منتديات قصايد ليل - عرض مشاركة واحدة - عشاق يعتلون ناصيه القلوب /روايه سعوديه رومنسيه وجريئه كامله

12-15-2014

نور لما شافت الشنط تدور قدامها ركضت لانها شافت شنطتها واخذتها وهي ترفع حواجبها لفهد :لقيتها
فهد :والله انك هبلاء
نور :وانا شدراني ماتوقعت ان مطاراتهم مثل مطاراتنا بعدين اغراضي ثمينه وخايفه عليها
ريما تسحب ايدها من فهد وتحاول تشيل شنطت نور ...
نور ترفض :يابنت الحلال خلي عنك شفايده هاللوح الي معك
فهدعصب حس ان نور تقلل من قيمته قدام ريما :اقول طسي بدينا الحين عطيني ريما شنطتها لاارميها هي وشنطتها بالشارع
فهد وهو يبي يستفز نور رفع شنتطها كانت ورديه وعليها شخصيه كرتونيه :ياعيني على شنطت فله بعدك بزر تاخذين فله
نور ماعطته اهميه وصارت تمشي قدامهم بدلع وهو مو شايفه احد قدامها .. ريما كانت تضحكت على مناقره فهد ونور كانت مشابهه لها مع نوره اختها
فهد غمز لريما وبهمس :والله لاهبل فيها
ريما بضحكه :حرام عليك
ركبوا السياره وبدت نور تشرط على فهد وهو يسمع اومرها على اساس انها اول يوم ينفذ اومرها
وتعشوا بمطعم وفهد كان مبسوط على اندماج ريما مع نور وقعد يتفرج فيهم ويسمع سوالفهم لحد مازهق فهد ومل ..
فهد :يله نرجع البيت
نور بملل :يله اصلا انا تعبانه
ريما بضحكه :اهلكك السهر
لما رجعوا البيت فهد دل نور على غرفتها هي طبعا انبسطت واستانست وراحت لريما اللي تحط الكيكه اللي محضرتها علشانها
نور لما شافت الكيكه خقت :واو من أي محل جايبينها
ريما ترفع حواجبها :انا وفهد صلحناه
نور تصارخ :فهد ليش في البيت ماتسوي كذا
ريما تضحك :حرام عليك فهد حارم نور من هالاصناف افا يالشيف
فهد يلوي فمه :والله مشالله بغيناك عون طلعت فرعون .. هذا اخرتها معك لاتصدقينها نور هي مصلحتها
ريما تقطع وتمد لنور صحن :يله ذوقي واعطيني رايك
نور تقلب عيونها :ايه مدام فهد حاط ايده فيها ماشي الحال
فهد قرب من نور وقرص خدودها :اه منك ياشيطانه
ريما مدت لفهد بصحن :تفضل
فهد بحنان :زاد فضلك ياعمري
ريما وقف قلبها لماسمعت الكلمه بس تذكرت ان التمثيل بدا
نور :احم احم
فهد :شعندك ؟
نور :مو قدامي ؟
ريما بسحى :اعجبتك ؟
نور ترفع حواجبها باعجاب :تهبل والله انك طباخه
لما خلصوا جلت ريما بمساعده نور الاواني ولما خلصوا ريما فتحت الغرفه بس تفاجات بشنتطها اللي مواجهه الباب نور انتبهت لها واستغربت من الشنطه
نور :ريما لمن هالشنطه ؟
ريما بارتباك لانور مايفوتها شيء :هذي لي
نور بعصبيه :لايكون فهد مزعلك
ريما تعدل الموقف ودخل فهد وانصدم لما شاف وجهه ريما احمر فهد :"شفيكم ؟
ريما :لا هذي ملابس بوديها للمغسله
نور :ايه يله عطيني الكريم لااني نسيت كريمي
ريما راحت للتسريحه وشافت كريم لفهد اخذته واعطتها
نور :شكرا
طلعت نور وقفلت الباب وراها فهد استغرب من ريما لما اخذت من اغراضه من دون استاذن قرب فهد منها ويمثل العصبيه
فهد :ليش اعطيتها من اغراضي ؟
ريما بتحذير :لا شرايك افتح الشنطه وانبش اغراضي قدامها اصلا ماعرفت كيف الفت الكذبه ومرت عليها
فهد :ليش معصبه اضربني احسن بعدين مينخاف عليك الكذب على راس لسانك
ريما عصبت وحست انها تفور سحبت شنطتها وراحت للدرج وفتحته شافته معبا ملابس فهد ناظرت فهد :ممكن تفضي لي مكان ؟
فهد فسخ قميصه قدامها وتكلمت لما فسخها قرب منها على حاله وفتح الدرج اللي جنبه
وصار ينقل اغراضه ويعبي الدرج الثاني علشان يفضي لها مكان كان يقرب منها ريما ماتحملت
ريما بخوف :خلاص انا بكمل
فهد ناظر عيونها عن قرب :عطيني هالبيجامه
ريما ناظرت بيجامه ومدتها له من دون ماتناظره :تفضل
فهد اخذها وراح للحمام علشان يلبسها ولما طلع مد نفسه على السرير ووسوى نفسه نايم
وهو يناظر ريما ترتب ملابسها بالدرج ولما خلصت شافت فهد نايم اخذت فراش وكانت تبي تتطلع
فهد فتح عيونه :وين ؟
ريما :برى
فهد بضحكه :تبين امي تاكلني ... تعالي نامي على السرير
ريما بنظره استغراب :هنا
فهد وقف واخذ الفراش منها ومده على الكنبه :انا بنام هنا لاتخافين خذي راحتك
فهد لما شاف ريما واقفه قدام السرير وهي متردده راح قفل الباب :ليش واقفه ؟
ريما تناظر ملابسها ماقدرت تغيرها مدت نفسها على السرير
ولفت الشرشف عليها علشان مايبان منها شيء ونامت بس كل شوي وهي تفز كانت خايفه ..

رانيا صحت من النوم على صوت امها تناديها غسلت رانيا ولبست لها روب بني
ولمت شعرها ولبست شيله ونزلت شافت امه قاعده لحالها بالصاله
رانيا :صباح الخير
خديجه :صباح النور
رانيا :تبين شيء ليش نادتيني ؟
خديجه :لا بس بغيتك تفطرين معنا
رانيا غمضت عيونها ورجعت على الكنبه :ايه بس تعبانه كان خلتيني نايمه لما اصحى افطر
خديجه بضحكه :يله عن الكسل
راحت خديجه للمطبخ رانيا ظلت مغمضه عيونها لما حست باصوات مشي فتحت عيونها شافت ناصر ومها نازلين وكانهم بيطلعون ..
ناصر سوى نفسه مايشوفها بس مها ماحبت تتجاهل وجودها
مها :صباح الخير
رانيا بابتسامه :صباح النور
ناصر يكلم مها بطريقه مااعجبت رانيا :بنتظرك برى
رانيا حست بسكين تطعنها على اسلوبه تمنت انها ماكلمته وظلت تاكل في نفسها عند مازن كان ارحم
مها :كيفك رانيا شفيك وجهك اصفر ؟
رانيا :مافيني شيء عسى ماشر ليش وين طالعه ؟
مها :دخلت الشهر السادس ناصر مصر نعرف جنس الجنين
رانيا بابتسامه مغتصبه :ايه الله يناولكم اللي ببالكم
مها تمسك بطنها وتمسح عليه :يله مع السلامه لما نرجع بنخبركم
رانيا :مع السلامه
طلعت مها ورانيا راحت للمطبخ وهي تساعد امها بالمطبخ دخل خالها عامر وصار يمزح معها يبي ينسيها اللي شافته ...
رانيا ماراح تنسى اللي شافته من مازن ومن ناصر ؟؟.
ناصر وهو بالمستشفى مع مها وهم يناظرون الجنين بالشاشه
ناصر :سبحان الله ناظري مها
مها :شقد صغير
الدكتوره :مشالله ولدكم بصحه جيده
ناصر :بان شيء
الدكتوره قعدت تمرر على بطن مها :ايه اتوقع والله اعلم انه ولد
ناصر بضحكه :الحمد لله اللي من الله يامحلاه
مها تناظر ناصر على قناعته :بنسميه ..
ناصر يقاطعها :تركي
مها تذكرت بسرعه رانيا لما اعترضت :ايه الله يكتب اللي فيه الخير
ناصر ظل يناظر الشاشه وهو يفكر برانيا لو تشوف اللي يشوفه شبيكون رايها بتفرح له ولا بتحقد عليه وبتكره ولده ...

ببريطانيا الصباح
صحى فهد على صراخ نور وريما ولما طلع وهو يعدل قميص بيجامته وشعره منكوش ومخبص
فهد بخوف وهو يناظرهم :شفيكم ؟
ريما ونور ناظروه :هههههههههه
فهد ركز عليهم كانوا يلعبون بلاي ستيشن ويتسابقون سيارت
فهد بحسره :الله يايعيني عليكم
ريما بابتسامه :تعال العب معنا ولا خايف نهزمك
فهد :طيب
فهد دخل وغسل وغير ملابسه ورجع لهم قعد على الكنبه وهم قاعدين بالارض ومبققين عيونهم في التلفزيون ...
فهد بملل :بالله عليكم هذا شريط احد يلعبه ويصارخ كل هالصراخ
نور :ليش تبينا نلعب كره علشان تنبسط
فهد :العبي وشوفي قدامك ترى ريما مو هينه تفوز علي دايما
ريما ناظرت فهد بتحدى :ايه دايما
خسرت ريما لانها تفكر بكلام فهد وتناظره لانها يكلمها
نور تصارخ وطلع لسانه لريما :خسرتي ياحلوه اجل هذي اللي تفوز عليك يافهد
فهد :انتي صدقتي
ريما :بالله عليكم يالله نور مره ثانيه
نور بغرور :لا اعترفي انك خسرتي
فهد حب يهدي الوضع :خلاص تسابقوا مره ثانيه واللي تفوز تطلب اللي تبي بعد الفوز
نور فتحت عيونها :الله وناسه .. يالله ياريما لما كسرت راسك مااكون نور
ريما تحمست :طيب يله
وصاروا يتسابقون وفهد مبقق عينه على الخانه اللي فيها سياره ريما يتمنى هي تفوز
فهد يشجع :عاشت اختي
ريما رفعت حواجبها وصارت تضغط على جهاز التحكم اللي بيدها علشان تفوز وتطلب منه طلب باقي تفكر فيه
نور :يله ياسيارتي طيري تكفين
ريما كانت متحمسه وشوي نور تقدم عليها وشوي تاخذ هي المركز الاول .. بعد الدقايق انفجرت ريما تصارخ ونطت من مكانها
ريما بفرحه كانها كاسبه المليون :هي فزت انا
فهد وقف من مكانه وقعد يتمطط ريما من الفرحه ماستوعبت نطت على فهد وضمته فهد اختل توازنه وطاح على الكنبه وريما فوقه ..
ريما ماستوعبت الحركه اللي سوتها اللي لما طاحوا على بعض استحت انها تحرك ماقدرت جمدت وهي تحس بيد فهد على ظهرها
نور مبققه عيونها عليهم :هي مو قدامي
فهد لما سمع نور حس على نفسه مسك ريما ورفعها عنه وهي منزله راسها وهو يبعد شعرها عن وجهه :انت بخير صار براسك شي
ريما بفشله من اللي سوته ماقدرت تناظره :ايه بخير
ريما وقفت لما انتبهت انها قاعده بحضن فهد وهو يمسح بشعرها قدام نور :بروح اغسل وجهي
وراحت ريما وفهد يناظرها والتفت على رجله اللي كانت قاعده عليها والتفت على نور :هزمتك احسن
ريما دخلت الحمام (اكرمكم الله ) وهي تناظر وجهها :اه مني شسويت والله من الغباء الحين بيصدق نفسه اوف كيف اطلع الحين
ريما غسلت وجهها ولمت شعرها على جنب راحت المطبخ وصارت تحضر الفطور
ولما حضرته على الطاوله دخل فهد يعرض عليها المساعده بس رفضت باسلوب هادي
ريما لما خلصت :نور يله للاكل
نور كانت مسرحه باللعبه :يله
وقعدوا على الطاوله نور حبت تتلقف
نور :هاريما شطلبك من فهد ؟
ريما تسوي نفسها تفكر (ينسى اللي صار ):بفكر
نور :ايه فكري بشي صعب زين تكفين
ريما سكتت لانها تعرف نظرات فهد اللي تراقبها بس ريما تحاول تفادها وماتناظره
ولما خلصوا لموا الاغراض مع بعض وتعاونوا وغسلوها بالمطبخ كانت ريما تغسل ونور ترتب وفهد يناظرهم ويعطيهم التعليمات لما خلصوا
نور ":يله ريما كل هذا تفكير
ريما تعبت من اصرار نور عليها :خلاص اطلبي انتي
نور تفكر ماحست ريما الا بفهد يسحبها من وراء ويلصقها بصدرها وضاغط ايده على بطنها :شهالطيبه
ريما وقف قلبها حطت ايدها على ايد فهد وتحاول تبعدها وهو يضغط اكثر :ايه نور
نور وهي تناظر اخوها الرومنسي :لما تخلصون رومنسيتكم نادوني
نور طلعت ريما بسرعه قرصت على ايد فهد والتفت عليه وتاشر له بيدها :خير انت شهالحركات
فهد يفرك ايده مكان القرصه :اه... انت شفيك ارد لك حركتك
ريما بلعت ريقها حست انه لازم يعلق عليها :موقصدي
فهد :وانا بعد مو قصدي
ريما طلعت من المطبخ بس فهد وقفها وعصب منها :انا مسويت كذا الا علشان تخففين عصبيتك شوي قدام نور على فكره الشنطه مامرت عليها
ريما :طيب اسفه بس انت خفف من اسلوبك
فهد :تصدقين من حبي لك اقول طسي واطلعي لها
ريما عصبت :شوف انا موخدامه عندك تعاملني كذا وتامر وتنهي على كيفك
فهد سحبها :يله قدامي
نور لما شافتهم ضحكت :ابي اروح للملاهي
فهد فتح فمه :موفاضي اطلبي شيء اسهل
ريما رفعت حواجبها بمكر :لا ابي انا بعد الملاهي
فهد عصب :لا والله كلكم علي
نور:اسمع انت قلت وخلك على كلامك
فهد استسلم :امري لله
ريما ونور ضربوا كفهم ببعض :وناسه