رفيف
ــــــــــــــــــــــــــــــــــ
وحدي ومالت فيه عصير .. وانسام
برد الشتا تقـرا الجـروح بعنايـه
وحدي .. وبعدي غفوة المتعب الهام
اما عصت والا استدرت رضايـه
جغرافية وجهي عصت كل رسـام
وتاريخ وسمي جغرفتـه الغوايـه
في ذاكرة صيفي تعب ناس وزحام
واسمـا تحـن لغيمتـي ولسمايـه
رفيف .. واغلى مابقيلي من احلام
انك تكونين اجمل اجمـل خطايـه
رفيف .. غني للورق حزن الاقلام
مات البطل باول فصـول الروايـه
كنتي وانـا ماكنـت ايامـي ايـام
خذلت باوجاعي جروح اصدقايـه
كذاب من قال الرضا سيد الاحكـام
شفني رضيت بطاعتـي للعصايـه
ياحزان غني .. مابقي لفرح شـام
بعد انكسر كاس العمر وش ورايـه
|