سكين هجرك تبري الروح وتحوف / \ بكره يموت الحلم وعيونك تشوف ويموت في سطر الكلام إنتسابك وعيش كلي هم عاري ومكشوف والحزن ينحت في الملامح غيابك يامن جرحني في المحاني وأنا روف بعتي غلاي بهم شك إرتيابك القلب لو يقدر على غصت الجوف يمكن تبعثر بين دمعك ونابك سكين هجرك تبري الروح وتحوف أخر عروق من الوصال لجنابك بموت كلي هم ضايق ومحسوف وعلى سنين الملح بنثر زهابك والصوره اللي تجمع كفوف بكفوف بيخونها البرواز لحظة غيابك لوكان يقدر هالأمل يهزم الخوف ماكان حلمي يندفن في ترابك غايب وحاضر في وجودك ومخطوف وكل إلتفاته تنتهي صوب بابك ياحبي اللي في المعاليق معكوف كلي حروف تحايلك في كتابك / راقت لي كثيرا