بعد غيبه طويله والليالي دايره وتدور
بعد حب(ن) سكن في قلبي الخالي

رجعت من رحلتي وكلي أسى مقهور
رجعت وكلي جروح(ن) سبايب كذبة الغالي

هديته حبي الصادق وهداني كذبه المغرور
يظن إني أنا مثله بكذبه أول وتالي

أحبه كثر ماملّت دموعي دمعها المنثور
أحبه رغم كذباته أحبه كثر غربالي

أحبه وأصرخ بصوت(ن) يوصل في صداه قبور
مجبوره على بعده وأجر بصوتي موالي

سطى حبه على قلبي وإسمه داخلي محفور
أبصبر بس ماأقدر أبرضي اليوم عذالي

حاولت أقاوم بحبه ولكنه هداني عطور
عطور أنفاسه وطبعه بتالي الليل يهنالي

أبي أبكي أبي أصرخ ترى كوني غداه النور
ظلام الكون من دونه أحس إني به لحالي

فرحت بوصله وقربه وعدّل خاطري المكسور
فديته يابعد روحي أحبه داله وسالي

محطه من محطاتي وقفتْ وقّفتبي طيور
طيور الحب والفرحه ماهي لي ولأمثالي

أنا لي الحزن والدمع ويّا الدفتر المسطور
متى عمر الزمن لحظه خلّى الفرحه تصفالي

ماعمر الدنيا أهدتني فرح إلا غدا مبتور
ولكن جنتك يارب فيها الخير همالي

يارب تسامح الزله وذنبي ارفعه مغفور
دعيتك ياإله الكون في الجنه هو قبالي

راقت لي