صباح الخير لـــو طال اللقاء ياحـــرفي المنثور
فريد ! وما كتبتك لجل ابعثر بك علـــى اوراقي

فمهما طــالت الغيبه مصـــيرك تلتقـــي بالنور
بسيطه لو يجــــف الحبر حـبرك داخل احداقي

انا مــــاغبت عـــــن بوح القصيد الا ونا معـــذور
وذا المره غــيابي من عنـاد الـــوقت وارهــــاقي

حسيب الله زارت حظ ذي جُزءه يجي مشطور
ولا عـارف متى بايكتمل لـــــي جُزءه البـاقي

عمـوماً جيتكم بسمـه على سطر العنـا المستور
يسـابق لهفتي بوحـي على مجموعة اشواقي

جماهـــــير المحبه داخلــــي تشتاق للجمهور
ابـادلهم جمـــوح العـاطفه باحساسي الراقــي

اذا ألتفـت بي افكــــار العنا فالخاطـــر المكسور
يكفيني صدى منهو سكــن في داخل اعماقي