سادن الكهف
ــــــــــــــــــــــــــــــــــ
ياسادن الكهف ناداك التعب والجـرح حيـاك
كلمتنا كيف صوت الـذات فينـا مـات فينـا
ظل السهر زادك الميسور ظل الجرح مسراك
مسلمت للنوم جفنـك بالرضـى ليلـة غفينـا
يكتبك طهر البياض بخاطـرة والغيـم يقـراك
يسمعك وجـهٍ تهيـل بـك وبحـه يصطفينـا
حاصرت غي الخضوع المبتذل كفرك جافـاك
وانته تناميت في زخـرف سكوتـك وحتفينـا
اشعلت فينا بيات القول حتـى صمتنـا جـاك
وقدام مايولـد الفجـر القصـي فيـه انطفينـا
في صدر هذا الجسد لاحلامنا فكيـت شبـاك
ياليتنـا مثلمـا كنـت انـت موفينـا وفيـنـا
صرنا سبايـا نوايـا خطايـا نـار واشـواك
بعنـا دفانـا لجلـد البـرد وحنـا مادفيـنـا
ياسادن الكهف صمتك فجر بوح وسهوك ادراك
ياعين باكـر خذينـا دمـع باكـر وااذرفينـا
وحدك هزمت التوسل والمكان استعذب اخطاك
بالنار نكوى وعشـب القـول يانـار انصفينـا
قسمت بينك وبينك وانت وحدك زفرة اشتـاك
وعطيت للصيـف نخـل قبـل نلقـاه اختفينـا
يمه ورثنا صفاتك طيب قلـب وبسمـة شفـاك
وش فيك يمه نـردك الـك الوفـا ماتعرفينـا
صدقت ماقاله الراوي زمان وطيـن وافـلاك
يمـه دخيلـك بتـارخ المواجـع جغرفيـنـا
|