مدخل ~ آمــوت مــن ضيقـتـي مـيـر الله آحيـانـي وجـوارحـي نـــوب لا حـيــه ولا مـيـتـه رغـم انـي اعانـي مـن الوقـت مـا اعانـي مسحت صبـري علـى جرحـي وداويتـه ..! على سور الهيام المر لقيتك تحتضن كاسي تزامن وقتها أمريـن عطش وأعصاب منهارة جيوش من التعب قامت مبانيها على انفاسي تهيل فكـري البــارح من التهديـد والغــــارة على صدر الصراحة شعر كتبني حرفه القاسي تعطرتكــ وهم كاذب صحيت وفاحت اســرارة هلا بك والرحـيل أقبل تـدق رياحه أجـراسي مع النورس نويت ارحل واسافر لآخر ديـاره طعنت بجرحي الخنجر وكفتنه بإحساسي تأملــ في عيوني لك ربيع القحط وامطارة تمنيتك مثل مركب على صدر البحر راسي يشد الموج بخطامة ويصفع موجة إعصارة واخيرا لك نطق صمتي تذكرتك وانا ناسي انا الانسان من طبعي يحب ويكره افكارة علــى بالي تجـي فـكرة وأثبتها بهوجاسـي وبعض افكاري أحرمها من التفكير واشوارة واعيش ببرزخ آمالي على الله ينجلي باسي صحيح أمهلت لكن صعب ذاتي يهمل إنكارة حبيبي كاسك البارح حلف يسقيك من كاسي فداك من العطش شاعر وكاسً تشربك ناره مخرج ~ على درب التعب طاحت بقايا آخر أحلامي " وداســتها " سنين الهم بضحكة حيل ملعونة..!