل
واستصغره في فؤادي لو جروحي كبار

انحت من الصمت كلماتي وروحي تسيل
على الورق واشعل لك الدنيا حروف نار

مااقول كان لعيوني عن عيونك بديل
لكن مثلي اذا ماحب .. حب بقرار

لو قلت للقلب لاهب الهوا لا تميل
ما مال يمك ولو آخر جداه انكسار

اختر لنفسك انا اخترت الطريق الطويل
بعض الخيارات ماتترك لنا الاختيار
.
.

قبل اعرف السهر من قبل اعرف المنام
كنت أحبك وأحب الليل ودروبي
جيت أبكرهك طاح القلب عشب وحمام
والتوى طفل يبكي في طرف ثوبي

لرضآ ذآئقتكم العذبه