بسم الله الرحمن الرحيم

السلام على من أتبع الهدى ..

بعد توقف طويل جداً , الله رزقني بهالمتواضعه ..

مدخل/


ما نسيتك , من يقول اني نسيتك ما صدق
كيف ابنسى بس قلي وانت حلم مْن العمر

كم رسمتك في دجا الليل البهيم وكم غدق
قلبي اللي شب ناره من ضلوعي , لك شعر

ضمني , قلبي ترى لو ما اضمك ما يدق !!
كيف تتركني وحيد , ول الليالي م ن ت ث ر ؟؟




,,



الهاجس اللي يدك الصدر ويقدّه
أزريت أسرّيه من بالي , وسرّاني

كم لي وأنا اقرا الشعر ولا اقدر اعدّه
واليوم أعد الشعر , يا كود يقراني

آقف , وميقافي المشهود , معتدّه
ولا احسب حساب رديانٍ تعاماني

أحاول ألجم حصاني عنك , واردّه
لكنّ يا صاحبي , وش يلجم حصاني ؟

والخنجر اللي على عدوانك تحدّه
أركيت به في حنايا القلب بالعاني

وأنت تخبرني م اهاب الجرح , والصدّه
لو ان جرحك فرَق يا صاح , وادماني

طيرٍ تشفّق على الهدّه , ابهدّه
لو انْه لا من كفخ .. يكفخ بجنحاني

يا صاحبي بابٍ ترده , ابسدّه
من عز نفسي ترى , لا تقول نكراني

تعبت أشوف الضعيّف غير , واعدّه
من خيرة الناس , إلا حسبة اخواني

يومه تقوّى عليه ليه ؟ وش حدّه ؟
هو قدح راسه ؟ او انه هرج عدواني ؟

بحرٍ يموج , ويزيد الموج من مدّه
ما هي غريبه اذا شربته ودياني







ومضه/

من لا يبيّن فالشدايد يا صحيبي ما يبان
لو هو على راسه سراج ولو حضن نور البدر

لا ما نشوفه شئ حتى لو يجور بْنا الزمان
ولا ما نْتذرى في ذراه وما لنا عنده قدر