ياناشدن عنا ترى حنا الأشراف
إليا إعتزينا بالـــــــعزوه الشريفية
وحنا لنا في طلعة العز مشراف
ونص القبايل عــــــندنا عسكريه
وبيوتنا للضيف مشتا ومصياف
ويلقاء القعود مبركاً في الصينيه
ورجالنا دايم للأجواد مــــــيلاف
ومقابلً ضيفه على طـــــــيب نيه
ودخيلنا نحميه وسط الذراء داف
تخاف عكفان الشواربْ مــــجيه
عينً له إفراش وعينً له إلحاف
نبيع غـــــالي الروح دونه هديه
وخوينا نحميه من كل لــــــــقاف
ياويل مـــــن يبدي عليه الخطيه
وأنا أحمد الله مابنا رخوم واضعاف
ولا خبر فينا اللــــي فعوله رديه
وإليا خذينا الحق ندبله بأضعاف
وحنا بحر ماينقص البحر مغراف
والحمد لله فضل رب الـــــــبريه
رجالنا في الهوش يرهب سريه
أهل الشجاعة والكرم مالنا أوصاف
والله وهبنا أهل الـــنفوس العليه
ومن حدته دنياه في قْل الأصداف
ســــــــعده ولا نبدي له المعذريه
وكم شيخ قٌوماً للرياجيل عساف
لا شافنا بالعين يــــــبست شفيه
وكم عايلٍ لاشفنا صابه إرجاف
يخاف لا يغلط إلـــــسانه بسيه
وكم ظابطاً يشيل تاجه بالأكتاف
عود من الـــــهيبه يدق التحيه