تفكيرها في نفسها طول الايام
مافكرت من عمرها يوم فيني
تطرد ورا حلمٍ لها غاب وانظام
على حسابي والثمن نوم عيني
في حبها كني وريثٍ للاوهام
( متعلقً فيها وهي ما تبيني )
منها حياتي كلها آلام بآلام
على مشارف فرحةٍ تحتريني
ترمي خطاها في مواعيد الاحلام
ياكثر ما تكذب عليّ في سنيني
وارجع لها كلي غلىٰ مابي اخصام
حبي لها الزايد سبب ما يجيني
ماودي ( انهي عشرةٍ دامت اعوام )
واقتل فرحها والامل في يديني
|