بسم الله الرحمن الرحيم
السلام على من أتبع الهدى ..
مدخل/
تغيب الافراح من عمري
بالله من وين بتجيني
والهم مالي قفص صدري
والحزن واضح وسط عيني
,,
,,
ضاعت بي الخطوات في صحصحٍ تيه
أسير هذي الليله الخرمسيّه
م ت ن ا ث رٍ للفرْح , لا تقول لي ليه
متجمّعٍ للحزن , والمهميّه
أغيب عنك بآه , وأرجع لك بهييييييييه
مانيب حي الله بشر جاك .. حيّه
إدع الجزالة بس , وتصيح لبيه
ولّا أذبّك لـ الرياح العتيّه
كم لي أدوّر شئ يلهم , باغنّيه
وازريت لا القى إلهام يروي بريّه
دجت المدارك كلها بالمشاريه
زعلان من حسٍّ توارى بضيّه
الين فز الشعر باجزل قوافيه
والين شفت الغيم , والعارضية
إلهام يجمعني أحاسيس ! بيديه !
إلهام خلّى الشعر لعبه بيديّه
يا ليت اقدر عالاقل بس أهديه
لو أي شئ .. أهم حاجة .. هديّه
اللي لقى إنسان يلهمه ,, يغليه
ما هوب لاقي إنسان يلهمه زيّه
الصدر ويش الصدر لولا عراوية
والنار لولا السمْر .. ماهيب حيّه
يا ليت كل ما تهت , وأرهقني التيه
تْهب قلبي ريحه الموسميّه
ومضه /
ليا من ضاق صدرك نام
تنام احسن من الضيقه
م تدري , يمكن الاحلام
تضم قلبك , تبل ريقه
صحيح القلب ما ينلام
وصحيح الصبر تعليقه
لكنّ الطير لا من شام
عطى صحراهـ تحليقه
أنا إحساس ما أقدر على شرحه
إذا ما تحس بْه .. يتعبك تنطيقه
أنا مدري من أين اجيب لك فرحه
وأنا ذاك الحزين الممتلي ضيقة
تنويه:
كل ما اكتبه هو من متناثرات أفكاري.
إعتراف ضمني:
أنا احب كل شخص يكرهني لا لأنه محبوب
بل لأنه يحسسني أنني شخص طبيعي .