الجزء العشرون
دنيا طلعت وفهد اتصل على محامي مقدم اوراق اللي ناوي يرفعها ضد عيال البرقي باسمه
فهد :شلونك ؟
احمد :الحمد لله
فهد :شصار
احمد باسف :لازم ادله اكثر هذي ممكن تورط ابوهم بس العيال صعبه
فهد :عندي اشياء بس خفيفه ممكن انها ماتفيد على حسب علمي
احمد بتحذير :فهد أي شيء حتى لو كان سخيف ترى يفيد القضيه
فهد :اوكيه انا ارجع البيت ولما اطلع نلتقي
احمد :خلاص امرك البيت
فهد بضحكه :خلاص مع السلامه
احمد :مع السلامه
فهد وهو يضحك :ابتدت اللعبه ياعيال البرقي
ناصر قاعد مع اهله وهو قلبه يتقطع على عمته اللي كل يوم تبكي على رانيا ودها تسمع صوتها ناصر ضعف قدام دموعها وصرف مها
ناصر وهو يناظر عمته وابوه :رانيا عندي
عامر سكت من الصدمه خديجه شهقت :ايش قلت ؟
ناصر باصرار :رانيا انا اعرف وين مكانها وهي مو مع مازن
عامر بخوف :اجل وين ؟
ناصر :عندي
عامر بعصبيه :وين عندك ؟
ناصر :انا قبل يومين كلمتني رانيا كان مازن ضاربها وحاول واحد من الحيوانات اللي معه يعتدي عليها انا رحت واخذتها
عامر بعصبيه :يعني خطفتها
خديجه بصوت باكي ماصدقت اللي تسمعه :ناصر بذمتك وين اهي ؟
عامر :ناصر شفيك تكلم ؟
ناصر وكانت عيونه مغرقه :انا اخذتها هي عند واحده اعرفها ومره كبيره بالسن واتطمن عليها كل يوم هي بخير بس مااقدر اخذكم لها
عامر :وليش ؟
ناصر بحكمه :اخاف يكون مازن يراقب البيت او حتى يراقبني بس انا ماخذ احتياطي ومستحيل يعرف وين اروح
خديجه :الله يوفقك ياناصر ابي اشوفها
ناصر :هذا اللي كنت خايف منه عمتي هذا في مصلحه رانيا وهي بخير لا تخافون عليها هي بايدي امينه
عامر :ناصر خذنا لها لازم نتطمن عليها
ناصر عصب :شوفوا انا ماقلتلكم علشان اوديكم عندها انا طمنتكم عليها ماله داعي تروحون هذا خطر عليها
لان لو تلا حظون لحد الحين مازن ماسال اكيد ماخبي شيء او يفكربشيء ويبي يسويه
ظل ناصر يقنعهم وهم رافضين فكره يقعدون يسمعون اخبارها من ناصر ..
فهد وهو داخل البيت مستعجل علشان احمد ينتظره .. ريما كانت بالغرفه تجهز لما سمعت صوت الباب راحت وشافت انوار المكتب شغاله
ولما شافت يدور بالمكان اللي هي لقت الاوراق فيهم خافت ورجعت للغرفه من دون ماتطلع صوت ..
فهد قعد يدور بكل مكان حتى الاماكان المستحيل يحط فيها كذا اوراق وهو خباها علشان ريما ماتلاقها
راح فهد للغرفه شاف ريما عند المرايه تعدل نفسها ولاحظ انها اخترعت لما دخل
فهد :ريما انت دخلتي مكتبي اليوم
ريما باارتباك وثقه مصتنعه :لا ابدا
فهد بنظره حاده :اكيد
ريما هزت راسها بايجاب :ايه
فهد اتصل على احمد واعتذر منه على انه نساها بالسعوديه ..
فهد يناظر ريما وهي بكامل اناقتها كانت لابسه تنوره بنيه قصير لعند الركبه ووبلوزه خضراء غامقه واكسوارت ذهبيه وبوت كعب عالي
وجاهزه بشنتطها وهي تعدل شعرها في المرايه كان فهد معجب بشكلها
فهد :خلاص
ريما :ايه
فهد يناظر شعرها :متاكده
ريما مستغربه :ايه شفيك اليوم كل شيء يبيله تاكيد
فهد :ماراح تحجبين ؟
ريما باصرار :لا
فهد :وليش
ريما بعصبيه :بنطلع ولا شلون
فهد بصبر :يله
طلعوا وفهد كان طول الوقت يناظرها وهو معصب ويفكر اذا هي اخذت الاوراق ومخبيتها وشنو بتسوي فيها
فهد :وين نروح ؟
ريما :براحتك
فهد :بنروح لمطعم صيني شرايك ؟
ريما :اوكيه نجرب ليش لا
فهد :شسويتي اليوم البيت يسيلي
ريما عرفت انه يستخف فيها :ايه كثير يسيلي
فهد بابتسامه :ايه احسن من الجامعه ووجع القلب
ريما :طيب
فهد حس انها محضره له شيء وساكته عنه بتدرسه وتفكر بطريقه التفجير ..
لما دخلوا المطعم ريما تفاجات بالديكور شدها السقف معلق عليه كورات حمراء كبيره مكتوب عليها بالصيني
والطاولات بالارض وحولها وسادات حرير كانت كانت موزعه بطريقه انيقه حتى القرصون كانوا لابسين لبس صيني
ريما بضحكه :الله جنان
فهد ابتسم :ايه باقي ماذقتي اكلهم
قعدوا على طاوله ريما مارتاحت بالقعده كانت تنورتها قصير ولما تجلس ترتفع فهد انتبه لها ونزل عيونه لما حس انها تناظره
فهد بتردد :مرتاحه
ريما :ايه
حطت شنتطها على ركبتها بطريقه علشان مايبان شيء ... كان فهد بيتكلم ماحسوا الا بصراخ من بعيد ويقرب صوبهم ريما تناظر هالبنت الحلوه اللي كان شكلها قاصده فهد ولما انتبه لها فهد وقف وسلم عليها كانت تضمه وتبوسه على خده بطريقه مااعجبت ريما
فهد بضحكه :انت هنا
دينا :ايه
فهد :تفضلي معنا
دينا ماترددت لحظه :اوكيه جايبه شنطتي وجايه
ريما عصبت حست الدنيا تدور فيها لما شافت الفرحه بعيون فهد :منو هذي ؟
فهد توه ينتبه لريما اللي باين عليها الغيره :هذي عمري وحياتي
ريما بلعت ريقها :والله لازم تعرفني عليها شكلها مسليه
فهد بطريقه علشان يغيض ريما ويبين اكثر الغيره اللي مخبيتها :ماتصورين شلون مسليتيني احس بدوام حلو لان مافيه احد غيرها
ريما سكتت ماحبت تكلم عنها وتشوف فهد يعبر عن حبه لها :الحين نتعرف عليها
فهد قعد يقلب بالقائمه اللي معه ويختار اكل له ولريما بعد مارفضت انها تختار وخلته يختار لها على ذوقه ...
جات دنيا وقعدت جنب فهد وصارت تمزح معه وكل لحظه تمسك شعره وتعدل جاكيته وكان ريما مو موجوده
فهد انتبه لريما :هذي ريما
دنيا توها تنتبه :تشرفنا
ريما هزت راسها :ايه اهلا
(طبعا بلهجتهم ) جاء الاكل وريما تناظر العصا وتذكر فاطمه لما عزمتهم مره على بيتهم ومسويه اكل صيني وتعلمهم شلون ياكلون بالعصا
مسكت العصا وهو تغضى عن الكلام اللي ينقال والحركات اللي تشوفها
فهد وهو منبهر بريما توقع انها ماتوقع انها تعرف تاكل بالعصا :ريما شلون الاكل
ريما بالعربي :انت طلبت هالاكل عشان تحرجني قدام المزيونه
فهد صار يكلمها متجاهل دينا :لا مااقصد ...
ريما وقفت ورمت العصا بالصحن وشالت شنتطها :ابي الحمام
فهد سكت وحس ان غلط بحقها لما نادى دينا حس بغلطته وقف وراح وراها من دون ماتنتبه ومسكها قبل ماتدخل
ريما اخترعت وهي تشوف فهد يسحبها وقرب منها يكلمها بهمس وهو يحس بانفاسها معصبه ويشوفها تبلع ريقها
فهد :ريما شفيك ؟
ريما تسحب يدها وفهد ماسكه :شتبي
فهد يقرب منها اكثرويناظر عيونها العسليه المغرقه اللي تعذبه :ريما انت ليش ماتكلمين
ريما وتحس انها بيغمى عليها من حبها له وهي تحس بعيونه عليها وشده على يدها ويقربها منه :ايه قول كذا فشلتك صح
فهد وهو يشم ريحه عطرها اللي مايقدر ينساها حتى لما بعد عنها .. ويحس فيها معصبه وكارهه نفسها : خلاص اذا ماحبيتها يله نرجع البيت
ريما حست انها تجبره على شيء مايبيه :لا براحتك انا تركتم علشان تاخذ راحتك معها
فهد عصب من انها تنكر غيرتها :شكلك تغيرين ؟!!!
ريما سكتت سحبت نفسها بقوه منه ودخلت الحمام (اكرمكم الله )
فهد رجع لدنيا وكذب عليها انها تعبانه ودها ترجع البيت عذرتهم وطلعت ريما من الحمام شافت دنيا قاعده على الطاوله لحالها تشرب
وانتبهت لفهد ياشر لها عند الباب وطلعت معه وركبوا السياره
فهد :ريما انت تضايقتي
ريما حست انها بينت لفهد مشاعرها :لا ماتضيقت بس وحده مااعرفها وصراحه ماتقبلتها مااعجبني اسلوبها
فهد ابتسم وشغل اغنيه overetime ريما ابتسمت له وحست انها ارتاحت لما شافت فهد يحاول يرضيها
لفوا على الشوارع واخذ ايس كريمات وفكر انه يسال ريما ويجس نبضها :ماشفتي روايه عندي اكيد انك شفتيها كتبها روائي اجنبي رائعه ...
ريما حست بشيء موطبيعي مامرت عليها :لا ماشفتها
فهد سكت وحس انها مصره كان وده يعرف بالطيب اذا اخذت الاوراق او لا ظلوا يسولفون ويتمشون بالشوراع
فهد :على بالك تشوفين بريطانيا كلها
ريما بحماس :ايه
فهد :متاكد راح تعجبك
|